الكمبيوتر اكسل من الزول [الأرشيف] - منتديات قبيلة السهول

مشاهدة النسخة كاملة : الكمبيوتر اكسل من الزول

سلمان

31-01-2003, 01:49 AM

اخواني اخواتي
السلام عليكم ورحمة الله وبركاته
ياسرع ما تناولت العجرا ورصيت هالجهاز ابها ابوه صار اكسل من الزول ( السوداني ) ذبحني اتطلبه يالله يدخلني على الموضوع تكفون ياعزوتي تراي بلشت ولا عاد فيني صبر شوفوله دبره لابغيته حرن متى ما اجتمعتوا عاندني الين اقوم اتطلبه واندبه انكان العلم عام يعني كلنا نعيشه والا تراي بارص هالكسول بالعجرا واستقدم زول بداله ماعاندونا طوال الشوارب يعاندنا حديده نشتريها بدراهمنا ماخليت عليه قاصر كل ما قالوا يبي قلنا عطوه واليوم الظاهر انها وصلت مير عطوني افاده قبل لا نتناشب باليدين
تقبلوا تحياتي وتراي معطيكم مهله للاجابه وان حصل شي لا تقولون استعجل ابن عمنا ولا اوصيكم

النداوي

31-01-2003, 02:01 AM

هلافيك سلمااااااان

لاوصيك قرب العجرا عندك واذا علق رصه بالعجرا:mad:

واذا مانفع ترى عندي مرزبه مخليها ليوم مثل هالوقت ;)

تعال اخذها هي دواه :D

وكل يوم عطه حبه عند الازوم|3|

وعلى الضمان مدة سنه مايسوي شي:)

سلمان

31-01-2003, 02:34 AM

|348| بسم الله الرحمن الرحيم
دنيا الوله السلام عليكم ورحمة الله وبركاته
ابوك افزع لابن عمك عطه العلم هو الوضع عام والا خاص به لحاله
اما المرزبه والعجرا فعندنا وعندك خير لا توصي حريص |373| |429| |514| |374| |21| عطني العلم عجل تراي معاد اقدر اصبر على هالزول خل اقلعه بدون رجعه عطوني اجابه العلم عام يعني التاخير والا خاص بسودانيي
تحياتي

مجمش

31-01-2003, 02:54 AM

السلام عليكم

الاخ / سلمان

الكمبيوتر هذا عذبك عشان كذا لازم تعذبه

خذ الشاشة يم القدية والى تعديت نقطة التفتيش رح يمين مع الجبل حتى تشوف

الوادي تحتك هم زنحه بدون ماتسمي عليه .....هم عود على الباقي وخذه على

طريق الدمام واقرب تريله محملة شعير حطه تحتها .

والا اذا مااعجبتك الطريقه هذي يمكن فيها كلافه عليك

مر اقرب محطة بنزين وخذلك لتر بنزين وصبها عليه وشب فيه

والا شف لك سوداني واهده عليه

سعود السهلي

31-01-2003, 03:07 AM

هههههه

يالربع الرجال دابل كبده كمبيوتره وانتو ابلشتوه بالتعليق

شف يابو مخلد

مالك الا حل واحد

يمكن انه مدبيّ عليه :)

انت اذا صكيته ورحت ترقد تحط عليه تمره والا تخليه مكشوف للقوارش ؟؟؟

كمبيوتري عانه ينوز ويطامر .. لاني اذا جيت ارقد لصقت على شاشته فذّة تميره .. وماجاه خلاف من يوم شريته :)

ادري انك ودك تعنتل في شوشتي على هالحل :) لكن لا تستعجل :)

شف يابو مخلد .. انا اتوقع ان بطء تصفح النت غالبا يكون من الاتصال أو مزوّد الخدمه ( البروفايدر ) ،

لان بطء الجهاز يكون تأثيره على تطبيقات الكمبيوتر نفسه وماله دخل في سرعة التصفح

اذا كانت المشكلة بس اليوم اتوقع جهازك مافيه شي .. يعني المشكلة اقرب مالها من خط الهاتف او مزوّد الخدمه

جرب اشتراك ثاني غير الشركة الحالية واذا كان ماعندك ارسل لي رسالة خاصه واعطيك اشتراك تستخدمه لين يتعدل اشتراكك او تغيره

كلنا لابو مخلد في الخدمه :)

سلمان

31-01-2003, 03:10 AM

اخوي مجمش
السلام عليكم ورحمة الله وبركاته
هذا عاد وانت عضو نشيط تبي علمي والله اني واياه اما هداه الله والا والله لاكده الليل والنهار الين اعسف هالزول يمشي على كيفي ما امشي على كيفه
مجمش اخوي عاد علمني الصحيح هو وشفيه الله يسلط عليه الين 2 الصبح ردي هو السبب اهل الشات مدري العنز والا وش العلم تراي مليت علموني|3|:(:( تحياتي

سلمان

31-01-2003, 03:18 AM

هاه ياسهود وامهود واهنودوازيود
السلام عليكم ورحمة الله وبركاته
خيتي انتي ما تدرين اني ما ارقد ابد ليلي ونهاري حاضن هالمقرود صنانه ذابحني من ريحة الكرهب المهم تميره ما تميره تكفين فكيني تراه مهوب حليب خلفه ولا طعام يدبى عليه والمشكلة هذي لها ليلتين واشتراكي سنه مهوب يوم ابو كم ساعه اشتراك مفتوح ولا يمنع انك تصدقين علي باشتراك اخلي هالبزران اللي بذوني بباربي وهايدي يستخدمونه
المهم مدري عنكم ليت الله فاكني منكم عزالله اني بخير وتوبه قفلوا الماضوع
اخوك ابو مخلد

سعود السهلي

31-01-2003, 03:23 AM

قسم بالله العظيم اني سعود مانيب سهود ومهود :):):)

افزعو لسلمان يالربع قام يخم ويخطي واختلطت عليه الاسامي يا عزتي له

كله من هالكمبيوتر الامحق ماعاد خلاه يشوف الاسامي

:)

سلمان

31-01-2003, 03:41 AM

سعادة المدير
السلام عليكم ورحمة الله وبركاته
اولا اقسم بالله العظيم انك صادق قمت اشكل لاني كنت اقرا موضوع لاسهود ومهود ورجعت لمنتدى الزول اسف الكمبيوتر ولقيت ردك اللي زاد الطين بله في بدايته ولا انتبهت للاسم من العجله المهم اعتذر والله اني ما انتبهت ومثلك يعرف واحد مانام يعافر في هالزول الليل والنهار وجاي من رماح وجو مثل ماشفت اليوم لا تلومني واعتذر ومثلك كريم وانا استاهل
تقبل تحياتي اخوك ابو مخلد

سعود السهلي

31-01-2003, 04:03 AM

تامر أمر :)

وصلك الاشتراك في رسالة خاصة

:)

مجمش

31-01-2003, 04:14 AM

الاخ

سلمان

امتنع من هالكمبيوتر

جاب لك اسم سهود ومهود بدال اسم اخونا المدير سعود

بكره تطلب موقع يوديك هو موقع بمزاجه

الله يعينك عليه

اكشف عليه اخاف في بطنه فيروسات

سلمان

31-01-2003, 10:04 AM

اخوي سعود عزوتي ابن عمي
السلام عليكم ورحمة الله وبركاته
صبحك بالخير
استر ما واجهت ياخوك والله اني البارح من التعب ما ادري وشلون اخطيت وبخصوص الاشتراك مابعد فتحت البريد وكثر خيرك لكن تراي يوم اقول انت كريم وانا استاهل قصدي انك كريم في السموحة وانا مستحق لكرمك باني تسمح لي المهم بيض الله وجهك ولا عدمتك والله لا يبين غلاك
اخوك ابو مخلد

سلمان

31-01-2003, 10:16 AM

اخوي مجمش
السلام عليكم ورحمة الله وبركاته
صبحك بالخير
تبي الصحيح اظن فيه فيروزات مهوب فيروسات وانت الصادق لكن ترى وجود المدير لا بغيت الصدق صلح الوضع من جا المدير البارح الله يطول عمره والقاري وجلس على المكتب وهالزول منضبط وادهر الله لا يحرمنا وجيه الطيبين وابشرك ركبت على ظهر هالزول ماجلان وكنود مدري icomوشريت بعد حر طلاع وفكيت برقعه وان ضاع او اخطى بعدها لاقريح :(والله لاتبع نصيحة المدير وبيجيبك يوم يامجمش
تقبل تحياتي
اخوك ابو مخلد:eek:

ولد منجل

31-01-2003, 01:41 PM

السلام عليكم

مشكلة جهازك ممكن تكون

من اكثر من سبب

مثل ماقال اخوي سعود من الاشتراك

او من البرامج الكثيرة على الهارد دسك الي هو C

او من فايروس في جهازك

او خط الهاتف اذا مشترك

والاسباب كثيرة اخوي

وهم فية سبب جدا مهم

هو ايدك يمكن ايدك قشرى

هع هع هع

اذا تبي خدمة دز رسالة خاصة وانا اقولك شنو تسوي

مجمش

31-01-2003, 02:02 PM

الغالي

سلمان

وعمرك مايقصر ومن يقرا هالحين

المدير سعود كله بركه

عط سداح فرصه

امهله اسبوع ان كانه اعتدل وصار مضبوط

والا استخدم معه جميع وسائل العنف

والله يحمى اجهزتنا واجهزة اخواننا المسلمين من الفيروسات

اخوك /

مجمش

|2|

سعود السهلي

31-01-2003, 03:32 PM

ابو مخلد الغالي :)

افا عليك بس يا سلمان... ترى الروح رياضية يابو مخلد .. وياما بيجيك من المزح والعيارة :)

<---- يحب الوناسه والمزح مع اخوانه

المهم ان زان كمبيوترك والا نعرضه على الرياعي يقرا عليه ... يمكن يكون فيه سكيني والا لاقطه سبب :)

جعلني مابكيك يا سلمان انت اخو وغالي لاعدمت هالزول

سلمان

01-02-2003, 01:20 AM

اخواني /سعود السهلي/ مجمش / ولد منجل / دنيا الوله
السلام عليكم ورحمة الله وبركاته
سعدت جدا بردودكم ومداعباتكم واستغلالكم للمواقف بالعياره والمزح اسعد الله ايامكم وجمعنا واياكم وبمن يقرا في جناته جنات النعيم يالله ياكريم يارب قابلني بهم في الجنة المهم اشكركم الكمبيوتر السوداني انشاء الله انه بياخذ اجازه يمكن تكون بدون عوده لاني ارسلته للحج مع حمله يضيعونه حول الجمرات ,انشاء الله يتوهقون وياخذونه ويضيعونه وابلشهم وانشب في حلوقهم ;)
ولد منجل والله انك ماقصرت لولا اني ما فهمت الى الان وش قصدك بيدي قشرا يعني مرزبه والا منحوسه على مايقولون دولاك المهم شكرا للجميع وكثر خيركم وتوبه اني اعرض عليكم مشكلة تالي الليل ومن كثرت همومه ينام
تحياتي
ابو مخلد اخوكم

سهود ومهود

14-02-2003, 03:38 AM

سمعت اسمي من بعييييييييييييييييييييييييييد

:D

جيت بآخر السالفه ،، بس شدني الموضوع خصوصاً إن إسمي فيه

بعد اللي صار مابقى أي تعليق ممكن أضيفه

|272| |272|

تحياتي:
|48|

ســيف الغــلا

14-02-2003, 05:36 PM

ابشر بسعدك اخوي ابو مخلد

والله لخليه لك طياره

بس اصبر خلني ادور لك برنامج تنظيف الكوكيز والملفات المؤقته

ومن النذاله ماني منزله في المنتدى برسله لك برساله خاصه مابيهم يستفيدون بعض الناس

ههههههههههههههههههه

<====== شهادة ماجستير في النذاله:p

انتظرني الليله اخوي ابو مخلد

ســيف الغــلا

15-02-2003, 07:07 AM

اخوي سلمان ( ابو مخلد )

ابشر بسعدك يالغالي ولاهونون اخواني الاعضاء

هذا برنامج تنظيف الجهاز من الكوكيز ومخلفات الانتر نت والملفات المؤقته وغيرها

حمل البرنامج من هنا (http://ftp.east165.net/1/2570.zip)

حمل البرنامج وبعد مايخلص فك الضغط عنه

ونصبه وانشاء الله يشتغل معك تمام

على فكره بيطلع لك البرنامج على شكل صورة مكنسه على سطح المكتب

اضغط عليه وبتفتح لك نافذ اضغط بالمربعات اللي يسار واحد ورا الثاني وكل

مربع بيفتح لك يمين منه مربعات حط فيها كلها صح

ماعدا واحد اللي هو باسوووورد عشان مايبلشك

ويصير كل ماشغلت البرنامج لازم تحط

رقمك السري

خله بدون تحط عليه شي

اوكي

بالتوفيق للجميع

واي خدمه انا حاضر