المساعد الشخصي الرقمي

مشاهدة النسخة كاملة : (( ابوووووووووومخــــــــــــــلد هووووووووووون)

فهيد السهلي
23-12-2005, 04:54 PM
اســــــــــــــــــتلم يا بومخلد


سلامي سلامٍ يسمعه صاحبي سلمان= سلامٍ يسوقه سوق با الطيب ويجيبه!
ولا يابن عمي الزمن باخره خوان= وظيف القبيله كيف يجرح معازيبه!!؟
سلمان
23-12-2005, 09:59 PM
ارحب ارحب يافهيد
هووووووووووووووووون ومانيب هووووووووووووووووووون
لكن استلم :


كلامك فهمته قبل ماتكتبه عنوان = هلا مرحبا باللي كساه الوفا طيبه
زمانك زماني والبحر يظهر القبطان = ومن عال لابد الليالي توليبه
فهيد السهلي
23-12-2005, 11:28 PM
يا سلااااااااااااااااااااااااام يا بو مخلد


وفيك البقا تسلم يقوله ولد حمدان= وزماني وزمانك يبعد الشك والريبه
ولك لابةٍ تعرف ليادخن الميدان= وسيل الجبل كثرة وكبرة دغاليبه
مشاعر
23-12-2005, 11:40 PM
السلام عليكم ورحمة الله وبركاته


اول مره اشوف سلمان يلعب طاروق



ماشاء الله تبارك الرحمن


صح السانك فهيد وصح السان سلمان


تسلمون


لاعدمناكم:)
فهيد السهلي
23-12-2005, 11:46 PM
هلا والله مشاعر


لاتروحين بعيد نورتي المتصفح والمحاوووووره في وجود اسمك


تكفا ابو مخلد لا تطول ترى المشاعر حضرة واقفه وتطي تحيه
مشاعر
23-12-2005, 11:50 PM
السلام عليكم ورحمة الله وبركاته



موجوده قريب فهيد

ننتظر رد سلمان ....... مانى واقفه سحبت كرسي وقعدت:)

الله يعطيكم العافيه


لاعدمناكم :)
سبع الجزيرة
23-12-2005, 11:53 PM
الله عليكم
يافهيد وياسلمان
اتحفونا
فهيد السهلي
23-12-2005, 11:55 PM
هههههههههههههههه

مشاعر اقعدي لين اقول انتهى الطارووووووووووووق

سلمان تعال لردف عليك بكم واحد دخيلك نفذ صبري دخيلك انا
سلمان
24-12-2005, 12:09 AM
ياسلام ياسلام


يافهيد لو مامن هالطاروق الا انه يجوز لمشاعر وسبع الجزيره بنستمر وانت عاد اصبر علي شوي تراني مركب مكينة ديزل وجوي هو اللي يساعد على الرد
استلم طال عمرك :




انا وانت من ربع رجح فيهم الميزان = ولا ينعرف فينا هل الكذب والغيبه

والضيف يومنه نسى الطيب والاحسان = ترى عادة العربان ماتقبل العيبه
فهيد السهلي
24-12-2005, 12:09 AM
هلا وغلا سبع الجزيره

ميل ودخل صف عاى كيفك الخيار لك لا تروح بعيد طال عمرك
سعود السهلي
24-12-2005, 12:33 AM
الله الله الله الله

ابدعتو يا مال العافية

ابدعت يا فهيد

اما ابو مخلد

ما شاء الله تبارك الله ما شاء الله :)

متميز في كل شي وفي كل المجالات جعلك والله تسلم ياكحيلان

في الهندسه والادب والشعر والسياسة و و و

الله لايظرك


لكم جميعاً تحياتي
سلمان
24-12-2005, 12:38 AM
عساك والله تسلم جعلني ما اذوق ظيمك والله لا يبين غلاك عزتي للي مايعرفك ياسعود اشهد انه مهوب محظوظ
اخوك ابو مخلد
فهيد السهلي
24-12-2005, 12:41 AM
ترى الشمس غابت والقمر تو نوره بان=ومن شاف نوره واضحٍ قام يمشيبه
وحقوق العرب تعرف وضيف العرب له شان= وكلآ على ما قيل يا خذ مواجيبه

الليل الليل يا جالس امسك صف
مشاعر
24-12-2005, 12:44 AM
السلام عليكم ورحمة الله وبركاته



يعطيكم العافيه


ماشاء الله سلمان ربي ما يضرك


تسلم والله فهيد


اعتقد الكثيرين يراقبون من بعيد:)


لاعدمناكم:)
فهيد السهلي
24-12-2005, 12:45 AM
هلا هلا والله بكحيلان وربي تستاهل الاسم يا سعود

الابداع هو مروووووورك يا شاعرنا الفذ الشاعر الذي يستحق كلمة شاعر

اخوك ابو تركي
سلمان
24-12-2005, 12:57 AM
يا سلام ياسلام
استلم يابو تركي :



يافهيد نام الضيف في قاصي الاركان = وكانه ذهين تالي الليل يسريبه
والضيف اسمه ضيف لو كان به نقصان =مجبور حق الضيف توفي مطاليبه
سلمان
24-12-2005, 12:59 AM
مشاعر لا عدمنا وجودك اشوفك مستغربه
المهم لا تروحين بعيد فهيد شاب ضوه وربعه حاضرين وانا الله يعيني باساهره الين ينام والا يعطينا وقت مستقطع
سلمت يامشاعر
النجم الهاوي
24-12-2005, 01:02 AM
صح الله لسااانك ياشعاااااااار

نبي مواااااااااااال :003:

الشاااااااااااهي ياولد عجل علينا :148:
فهيد السهلي
24-12-2005, 01:13 AM
أنا شاعرٍ كلي مشاعر يابن نمشان= خيالٍ بـــــــــ عقلي في صلاتي اهذريبه
وشوفك تصد ايمين عن مضرب النيشان= والكن ولد حمدان يعرف مضاريبه
فهيد السهلي
24-12-2005, 01:16 AM
ارررررررررررررررررررررررحب يا النجمممممممممممممممممممم

تووووووووووووووووووك تجي وانا اناقز الحالي من البارح ما معي احد

التوقيع طاررررررررر طار فيه الطيرررررررررر دوره مع السواق المعجب امحق حض سيلنكي امحق اعجاب
سلمان
24-12-2005, 01:23 AM
يافهيد خل الناس في شرعة الرحمن = ومحد يعرف السر والغيب ماليبه
والضيف له حد ولو كان منهو كان = اما يجيي بالطيب والا بنلويبه
سلمان
24-12-2005, 01:25 AM
ارحب يالنجم ارحب
ارب عندك فديو تسجل الموال وابشربه
اخوك ابو مخلد
هتون
24-12-2005, 01:31 AM
&
&
&



نــــــــــــــــــحن هنا ...



ياحظكم ماعندكم دوام بكره ...



صح لسانكم ... ونبي قهوة ... وتكمل السهرة
سلمان
24-12-2005, 01:34 AM
لا والله الا عندنا دوام ياهتون لكن اخوي وابن عمي مشتاق له ولاعلومه ولا استاسع الخاطر ابرك الساعات
المهم عليك تجهيز القهوة والفطور وعلينا السهر وابشروا
اخوكم ابو مخلد
سلمان
24-12-2005, 01:38 AM
تكفى يافهيد ترى الدوام باكر بدري عجل علينا
فهيد السهلي
24-12-2005, 01:42 AM
عجزت افهمك واسمع ولا اقول غلطان= وذاك الحن وشلون عندي تغنيبه!!؟
بغيت الشهاده والشهاده لها برهان= وجبت الخبر با الظرف يمي وتو ميبه!!
الحوري
24-12-2005, 01:46 AM
الله الله


من المتابعين بقووووووه :)



تحياتي


الحوري
فهيد السهلي
24-12-2005, 01:46 AM
اخو نوووووووره لا تقول تكفا

وصح السانك وما قصرت طال عمرك ولي الشرف بهذا الحضور منك شخصيا ومن الغالين الذين تو اجدو معنا هنا


اما اخوي الغالي سعد بن تويم سوف ينال عقابه ان لم يكن لديه عذرأ مبرح ههههههههههههه ظرب

تحياتي مغليكم اخوكم ابو ترووووووووكي
النجم الهاوي
24-12-2005, 01:48 AM
صح الله لساانكمhttp://www.eqla3.com/vb/images/smilies/026.gif

والحين مابه الا http://www.eqla3.com/vb/images/smilies/019.gif
الحوري
24-12-2005, 01:51 AM
بو تركي


بو مخلد



لاهنتوا جميييييييع :)


تحياتي
الحوري
فهيد السهلي
24-12-2005, 01:51 AM
هتوووووووون اخوك الشرير يرحبك هووووووووووون

الحوري هلا والله وين الغيبه لايكون باليخت حقك


شرفتونا في حضوركم


اخوكم بو تررررروكي
شيخة الزين
24-12-2005, 01:54 AM
السلام عليكم

الله الله

صح لسااااانكم

يابو مخلد
يابو تركي

ونحن من المتابعييييين

:)

تحيتي
سلمان
24-12-2005, 01:59 AM
لاصار ابن عمي يقول الهدف مابان = فانا في طريق الحق لابد واجيبه
تمسكن تمكن ثم ثبت عليه عنان = ولامن عسفت الخبل جود تلابيبه
سلمان
24-12-2005, 02:01 AM
الحوري وشيخة الزين ارحبن ارحبن بارك الله في حضوركن
المهم هتون في المطبخ تجهز الفطور والقهوة وابشروا باللي يرضيكم جميع
اخوكم ابو مخلد
فهيد السهلي
24-12-2005, 02:02 AM
معقوووووووووووووووله الشيخه وصلت مش معقول

هلا الشيخه

نورتي ومشكوره على روعه حضووووووورك


ابو تروكي
سلمان
24-12-2005, 02:05 AM
اخوي فهيد
صح لسانك وبيض الله وجهك كفو كفو يابن عمي هني من انت اخو له الله لا يبين غلاك
ما انتبهت لردك الا بعد ارسلت الرد الاخير العذر والسموحه وانا معك على سعد بن تويم الى عزمت خلك على الباب الايمن
تسلم ويسلم كل من حضر
اخوك ابو مخلد
فهيد السهلي
24-12-2005, 02:07 AM
اخوي الغالي ابو مخلد

لاهنت وتصبج على خير وصح السانك

اخوك ابو تركي
النجم الهاوي
24-12-2005, 02:09 AM
الحوري وشيخة الزين ارحبن ارحبن بارك الله في حضوركن
المهم هتون في المطبخ تجهز الفطور والقهوة وابشروا باللي يرضيكم جميع
اخوكم ابو مخلد

سلماااااااااااااان

النسوان من فوووق السطح يطلووون عليكم


الله الله برفع الصوووت علشان يسمعونكم

فهيد عقالك مايل عدله ،،، تبي السبحه لزوووم الموااااااااااال


نياههههههههههههههههههههههههههههههههههه
فهيد السهلي
24-12-2005, 02:12 AM
النجمممممممممممممممممممممم

انا ميل بي بعض العرب خلقه الله يسامحه ابو سته ملي هههههههههه

ابو تروكي
مشاعر
24-12-2005, 08:15 AM
السلام عليكم ورحمة الله وبركاته


صح السانكم

فهيد وسلمان


شعار ماشاء الله تسلمون

ربي ما يفرقكم اللهم امين


لاعدمتكم:)
الجفول
24-12-2005, 09:32 AM
السلام عليكم




يعني الواحد مايغيب له يوم الا تفوته السوالف كلها


وبومخلد خاش عنه موهبته الشعريه



لكن كله من الصوره اللي شافها والعيون البلوريه الزرقا :)


وفهيد جنيته ابد تبغي اشاره وتسوي الههوااااااااااايل



صح لسانكم

ماشاء الله تبارك الله


تسلمون جميع


لاخلا ولاعدم
فهيد السهلي
24-12-2005, 06:23 PM
مشاعرررررررررر
الجفول

تحيتي لكم
فهيد السهلي
26-12-2005, 04:38 PM
اخوي الغالي تاج راسي سعد بن تويم


عذرك نايم طيب طيب يكون خير ونشوف النوم هذا وش علاجه

الدكتور فارس ما يقصررررررررررر


طيب طيب


اخوك الكبير ابو تركي
سلمان
26-12-2005, 06:16 PM
للجميع خالص تقديري واحترامي
وكانت ليلة من ليالي الانس مع صفاء القلوب وابن تويم ان قاله الله ليعاف النوم قبل 4صباحا
اخوكم ابو مخلد
اخوكم ابو مخلد
فهيد السهلي
30-12-2005, 03:50 PM
سلمان عليك في ابن تويم تكفا
خله يعرف وش قال فينا هناك والا خله علي اخليه ينام سبع الصبح قبل يفطرررررررر

تحياتي