المساعد الشخصي الرقمي

مشاهدة النسخة كاملة : ((((وين؟؟؟؟؟؟؟؟؟؟؟؟؟ سلمان!!!!))))

فهيد السهلي
22-01-2006, 10:36 PM
ارحب
يا بو مخلد فديت قلب اللي انا ميده!!

وين سلمان وينه عقب ماحج مكه= هو رما ابليس والا يوم عود لفابه!!
والله اني اعرفه بس با الوضع شكه= شكةٍ راودتني يوم يقراء خطابه!!
فهيد السهلي
22-01-2006, 11:08 PM
هلا هلا سعد

شرفت يا طويل العمرررررررر بس انا جنتيتي!! وربي ما فيها بعيني مثلها جنيه كذا من الله بس تقهرني
بعض المررررررات ياسعد ابيها تفهم الدرسعي ماتفهم يطوف عليها ابيها تفهم البرقيات المشفره! ماتفهم!
وان رحت البر قالت ابي البحر وان جيت البحر قالت ابي البر بشب ضو وبجلس!! وعلى كل حال جنيتي ان فكيتها
على جنية سلمان شالت فيها وخبطتبها با الصاله بس عساها ماتطلع !! مني لين يجي سلمان على شان تشوف العجب!! تكفين يا جنيتي لا تخليني فديت قلبك الفزعه!! لا يرثع فيني سلمان تراه با يععععععععععععهههههها!!
سلمان
22-01-2006, 11:15 PM
ارحب ارحب يافهيد
ياخوك صح لسانك
تراي باكتب وانا والله ياخوك في عالم ثاني لكن خل نسري وتراها مزوح تجي وتروح ولا يلحقنا شك يابن عمي
استلم طال عمرك :


ابشر اني هنيا في يديني بلكه = منتظر للسنافي في يدينه ربابه
شفت انا بليس يبكي كل جمرة تضكه = ما تذكرت عنده غير بعض الذيابه
ناصر حضرم العنقودي
22-01-2006, 11:15 PM
صح لسانك

ياابو تروكي
فهيد السهلي
22-01-2006, 11:28 PM
هههههههههههههه

افتح الباب جيتك وانتبه لا تصكه=الخوي ما يخلي الخوي من زهابه!!
والولد ان قلبته صن بقفاه بكه= ومن سواتك نعرفه وافين في جنابه!
فهيد السهلي
22-01-2006, 11:30 PM
لاهنت

يابو حضرررررررم لاهنت على حضوووورك يا الغالي
فهيد السهلي
22-01-2006, 11:36 PM
ارررررررررحب يا سعد

على الملازيييييييمممممممم انك معي وبجنبي من يمين جعلني ما فقد راسك

والجن واللي خلف الجن في راس ابو تركي خلك معي سلمان بيحذف من بعيد ههههههههههه
تخيل وانا جايه والطابوقه معه هههههههههههههههههه وربي مت ضحك هههههههههههههه
ههههههههههههههههه سلمان لا تكسر راسي تراء الطابوق من السلاح الابيض ههههههههههه
محرررررم بيعه وقتنائه هههههههههه
سلمان
22-01-2006, 11:49 PM
هههههههههههههههههههههههههههه
جهز فراشك في السطح



السمن يالسنافي كود يحفظ بعكه = والتمر لا هديته نظفه من ترابه
كان سحرك خطير عندنا من يفكه = وكان كيدك عظيم قد حسبنا حسابه
النجم الهاوي
23-01-2006, 12:13 AM
الليل الليل
سلمان
23-01-2006, 12:17 AM
اسمحولي باحط راسي والصبح يصير خير
عن اذنكم عيوني قامت تشكل وفهيد والله ياجنيتك ان الله اراد ماعاد يهناها النوم الا في السطح
مشاعر
23-01-2006, 12:27 AM
السلام عليكم ورحمة الله وبركاته


صح السانكم

ربي يدوم عليكم المحبه


لاعدمناكم:)
فهيد السهلي
23-01-2006, 12:39 AM
ههههههههههههه سلمان ياقرب جنيتي!!

ليه مدري علامك يوم راسك تحكه= ياعسى الصدر ماهو زايدٍ التهابه؟
وسحر قلبي من اللي في غلاها تدكه= صوبتني وقبلي زيد يشكي صوابه!!
فهيد السهلي
23-01-2006, 12:46 AM
ههههههههههههه سلمان ههههههههه النار ولا العار اللي تبي فيني سووووووووه جنيتي لا ومليوون لا
اغارررررررررر عليها لا تخليني ادخل عليك رسالة جوال وفجررررررك كلش ولا الجنيه
وبعدين تراء الشبكه انقطعت وتاخرت عليك غصب سلمان لبا قلب جنيتي اللي احسن من جنيتك ههههههههههه
الجفول
23-01-2006, 09:29 AM
السلام عليكم



صح الله لسانك يا فهيد
هذا والجنيّه زعلانه عليك
اللي يستر لي رضت بس الظاهر انها سلطت خويتها علي بومخلد



سلمااااااااااااااااان
صح لسانك ياخوي
مدري مدري ((اقتباس من سلمان ))
انا ودي اقول اشياااااااااااا بس اخاف يحذفوني في الجوجل

الله يستر

لاخلا ولاعدم
سلمان
23-01-2006, 11:54 AM
يالله صباح خير
صح والله السنتكم جميع
استلم استلم

يمدحون ربيع النعيريه بالنهار ويحذرون انها مسكونة بالليل الله يحمانا واياكم


لارجمت الكبيره قم على الراس ذكه = صفر الراس وارفع هامتك للسحابه
خل عنك التصابي لا يجي المهر فكه = شوف عيني حبيبك كل جني سرابه
سعود السهلي
23-01-2006, 01:15 PM
الله الله الله يا شعارنا

يالله واصلوا ترانا متابعين للمعركة
فهيد السهلي
23-01-2006, 02:07 PM
لاتظيع طريقك وارسلك صوب دكه= ديرةٍ من يجيها عايشٍ وسط غابه!!
يا الحرامي اشوفك كل عظمٍ تمكه= عيشتك طول عمرك كلبوها انهابه !!ههههههههههههه

هههههههههههه
فهيد السهلي
23-01-2006, 02:12 PM
مشاعر

هلافيك مرةٍ ثانيه يسعدنا تواجدك

ابو تروكي
مشاعر
23-01-2006, 02:51 PM
السلام عليكم ورحمة الله وبركاته

ياطول هاللعبه

شنو ماخذين راحتكم:)



فهيد قدرت اتطلع مواهب سلمان الى مخبيها
تسلمون


لاعدمناكم:)
فهيد السهلي
23-01-2006, 04:16 PM
النجم

خلك قريب الليله

سعود لا تبعد طال عمرك خلك حونا
فهيد السهلي
23-01-2006, 04:25 PM
الجفوووول

شوفي الجنيه زعلانه راضيه ربي الي عطاها كيفها المهم انا اقول انها جنيتي يعني قرينتي قرينتي معشوقتي قرينتي جنيتي ويكفي انها تدري واني قلتلها ضايقٍ صدري اليوم وبكره وبعده واللي بعده والى ماله نهايه الجفول
كلش ولا الجنيه انتي اختي الصغيره وحترميني وحترمي جنيتي ولو جبر خاطرهههههههههه !!
الجفول خليك قريب لا تبعدين
اخوك ابو جنيه يعني ابو تروكي
الجفول
23-01-2006, 05:21 PM
السلام عليكم


اذا هي سوالف الجنيّه لازم نقدم فروض الطاعه والولاء

تعيش جنيه بو ترووووكي ((عدلناها))
بس اكيد ترووكي بعد عنده جنيه صغيره يلعب بها


ويله منها ولد المتنبي وبعد ولد العبسي



واصلوا هالابداااااااااااااع

لاخلا ولاعدم
فهيد السهلي
23-01-2006, 05:23 PM
ههههههههههههههههههه
الجفووووول هههههههههههههههههه وش دخل تروكي ههههههههههههههههههه

وربي مطفيه اليت هههههههههههههههههههه هههههههههه ابوتروكي هههههههههههه
سلمان
23-01-2006, 11:52 PM
رجعنا ندور علاج واستشرنا اصحاب المشورة قالوا استمر في الرقية وجن ابو تركي مصيرها تغادر ولو ان المعروف عن النعيرية انها مسكونه لكن ان شاء الله بالرقية الصالحة منا يزول الباس
مع تقديري للجميع

استلم وتراني شفرت البيتين التالية منك وارسلتها للمختبر لتحليلها والعلاج عندي



لاعجب يابن عمي رزكم نوع بكه = مايذوقه حظيظ ولا عرفوه الصحابه
وانت وان غاب خلك بالكفاله نزكه =كود يرتاح بالك ما تجيك الكآبه
فهيد السهلي
24-01-2006, 12:03 AM
كان مالك حلالٍ كل حولٍ فزكه= انشد الشرع تعرف كم حسبة نصابه!!
وكيس غيرك حرامٍ لانفتح لا تتكه= وبتعد عنه جنب يا ولد وش تبابه!!؟ هههههههههههه
ههههههههههههههههه مالك حاجه

سلمان انت خطيررررررررر فكني من شرك هههههههههههههه تراني ابن عمك ههههههههه
سلمان
24-01-2006, 12:46 AM
اسر اسر وعلى مايقول ابو عرب اذا هود الليل كل خربز

عزتيلك تلون كن في العلم تكه = ومن يعرف الامانة بذمتي مانهابه
التسول جريمه ومن تمناه هكه = راصدين الحكاية في سجل النقابه
فهيد السهلي
24-01-2006, 12:57 AM
لا يغرك بهرجه لو يضيفك بنكه= الجدي فوق راسي والاسد مانهابه
ومن تلعثم السانه اطرمٍ فيه لكه= لو يسرج احصانه ماكسب من غزابه!!
سلمان
24-01-2006, 01:15 AM
كفو يابن عمي لكن بنكه مالها مجلس عندنا وش رايك

والله اني اجنب كل ما لاح سكه = واحذر الداب يضرب وسط كفك بنابه
وان سمعت النصيحه الدوى فيه شكه = ابرة في وريدك من خبير الطبابه
فهيد السهلي
24-01-2006, 01:33 AM
ههههههههههههه رايي برايك هههههههههه انت خطيرههههههههه وما عليك زود

الخرز عد وغلط دوك خيطه وشكه= ورمحٍ ابتر اسوقه بغير مثلك لجابه!!
والمعاني ان سرتبي سال سيلك المكه= اذبح الداب وسري دون علم الرقابه!!
محمد بن دحيلان
24-01-2006, 01:43 AM
ياسلام

فهيد وبو مخلد
صحت الاسنتكم

متابعين وبصمت :)


تحياتي للجميع
سلمان
24-01-2006, 01:48 AM
دام هذا كلامك والله ان فيك شكه = والغشش مايبيله غير مخطر حرابه
فارشين فراشك في دواعيس مكه = بين عمك موفق وبين ستك صبابه
فهيد السهلي
24-01-2006, 01:49 AM
هلا هلا محمد بد دحيلاااااااااااااااااااااااااااان

شرفتنا في حضورك وبشرني عنك عساك بخير
فهيد السهلي
24-01-2006, 01:53 AM
الغالي سلمان

لاهنت وطال عمرك وبيض الله وجهك وسعدنا في وجودك في هذه المحاوره
ولك مني الشكر والتقدير

اخوك مغليك لبا قلبك : ابو تركي
محمد بن دحيلان
24-01-2006, 01:55 AM
ابشرك بخير يافهيد واطمر العرفج :)


ياسلام يابو مخلد


فهيد ..... الليل الليل ....

مازلت متابع بصمت
سلمان
24-01-2006, 01:55 AM
يض الله وجهك يابن عمي
وصح لسانك
وللجميع تحياتي وتقديري
اخوكم ابو مخلد
محمد بن دحيلان
24-01-2006, 01:57 AM
صح السانك يابو مخلد يافهيد

ولاهنت امتعتونا يالجزلين .


لاهنتوا

كل التقدير والاحترام للجميع
فهيد السهلي
24-01-2006, 01:57 AM
من ابو تركي

الى كل من مر من هنا من الاعضاء والزوار الشكر الجزيل

وننتظركم في محاورات قادمه في القسم نفسه ان شا الله

وتقبلو تحيات محبكم ومغليكم اخوكم الكبير: ابو تركي
هتون
25-01-2006, 10:14 PM
*
*
*

صح لسانكم جميع ..



بوتروووكي وش فيها جنيتك زعلانة علي مسحت ردي اللي كتبته هنا :(
العابث
04-02-2006, 01:06 AM
والله ما هوب سهل أبو مخلد توني أدري إن عنده كل هالمواهب
والشغالات السنعة
تو
ما قصرتوا أبومخلد وأبو ترووووكي
تصبحون على خير