((((ســــــــــــــــــــته وعشــــــــــــرين!!!)))) [الأرشيف]

فهيد السهلي

28-01-2006, 11:51 PM

باخر لليالي عام سته وعشرين= نستقبلك ياعام سبعه وعشرين
ونودعك ياعام في يوم الاثنين= ويا ويل قلبي منك ياذاك ويلاه!!
وضحتله ما يفتهم للي نقول= مجنون مايفهم كلامٍ يسمعه!!
والمشكله من طبعها تلقا حلول= ويا ليت ابو مخلد بهرجه يقنعه!!

محمد بن دحيلان

29-01-2006, 12:28 AM

ياسلااااام

الله الله

بنتضار العذب ابو مخلد وصح السانك اخوي فهيد

فهيد السهلي

29-01-2006, 12:35 AM

تسلمممممممممممممم يا محمد لاتروح ابيك

خلك قريب ( فديتك) من قلب اعجبتني المفرده

فهيد السهلي

29-01-2006, 12:44 AM

هلا وغلا فيك ياسعد

لاتروووووووح ابيك خلك قريب طال عمررررررررك
وبو مخلد اعرفه قريب جنيته عقب ما حلق شعره تغيرت عليه ههههههههههه
الله يكفينا شره

سلمان

29-01-2006, 01:02 AM

ياسلام ياسلام يابو تركي
انت ماتعلمني يوم جنك ماتجي الا بعد نصف الليل اما عن حلاقة راسي فهي على السنة اخير من جن تورسدك ليلي
استلم

الله يديم النا السعاده والافراح= في سنيننا يافهيد دايم ونرتاح
الادمي في دنيته مثل سواح = وياويل قلبه منك ياذاك ويلاه
المشكلة ازريت احددلك ميول =فكرك يهاب وقلب صدرك ما اشجعه
فالناس به صاحي وبه شخص مهبول = وانا اترك المهبول مانيب اردعه

فهيد السهلي

29-01-2006, 01:24 AM

افهم كلاميٍ واضحٍ كنه الشمس= وامد يدي بس ماحس با المس
وان كان جنك حاضرٍ شغل الجمس= يا ويل قلبي منك ياذاك ويلااااااااااه
انا شجاعٍ والشجاعه با السهول= ابوابها لهل الكرم مشرعه!!
اما الردي تكرم يقول ولايطول= وبعض العرب وش روعه من روعه!!؟

محمد بن دحيلان

29-01-2006, 01:50 AM

الله الله

متابعين

لاهنتوا

كل التقدير لكم

فهيد السهلي

29-01-2006, 01:54 AM

لاهنتوووووووووووو بس يا الربع سلمان يربط الجنيه مشغول خلووووه على راحته
يقول انا حجيت وهي تقول مالي شغل داخلتك داخلتك حاج والا منت حاج واذ حجيت حججني معك !!

ناصر حضرم العنقودي

29-01-2006, 12:48 PM

باخر لليالي عام سته وعشريـن==نستقبلك ياعام سبعـه وعشريـن
ونودعك ياعام في يوم الاثنيـن==ويا ويل قلبي منك ياذاك ويلاه!!
وضحتله ما يفتهم للـي نقـول==مجنون مايفهم كـلامٍ يسمعـه!!
والمشكله من طبعها تلقا حلـول==ويا ليت ابو مخلد بهرجه يقنعه!!

صح لسانك

ياابو تركي

سلمان

29-01-2006, 11:41 PM

الله يمسيكم جميع بالخير
يافهيد باسم الله علينا وعلى الجنية منك خص الى صرت في بر النعيريه تالي الليل ياكافي الا صدق يقولون النعيريه مسكونه وانا بعد عرفك اقول نعم

المهم استلم طال عمرك :

يافهيد بن قبلان وشجاك واعماك =خلاك عايش بين ذولا وذولاك
واعرف ترى المكتوب يافهيد ما اخطاك = ياويل قلبه منك ياذاك ويلاه
كفو بربعك ياعسى عمرك يطول = عدوهم يافهيد يلقى مصرعه
خلك مع الطلاب واختر في الفصول = غلطت غلطه ليه طيرك تشبعه

فهيد السهلي

30-01-2006, 12:26 AM

هههههههههههه
هههههههههه
الطيرطيري واتصرف بهده= يلحق وزود النود ماهويرده
مير البلا حدٍ عن الصيد حده= ويا ويل قلبي منك ياذاك ويلأأأأأأأأأأأأأأأه
الصيد يجفل والضباء فيها جفول= والسيل لامن سال محدٍ يردعه
وفر الخليج براحتك عرضٍ وطول= والظلع الاشهب في شعيبه مزرررررعه!!

الديمقراطى

30-01-2006, 01:08 AM

يافهيد بن قبلان قلبك له ميول /// وراعي الشعيب اليوم نكفيك سنعه

الظاهر انه معجبه دق الطبول /// يرقص على الدقه وحنا نرفعه

الديمقراطى

30-01-2006, 01:39 AM

تكفى يابن حمدان طوع هالذلول ///ترى ركوب الهجن والله مروعه

ابواب مفتوحه ولا فيها قفول /// ياعني كذا يافهيد والله امِشرعه

سلمان

30-01-2006, 01:56 AM

خل الفشق يافهيد لأهل البواريد =لاصار طيرك يطرح الصيد يافهيد
الله يجيرك من عيون المقاريد = ياويل قلبه منك ياذاك ويلاه
الله يعز اللي مشى حسب الاصول =والا الردي ندعي عسى الله يقلعه
احسب طلوعي ياولد قبل النزول = قبل الحفر لازم نمر المجمعه

فهيد السهلي

30-01-2006, 02:02 AM

هههههههههههههههه
سلمان لاهنت طال عمرك وعز الله انك دليت الطريق وبيض الله وجهك

ولاهنت طال عمررررررررك وماتشوف شر

فهيد السهلي

30-01-2006, 02:04 AM

الديمقراطي

لاهنت على حضووووورك طال عمرك

وانت شاعر ما فيه كلااااااااااااااااام فهمتك من ردك

تحياتي

سلمان

30-01-2006, 02:10 AM

ابو تركي اخوي
ووجهك ابيض وطل عمرك ولا عدمتك ولا عدمت اخوتك والحاضرين
اخوك ابو مخلد

الديمقراطى

30-01-2006, 02:34 AM

الديمقراطي

لاهنت على حضووووورك طال عمرك

وانت شاعر ما فيه كلااااااااااااااااام فهمتك من ردك

تحياتي

الاخ / ابو تركي

يعلم الله اني من اشد المعجبين بك

واكن لك كل احترام وتقدير

واسمحلي على هالمشاركه

وانت شاعر مافيه كلام
والعين ماتعلى على الحاجب

وانا اعتبرني تلميذ من تلاميذك

هذا وتقبل تحياتي

فهيد السهلي

30-01-2006, 02:41 AM

اخي الغالي الديمقراطي

اعجز عن شكرك على مشاعر الطيبه اخي وانت الخير والبركه
وكلنا اخوان ومكملين البعض واعجابك وصل وسام واحمل على صدري واشكرك على هذا الوسام الغالي
اهوك ابو تركي

فهيد السهلي

30-01-2006, 02:41 AM

اخي الغالي الديمقراطي

اعجز عن شكرك على مشاعرك الطيبه اخي وانت الخير والبركه
وكلنا اخوان ومكملين البعض واعجابك وصل وسام واحمل على صدري واشكرك على هذا الوسام الغالي
اهوك ابو تركي

الـكــــادي

26-02-2006, 02:58 AM

الله الله

والله وفي محاورات من وراااااااااااااااااااااااااي وانا مدري

بس تسلمووووووووووووون ولاهنتم