سلمان
24-12-2002, 12:43 AM
يازيد وين اللي لهم علم واذكار = شدوا وخلونا هل الجود والصيت
قبل الفجر شدوا وباحن الاسرار= وابديت ماكنيت بالصدر واخفيت
ودعتهم الله وانا خافقي حار = أحر من جمر الغضا يوم قفيت
واصبحت مثل صاحب الغار والنار = راحوا وانا من صافي الدمع هليت
شدوا وانا دمعي على الخد عبار = وجاوبت انا الورقا بصوتي وونيت
ابكي ذوي جلال وافين الاشبار = انحوا هل المعروف وعنهم تنحيت
ربع لهم في صفحة المجد تعبار = وانا على فرقا هل المجد حنيت
وياما حاولت انسى وعَين الافكار =وياما عذلت القلب ياناس وازريت
كني غريق طاح في غب الابحار = وهيضت مافي داخل القلب وازريت
شدوا هل المعروف من دارنا لدار = ياليتني مع جاري اليوم شديت
انا مشيت ديار في كل الاقطار = مثل ذوي جلال يازيد ماريت
بيوتهم تلقى بها بن وكتار = عود الفماري تاجده كل ماجيت
سهول من ساس الصخا منقع الكار = ماسبوا الجيران ولاعمري اوحيت
ولا حسبوا للمال بلوذات الاسعار = واخص ابن مشعان ريف المباحيت
سعد وقاه الله من شر الاشرار = نجره يصوت للمسايير تصويت
اللي بذل من ماله الحر مختار = جزل العطا بمعونته لهل الكويت
سعد فعل فعل مع الناس ماصار = مكارمه عندي عليها تثابيت
وابن وهق غيث على الدار والجار= ابن علي بافعاله البيض نبيت
رجل على صعبات الايام صبار = مدهل نشاما حسب ماقيل واوحيت
من دون عرف الناس تجيب الاخبار = وصلتني اخباره وانا فيه غنيت
يالحاتمي علمك وصل كل الاقطار = عزالله انك بالملايين مديت
اقولها يالحاتمي سر واجهار = واشهر ثناكم كل ماصبحت وامسيت
ماكل من غاص البحر جاب محار = الا انت في كور الشهامه تعليت
مالك شبيه كود هداج فوار =هداج تيما لاوردته ترويت
مواقفك جزلات بالحيل واكبار = ماحصيتها عبر القلم لو تقصيت
جزل العطايا بالمواجيب خسار = ليت الرجال ابطال مثلك تجي ليت
يازيد ياللي تكرم الضيف والجار = ياللي بنيت البيت راحوا هل البيت
سهول الى ركبوا على قحص الامهار = في يوم يحصلبه وعود وتناعيت
عاداتهم يثنون كان الدخن ثار =وحمي الوغا والبيض زجن زغاريت
يركون في كبد العدو سم مسمسار =لطامة العايل خزام العناتيت
فكاكة الماسوق فكاكة العار = اليا ثنوا خلف الضعن بالمماريت
وان حولوا بالسيف قصاف الاعمار =جمع السهول يشتت الضد تشتيت
بايمانهم شلف تلظى لها اقدار = شلف تفتت ثومة القلب تفتيت
اليا احمرت الهيجا وعج الرمك ثار = عاداتهم يسقون مر وحلتيت
اهل فعول طوعت كل هدار = بذاك النهار اللي حصل فيه تصويت
مدلهين الخور في كل الاقفار = يرعن هيت ماصفقوهن شحاتيت
تاريخهم ينبيك من عصر سنجار = اشهر ثناياهم بالكرم ماتدريت
هذا اللذي من خاطري فايضه صار =وكتبت انا من خاطري ماتوريت
ولكم تحية عد هملول الامطار = واعداد من يمشي على الارض والميت
تمت صلاة الله على المصطفى البار = عداد من لبى ومن طاف بالبيت
وسلامتكم
يازيد / يسندها على الشيخ زيد بن ناصر المليحي
ابن مشعان / سعد بن مشعان الزقعاني السهلي
ابن وهق / عبد الله بن علي بن وهق الظهيري السهلي امير رويضة العرض
المرجع : نسب قبيلة السهول تاليف عبدالله بن سعود بن ختلان السبيعي
قبل الفجر شدوا وباحن الاسرار= وابديت ماكنيت بالصدر واخفيت
ودعتهم الله وانا خافقي حار = أحر من جمر الغضا يوم قفيت
واصبحت مثل صاحب الغار والنار = راحوا وانا من صافي الدمع هليت
شدوا وانا دمعي على الخد عبار = وجاوبت انا الورقا بصوتي وونيت
ابكي ذوي جلال وافين الاشبار = انحوا هل المعروف وعنهم تنحيت
ربع لهم في صفحة المجد تعبار = وانا على فرقا هل المجد حنيت
وياما حاولت انسى وعَين الافكار =وياما عذلت القلب ياناس وازريت
كني غريق طاح في غب الابحار = وهيضت مافي داخل القلب وازريت
شدوا هل المعروف من دارنا لدار = ياليتني مع جاري اليوم شديت
انا مشيت ديار في كل الاقطار = مثل ذوي جلال يازيد ماريت
بيوتهم تلقى بها بن وكتار = عود الفماري تاجده كل ماجيت
سهول من ساس الصخا منقع الكار = ماسبوا الجيران ولاعمري اوحيت
ولا حسبوا للمال بلوذات الاسعار = واخص ابن مشعان ريف المباحيت
سعد وقاه الله من شر الاشرار = نجره يصوت للمسايير تصويت
اللي بذل من ماله الحر مختار = جزل العطا بمعونته لهل الكويت
سعد فعل فعل مع الناس ماصار = مكارمه عندي عليها تثابيت
وابن وهق غيث على الدار والجار= ابن علي بافعاله البيض نبيت
رجل على صعبات الايام صبار = مدهل نشاما حسب ماقيل واوحيت
من دون عرف الناس تجيب الاخبار = وصلتني اخباره وانا فيه غنيت
يالحاتمي علمك وصل كل الاقطار = عزالله انك بالملايين مديت
اقولها يالحاتمي سر واجهار = واشهر ثناكم كل ماصبحت وامسيت
ماكل من غاص البحر جاب محار = الا انت في كور الشهامه تعليت
مالك شبيه كود هداج فوار =هداج تيما لاوردته ترويت
مواقفك جزلات بالحيل واكبار = ماحصيتها عبر القلم لو تقصيت
جزل العطايا بالمواجيب خسار = ليت الرجال ابطال مثلك تجي ليت
يازيد ياللي تكرم الضيف والجار = ياللي بنيت البيت راحوا هل البيت
سهول الى ركبوا على قحص الامهار = في يوم يحصلبه وعود وتناعيت
عاداتهم يثنون كان الدخن ثار =وحمي الوغا والبيض زجن زغاريت
يركون في كبد العدو سم مسمسار =لطامة العايل خزام العناتيت
فكاكة الماسوق فكاكة العار = اليا ثنوا خلف الضعن بالمماريت
وان حولوا بالسيف قصاف الاعمار =جمع السهول يشتت الضد تشتيت
بايمانهم شلف تلظى لها اقدار = شلف تفتت ثومة القلب تفتيت
اليا احمرت الهيجا وعج الرمك ثار = عاداتهم يسقون مر وحلتيت
اهل فعول طوعت كل هدار = بذاك النهار اللي حصل فيه تصويت
مدلهين الخور في كل الاقفار = يرعن هيت ماصفقوهن شحاتيت
تاريخهم ينبيك من عصر سنجار = اشهر ثناياهم بالكرم ماتدريت
هذا اللذي من خاطري فايضه صار =وكتبت انا من خاطري ماتوريت
ولكم تحية عد هملول الامطار = واعداد من يمشي على الارض والميت
تمت صلاة الله على المصطفى البار = عداد من لبى ومن طاف بالبيت
وسلامتكم
يازيد / يسندها على الشيخ زيد بن ناصر المليحي
ابن مشعان / سعد بن مشعان الزقعاني السهلي
ابن وهق / عبد الله بن علي بن وهق الظهيري السهلي امير رويضة العرض
المرجع : نسب قبيلة السهول تاليف عبدالله بن سعود بن ختلان السبيعي