الفخر لأهل الفخر [الأرشيف] - منتديات قبيلة السهول

محمد السهلي

14-12-2002, 12:03 PM

السلام عليكم ورحمة الله وبركاته

صبحكم الله بالخير

شاكر للأخ سعود على جهوده المبذوله

وهذي قصيده حبيت اشارك في افتتاح المنتدى الرائع

الليل طرّف والهجوس المسفهله ما تحيد=قامت تراودني وانا انقض فالمعاني وافتلي
سوجي يا رجلي واقطعي مع غبّة الافكار بيد=دامه يلازمني بعزّم في مسيري وارحلي
اغيب عن دنياي واعوّد عليها من جديد=واقول بسم الله ولا غير الله الوالي ولي
واراجع الصفحات وافكاري تعيد وتستعيد=جزل المثايل نظمها مثل الجواهر يذهلي
سبك المعاني وحبكها عقدِ زها في كل جيد=وبنات فكري بالمثايل والجزيل تهللي
فرايدن ما كل منهو هاش بكفوفه يصيد=شرّد ومن ساحات شعار الحداثه جفّلي
ما كوسر الحوني واغنيها مثل عبدالمجيد=طلاسمٍ لمعاتها مثل الجواهر والحلي
ولا ذخرتك يا هجوسي كود للدر الفريد=وانا ادري انك لا نويت الدرب يعني توصلي
دام الفخر لأهل الفخر والعز والصيت الحميد=للآبه اللي وقعها مثل السحاب المنزلي
ايه افتخر في ربعنا اللي فالشدايد ما تهيد=لطامة العايل كعام المعتدي واهل الشلي
اللي لهم ما بين سادات العرب ذكرن مجيد=الجد واحد لو تسميني سبيعي وسهلي
الكل رافع هامته .. والذكر يبقى ما يبيد=في وقتنا .. المقبل .. وهذا .. والزمان الاولي
كسّابة الطاله ووافين المبادي والرصيد=اهل المكارم والفخر والعز والمخرج ملي
اهل الوفا والجود والافعال والباس الشديد=نوفي ونستافي ؛ ولا منا حكينا نفعلي
نفك من صلب الحديد اليا التوى ويّا الحديد=ولا من تعزوينا خداريس الليالي تنجلي
امطوعين العاصي المستكبر الجبوّ العنيد=ومزبنين اللي من الدنيا وغثاها مبتلي
ومعززين اللي بنظراته وهقواته بعيد=ومذللين الزمره اللي للجمايل تجهلي
نحمى على صمّ الرمك نمشي على الراي السديد=وضح النقا ودرب القدى فيه المناير تشعلي
على الصديق احلى من البلسم وارق من الجريد=وعلى العدو نارٍ سعايرها تثور وتصطلي
اصغرهم اللي لو يجي للقوم يشملهم عقيد=واكبرهم اللي في سنام المجد روّام وعِلي
يشهد لنا التاريخ والعربان والجمع المديد=وتشهد سيوف الهند مع علط الرماح النّحلي
وتشهد نجوم الليل والافلاك وبيوت القصيد=والكون يشهد والبسيطه والجبال الزحّلي
من دون ماقفنا ولو الموت في حبل الوريد=ننهض على الطاله وذي عادات اهلكم يا هلي
ولوّي احسّب فعلكم ماوّفت بيوت النشيد=من ما بقلبي جيت اعبّر عن غلاكم وارسلي
ولا عليهم زود اهل الجود والساس الجويد=والشجره اللي عرقها سابح من الماء تعتلي
نوفي مواجبنا وانا في هذي اللحظه سعيد=من صغر سني عاشق العليا وفيها مدهلي
درب المراجل ما يجيه من العرب رجلٍ بليد=وانا على درب الخطا واللوم ما سقت اجملي
والقرم في دنياه يتعب وان تعب شاف الحصيد=والا الردي مرتاح من فوق الحرير المخملي
تجارب الدنيا تعلمّنا ومنها نستفيد=واللي جهل ينصا العوارف فالعلوم ويسألي
وختامها صلو عدد ما فارق الدنيا شهيد=على رسولٍ بالرساله والهدايه مرسلي

وسلامتكم

سامحونا على القصور

سلمان

15-12-2002, 12:51 AM

بيض الله وجهك على هالقصيده اخوي قصيده تعطى دوى ويطيب قاريها ولا يلحق قاريها من العارفين العاقلين شرهه لو قراها في اليوم ثلاث مرات سلمت وصح لسانك

I السهليI

15-12-2002, 06:06 PM

بيصَ الله وجهك يامحمد عزالله انها ممتازة ولا ينقصها الا ان تنشر لكى يكون لها وقع وصدى بين الناس وخصوصا السهول وسبيع ويستاهلون المدح بنى عمنا سبيع

اللي لهم ما بين سادات العرب ذكرن iiمجيد
الجد واحد لو تسميني سبيعي iiوسهلي

سعود السهلي

15-12-2002, 09:12 PM

محمد يا محمد

لبى قلبك والله ياشاعرنا :)

مانيب قايل لك كم قريتها من مره

وكل مرة بشعور وتفاعل شكل . بين اعجاب وفخر وإحساس بالنشوة

وفي كل مره أقول لله درك عز الله ماخليت شي

اتوقع هالقصيدة بيكون لها شأن بين الربع وبتتردد على الالسن كثير .. وانا طبعت منها نسخ كثيره ، لانها والله مفخرة لك ولربعك

كنت اسمع عن القصائد العصماء .. وقرينا هالصفة في قصيدتك

أقل مانقدمه هو نشر القصيدة على قدر المستطاع وتثبيتها

لك جزيل الامتنان

مشاعر

16-12-2002, 12:37 AM

لا تحتاج الى رائي انت غني عن التعريف والوصف

وكل قصيدة جديدة والله تكون اروع من سابقتها

اغلب مسيرة الشاعر يأخذ فترة وقصيده فى نفس المستوى ويتطور بمدار السنين انت تتطور بمدار القصيد :)

ماشاء الله عليك

جزله ورائعه

سبك المعاني وحبكها عقدِ زها في كل iiجيد**وبنات فكري بالمثايل والجزيل iiتهللي

فرايدن ما كل منهو هاش بكفوفه iiيصيد**شرّد ومن ساحات
شعار الحداثه جفّلي

ما كوسر الحوني واغنيها مثل عبدالمجيد**طلاسمٍ لمعاتها
مثل الجواهر iiوالحلي

لا ما ذخرتك يا هجوسي كود للدر iiالفريد**وانا ادري انك لا نويت
الدرب يعني iiتوصلي

صدقت شاعر متمكن روعه

ابن هندي

16-12-2002, 05:18 AM

صح الله السانك يبو سعود

وبيض الله وجهك والله لايهينك

قصيده تستحق الافتخار بها وبشاعرها

لي الشرف بمصافحة هذي القصيده والتمتع بقراءتها

دمت للابداع ومنها الى الامام تقبل تحيّاتي واعتبرني من جمهورك

فهاد السهلي

16-12-2002, 01:12 PM

الاخ محمد السهلي
قصيدة رائعة لافظ فوك
قصيدتك الجميلة تذكرني بقصيدة ذيب الشمري شاعر الرد الكويتي في ناصر بن ضبيب البرازي( على ماظن منها:
قالو ازبن صوب حر من حرار السهول +++ والله انك متضايق وفالمون سهلي
كاسبين المجد الاول على ظهور الخيول .......................... الخ وهي ابيات غاية في الروعة يوقف لها شعر الراس .. ومن باب نسب الفضل لاهله هي وصلتني من الاخ عبدالله بن محمد البرازي السهلي
كما تذكرني بقصيدة فليح بن عايض العنزي في دغش الشبيح المنجلي نشرت في جريدة الرياض ,ع11760 ,بتارخ 6 / 6 / 1421 هـ مطلعها :
ياسلامي على اللي ينتمي للقروم ++++اسهلي تحدر من صلب سهلي
وشكرا لك اخوي محمد على رائعتك .

محمد السهلي

19-12-2002, 04:04 AM

الاخ سلمان

يا مرحبا والله ومسهلا

واسعدني تواجدك وتطلعك على القصيده

واشوى انها نالت اعجابك واهل الطيب يستاهلون اكثر

ووجهك ابيض وجعلك سالم من الشر وصح الله ابدنك يا سلمان

تقبل تحياتي

محمد السهلي

19-12-2002, 04:09 AM

السهلي

يا مرحبا تراحيب المطر

وابشر بالسعد طال عمرك

والسهول وسبيع يستاهلون اكثر لكن الجود من الماجود

وشاكرلك على مرورك وتشجيعك

لا خلا ولا عدم

ابن الكويت

19-12-2002, 04:24 AM

صح لسانك يامحمد

وبيض الله وجهك

ولاتحرمنا ماهو جديد وبقوه القصيده

محمد السهلي

19-12-2002, 04:25 AM

ارحب يسعود السهلي

ولبيت في منى ومن يقرا :)

اشادتك ومرورك على القصيده لها وقع خاص ويزيدني شرف

ورايك يهمني وما زلنا نتعلم منكم ونستفيد

عساك سالم وابشر بحاول انشرها بقدر المستطاع

لا خلا ولا عدم

محمد السهلي

19-12-2002, 04:33 AM

الاخت مشاعر

يا هلا ومرحبا والله

وهذي شهاده افتخر واعتز فيها

وشاكرلج على التشجيع الرائع والكلام الطيّب

تقبلي تحياتي

محمد السهلي

19-12-2002, 04:41 AM

ابو سعود

يا مرحبا والله ومسهلا

ووجهك ابيض وانا ما سويت الا الواجب

وانت استاذ يبو سعود وتعلمت منك الكثير

ومتابعتك شرف كبير لي

لا خلا ولا عدم

محمد السهلي

19-12-2002, 04:46 AM

الرياعي الظهيري

يا مرحبا تراحيب المطر

والاوّرع مرورك على القصيده

ولا هنت يالرياعي

محمد السهلي

19-12-2002, 04:49 AM

يا هلا وغلا ببن الكويت

ووجهك ابيض وابشر طال عمرك باللي يرضيك

ولا هنت على مرورك

محمد الجارالله

19-12-2002, 04:20 PM

ما شا الله تبارك الله

الشاعر الرائع محمد السهلي

لله درك

شامخه من شاعر شامخ

لاهنت وبيض الله وجهك

سجل اعجابي

واكد متابعتي

وسجلني في الصف الاول من جمهورك

اخوووووووووووووووووووووووووووووووووووووووووووك

ولد قبان

20-12-2002, 11:46 PM

السلام عليكم
والله يا ولد العم انه قام شعر جسمي . هذي بنسميها معلقة السهول وانا طالبك اني القاك في الكويت وسلم على اليد اللي كتبتها لا هانت من يد ولا هان صاحبها

محمد السهلي

21-12-2002, 03:24 PM

يا مرحبا تراحيب المطر يبو جارالله

اسعدني مرورك

وهذا من بعض ما عندك يا محمد ولا عليك زود في ما قلت

وحضورك ومتابعتك واعجابك شرف كبير لي

وصح الله ابدنك

يالقرم

لا خلا ولا عدم

محمد السهلي

21-12-2002, 03:26 PM

عليكم السلام

ارررحب ياولد قبان

وهذي ابرك الساعات والله يابن العم

وشاكرلك على مرورك

محمد بن دحيلان

22-12-2002, 01:49 AM

صح السانك ولاهنت يالجزل

ثاني شي وشلونك يامحمد وعساك بخير

ابداعك هو دافع لنا
تقل تحياتي يالقرم

محمد

محمد السهلي

23-12-2002, 12:24 AM

ارررحب يالسمي

وابشرك بخير وبحسن حال واسعدني تطلعك على القصيده

وصح الله ابدنك

تقبل تحياتي

sbai3yah

23-12-2002, 03:46 AM

صح لسانك يا محمد
وفعلا قصيده اكثر من رائعه
تستاااهل المدح عليها

اللي لهم ما بين سادات العرب ذكرن iiمجيد
الجد واحد لو تسميني سبيعي iiوسهلي
الكل رافع هامته .. والذكر يبقى ما iiيبيد
في وقتنا .. المقبل .. وهذا .. والزمان iiالاوليصح لسانك مره اخرى

محمد السهلي

24-12-2002, 03:29 PM

اهلين وسهلين يالسبيعيه

وهذا من ذوقج وصح الله ابدنج

ويستاهلون المدح والثناء

وشاكرلج على مرورج

محمد السهلي

06-01-2003, 03:46 AM

يامرحبا ومسهلا يالزقعاني

والله يعافيك يالغالي وهذا حق وواجب طال عمرك

وشاكرلك على الاهداء الرائع

تقبل تحياتي

..

سعد الخبيش

07-01-2003, 01:31 AM

الاخ والشا عر محمد السهلي

مرحبا والله والله انه مرحبا يووووووووه لله درك ياابو سعود صح السانك وابدنك

كله من هامتك لين ماطاك وش اقول بس خلاص وقف الحكي

والله ومليون نعم

محمد السهلي

07-01-2003, 11:39 PM

الاخ العزيز سعد الخبيش

يا مرحبا ومسهلا

وما عليك زود في ما قلت ويستاهلون ربعنا المدح والثناء

وصح الله ابدنك يالغالي

ووافي يا بو غنيم

تقبل تحياتي

..

فالح بن راشد ال حثلان

08-01-2003, 04:14 AM

الله الله الله

وكفوووووووووووو ملالالالالالالالايين

ياسلام عليك يامحمد

شاعر مبدع وجزل ولاعديت الا الصدق

وعزالله قول ٍ على فعل

اللي لهم ما بين سادات العرب ذكرن iiمجيد
الجد واحد لو تسميني سبيعي iiوسهلي

هالبيت هذا من محفوظااااااااااااااااااااتي

الله لايفرقنااااااااااااااااااااااااااااااااااااااااااا اا

بيض الله وجهك وعساه لسان ٍ مايعطب

تحياتي لك

اخوك

فالح

,,,,,,,,,,,,,,,,,

محمد السهلي

29-01-2003, 12:34 AM

الاخ العزيز

فالح بن راشد ال حثلان

يا مرحبا والله ومسهلا يبو راشد

ولا عليك زود في ما قلت يا فالح والله يسمع منك

وعساك سالم واسعدتني مصافحتك الرائعه

وصح الله ابدنك يالقرم

لا خلا ولا عدم

..

محمد الجارالله

12-02-2003, 09:35 PM

بيض الله وجهك دنيا واخره يبو سعود

محمد السهلي

14-02-2003, 08:36 PM

ارررحب يبو جارالله

ومن يقول

وعساك ذخر يالقرم

لا خلا ولا عدم

..

plainsman

14-02-2003, 10:27 PM

صح لسانك

وماقصرت على المشاركه

بلينزمان

:D

محمد الجارالله

22-02-2003, 10:50 PM

فووووووووووووووووووووووووووق

صح لسانك

وارجوا التثبيت

تحياتي

اخووووووووووووووووووووووووووووووك

بدر السهلي

23-02-2003, 05:39 PM

ابو سعود

صح الله لسانك

وش خليت لناكل شى قلته

قصيد ه تستحق الوقوف لاكثر من مره

للامام ومزيدا من النجاح

واسلم يا بو سعود

وللعلم لنا الشرف في تصفح هذه القصيده

ناصر بن دغيم

23-02-2003, 08:34 PM

مساك الله بالخير
صح لسانك مليون قصيدة جزله من راس جزل ولاهو غريبه عليك الابداع
وانت غني عن التعريف وقصيدك كذاك
اقدر اقول انها من المعلقات في اذهاننا وفي المنتدى
تسلم ياخوى دمت للابداع ودمت لنا ياشاعرنا

سجــــــ( اعجاب وتقدير اخوك سنان الموت)ــــــــل

مساعد بن سعود

24-02-2003, 12:11 PM

الغالي : محمد بن سعود بن هندي
تحية عطرة

تتوارى أحرفي خجلاً وذلك لتأخري
فعذراً .. سيدي

سيدي
اترجل عن فرسى من آخر الصفوف
لأتقدم إليك وكلي إحترام وتبجيل وتقدير
تنحني لك كل حروفي لروعة ما قرأت لك
دمت لنا ذخراً ولا عدمنا نزف قلمك
فأنت عملاق .. نعم عملاق

أعذب مودتي .. سيدي
مساعد بن سعود
شا(نجد)هين

مبارك

25-02-2003, 08:53 AM

ترى هل العرض قديم الزماني لاقيل منهو قيل سبعان وسهول

هل بيرقن ياطا الغبا والبين لاجا نهارن فيه كاتل ومكتول

محمد السهلي

27-02-2003, 08:49 AM

يا هلا وغلا

يا بلينزمان

وصح الله ابدنك

تحياتي

..

محمد السهلي

27-02-2003, 08:50 AM

يامرحبا يبو جارالله :)

تامر امر يالغالي

لا خلا ولا عدم

..

محمد السهلي

27-02-2003, 08:53 AM

يا مرحبا ومسهلا

يابو ناصر

هذا من بعض ما عندك ومرورك ومصافحتك شرف

وصح الله ابدنك

لا خلا ولا عدم

..

محمد السهلي

27-02-2003, 08:57 AM

الاخ العزيز والغالي

سنان الموت

يا مرحبابك ومسهلا

ومسيت بالنور والرضا وشاكرلك على اطرائك الوافي

ولا عليك زود في ما قلت وشهادتك وسام على صدري يالقرررم

وصح الله ابدنك

لا خلا ولا عدم

..

محمد السهلي

27-02-2003, 09:00 AM

الاخ العزيز

مساعد بن سعود

ياهلا ومرحبا يا مساعد

وافي وافي وهذي القصيده قليله في حق القبيله

وشاكرلك على مرورك الرائع يالغالي

تقبل تحياتي

..

محمد السهلي

27-02-2003, 09:02 AM

الاخ مبارك

لاهنت على البيتين الرائعين

..

مبارك

27-02-2003, 01:17 PM

الاخ محمد بيض الله وجهك على هالقصيده وتستحق الثنا من الجميع ومحتاجين من امثالك كثر الله امثالك وجعلك دايم في الوجود\وذكرتني قصيده اعرض منها عدة ابيات
ليت كل اصحابنا مثل ابن شاهر فلاح=امدح الممدوح وارفع بصوتي ماعلي
يابعد ناسآعلى رزقها دايم اشحاح=يابن شاهر كامل الطيب والنعم السهلي
من ارجال تكرم الضيف وتررو الرماح=في نهارآ يرخص الروح والمخرج ملي
في نحاهم يشبع الطير خفاق الجناح=في المعارك ينقص الحض والايعتلي

الشاعر\ناصر نفل العجمي

فارس الطائف

28-02-2003, 12:04 AM

صح لسانك يابن هندي

قصيدة رائعة تستحق الثناء والتقدير

والفخر لسجل ملحمات الشعر إذ تسعد اليوم بهذه القصيدة في صفحاته

شاش راسي من قصيدك ياعسى عمرك مديد

القصيد اللي جذبني وبالمعاني ممتلي

جيش شعرك في مسيره مثل جيش ابن الوليد

ارتعش منه الجبل وحط صخره من علي

حرك هجوسن قديمة يا عساها في مزيد

يا هجوسي رحبي به وقلطيه بمنزلي

وأنا محلفي من رجالن مجدها مجدن تليد

يشهد لربعي ترى العارض وضلع مجزّلي

وارحلي له يا قصيدة عبر صفحات البريد

وقبلي منه الجبين وصافحي يده بدلي

ـــــــــــــــــــــــــــــــــــــــــــــ
أخوك : عبدالله بن سعود بن شايع السهلي
فارس الطائف

البدرالساهر

01-03-2003, 11:12 PM

الاخ محمـد السهلي

صـح لسانك على ها القصيـده الجـزله0 عز الله على ما قصرت

تقل تحياتي

البدر الساهر

محمد السهلي

04-03-2003, 03:20 AM

يا مرحبا يا مبارك

وابيات رائعه

والله لا يهينك

تقبل تحياتي

..

محمد السهلي

09-03-2003, 09:32 AM

الاخ العزيز

فارس الطائف

يامرحبا ومسهلا يا فارس

الروعه بحضورك واطرائك الوافي العذب

والله لا يهينك على مرورك وعلى ابياتك الطيّبه يالغالي

وصح الله السانك

ولا خلا ولا عدم

..

عبدالله المليحي

09-03-2003, 03:33 PM

اللي لهم ما بين سادات العرب ذكرن iiمجيد
الجد واحد لو تسميني سبيعي iiوسهلي

الاخ الشاعر محمد السهلي

صدقت فنحن والسهول اصلنا واحد وكلنا اخوة

صح السانك على هذه الرائعه التي تستحق بحق تبقى لوقت طويل

واستسمحك بنقلها لمنتدى سبيع

تقبل تحياتي

عبدالعزيز بن جودة

10-03-2003, 06:13 PM

أخوي محمد السهلي

الله يعطيك العافيه

وكثر الله من أمثالك

أجمل تحيااااااااااتي

محمد السهلي

12-03-2003, 09:53 AM

البدر الساهر

يا هلا وغلا يالبدر

وصح الله ابدنك يالغالي

تقبل تحياتي

..

سلمان

12-03-2003, 02:37 PM

اخوي محمد السهلي
السلام عليكم ورحمة الله وبركاته
بكل الفخر والاعتزاز والمحبه بكل ماتحمل الشيمة من معنى بكل علاقة حميمة تربطنا نفخر في منتدى الشعر النبطي والمحاورة ان تكون واحدا ممن يتربعون على الهرم الشعري في المنتدى وفي كل مكان
نامل منك اخي ان تسمح لنا لفك تثبيت الموضوع ليس لعدم صلاحيته للتثبيت بل لاعطاء فرصة لشعراء مثلك وشرواك نتشرف بهم وانت كذلك سنقوم بتثبيت قصائد لهم فخرا واعتزازا بتاريخهم ومكانتهم واحتراما لتواجدهم معنا قدوة نستمد العطاء منهم
تقبل صادق الشكر والتقدير على تفهمك وتعاونك وشهامتك
اخوانك سعد الخبيش وسلمان بن نمشان

محمد السهلي

13-03-2003, 03:24 PM

الاخ العزيز

عبدالله المليحي

يامرحبا تراحيب المطر

وهذا من ذوقك الراقي وخبرتك الشعريه

وتمون يالمليحي ونزلت في منتدى سبيع قبل مده

وصح الله ابدنك يالسنااافي

لا خلا ولا عدم

..

محمد السهلي

26-03-2003, 10:14 AM

الاخ العزيز

عبدالعزيز بن جوده

يا مرحبا ومسهلا يابن جوده

والله يكثر من امثالك وبيض الله وجهك

تقبل تحياتي

..

محمد السهلي

27-03-2003, 10:37 AM

الاخ العزيز والغالي

سلمان ابو مخلد

يامرحبابك ومسهلا

ولا عليك زود في ما قلت

وتمون على القصيده وراعيها

والله لا يهينك على تعاونك واهتمامك

تقبل تحياتي

..

اجودي

12-09-2005, 07:19 AM

الله الله

ويني عن ذي انا ؟؟

ونعم والله فـ سهول وسبيع

وصح الله لسانك ولاهنت يابوسعود

ودي احكي واعبر واتكلم لكن مالي إلا لله درّك

ابو سعود قد قلت لك سجلني من اول متابعينك ذاللحين أكدّها

تحياتي وإعجابي
،،