****** فايز بن حمود ****** ضيفنا لهذا الاسبوع (الهاجري)

[الهاجري]

السلام عليكم

قوه حبايبي

اليوم خضرنا الثقافه بكبرها

:sv19:

ضيف الجميع يدور عليه
دائم يتهرب ولا نقدر عليه
لكن بالاخير الله هداه ووافق بعد ماطلبناه

المهم بين اياديكم

اخوانا الغالي فايز بن حمود

لكم من اليوم الى انتهاء اسئلتكم
عاد مو تطولون لكم الى يوم الخميس :)

وحيلكم فيه والله عن نفسي ناوي له على نيه :sv19:


ماطول عليكم

اخوكم بين اياديكم


الهـــــــــــــــاجري

[فهد البداح]

اوووول سوااااااااااااااال

من صديقك


وين رحت قبل ثلاثة ايام

نبي تعطينا تفاصييل الرحله كااااامله

ومن معك
ومن قابلت

والبااااقي بالطريق

جايك الخير

[كيانٌ آل عطراً]

مراحب اخوي فايز

وان شاء الله تكون فايز دنيا واخرة

.... قول امين

اشلونك؟؟؟

نبدأ الاسئله بس لا تخاف باجزاء كل يوم بتلاقي كم سؤال حلو

يالله نبدا...


1: فايز بن حمود من اي دوله؟؟
2:كم عمرك؟؟
3:مؤهلك العلمي؟؟
4:اذا كنت جامعي شنو تخصصك؟؟
5:اجمل خاطرة كتبتها متى؟؟ وعن شنو؟؟




راجعين ما نبي نثقل عليك من بدايتها..!!




حبي وتقديري

[فهد البداح]

رجعنا


واسئله من كل نوع


اول قصيده كتبتها هل مازلت تحفظها

وياليت تعطينا منها كذا بيت


كم قصيده فصحى لديك

ويااليت بيتين فصيحه لك


اليوم باحد الاسواق

رايت رجل معلق شنطه بكتفه

مثل النساء تتوقع مابداخلها


ماقولك بهذا ومن هم على شاكلته

طبعا لابس جنز وقميص



مارايك بالتبريرات الاسرائيليه

وحربهم على لبنان من اجل تحرير جنديين

مارايك بالمقوله الامريكيه الشهيره
بعد كل عبث اسرائيلي

(( من حق اسرائيل الدفاع عن نفسها ))



ماذا تتوقع لهذه الحرب وكيف تراها


وراااجعين يابو حمود

[مشاعر]

السلام عليكم








الله يعطيك العافيه الهاجري

والله فقدنا هالموضوع


وممتاز رجعتنا له

وخير ما اخترت


الله يعينه على الاسئلة والجهاد للفكاك منها:)


الا مو الوقت قصير اليوم الاثنين يعنى اقل من ثلاث ايام




لاعدمناك ياخوي:)

[الجفول]

السلام عليكم

اولا تشكرات يالهاجري
ثانيا المده ماتكفي




اول سؤال سيم سيم فهد البداح بخصوص وين كنت من 3 ايام


شسالفه التوقيع
مره نواره ومره جوال وارقام
عطني السالفه بالتتفصيل الممل



مامعني ... والله من قرب المعشي


شلون عرفت المنتدي و عن طريق من

من مضاف عندك في الماسنجر من الاعضاء شباب وشابات

شسالفه ايميلك اللي انسرق بالتفصيل الممل


شرايك في الصور اللي ينزلونها لكم كل ماصار ت عزيمه او اجتماع


لو انك بتروح رحله قنص من تاخذ م عك من الاعضاء وشنهي مهمته
ومن تاخذ من البنات وشتهي مهمتها



شنهي سيارتك ونوع جوالك

من اللي تقرا له في الشعر الفصيح وفي الادب والروايه
قريت شفره دافنشي ؟ واذا ايه شرايك فيها



تروح السينما وشنو اخر فيلم شفته


راجعين


لاخلا ولاعدم

[سعود السهلي]

صادوووووووه :)

قلوبنا معك يا فايز :)

جايك بعد النجم الهاوي

[مشاعر]

السلام عليكم



اليوم الثلاثاء

وفات نص النهار والضيف مابين:)

لا يقول لك ماخذ طبيه وعنده عذر وتروح الايام خسارة


لازم اتعوضها

لاعدمناك الهاجري:)

[الجفول]

السلام عليكم

حسب القوانين اللي تم العمل بها مع الضيوف السابقين ان اي يوم يغيب فيه الضيف يجب تعويضه




وينك يافايز ؟؟




لاخلا ولاعدم

[كيانٌ آل عطراً]

مراحب فايز



اخبارك اللحين ؟؟

هاك سؤال على الطاير


من افرب الاعضاء او المشرفين او بالاداره الي فايز بن حموووود؟؟




حبي وتقديري

[الهاجري]

ماعليكم

بس طلبتكم كاتقولون شي
ههههههههههههههههه

نسيت ارسل له رساله تبيهيه

المهم المجال مفتوح راح نجيبه بمصادرنا الخاصه

النجم ولا فهد اقرب جهاز

:)

[الجفول]

السلام عليكم
هههههههههههههههههه
ههههههههههههههههه
ههههههههههههههههه
لا يبه العربان كلهم رايحين وووووووووووطي
يعني توك شباب ولا كان قلت الكبر شين
مايندري هو من الاسهم ولا من لبنان ولا من شي ثاني (( وجه يضحك بعياره ))
لاخلا ولاعدم

[الجفول]

السلام عليكم


فاااااااااااايز

شنو شعورك واحساسك لما جيت لقيت الاسئله تهدر وانت يامسكين خبر خير وكله من تحت راس الهاجري



لاخلا ولاعدم

[الهاجري]

ههههههههههههههه

الله يرجك الجفول لا والله مدري من شنو هالتفويت مني لكن شكل الضيف حايسنا لنا اسبوعين نطرد وراه ماصدقنا على الله نصيده

المهمممممممممممممممممممم

فايز استلم هالخفايف
1- مؤهلك وكم معدلك وهل صحيح الي يقوله فهد البداح عنك انك اكبر واحد بالمنتدى بعد ابو مخلد :)؟
2- اخر الملعومات عنك من النجم الهاوي تقول انك اصلع ومحلف سعود ماينزل صورتك الي صورك عاد مدري شنو السالفه ؟هل الكلام صحيح وشنو سالفة النجم حاقد عليك ؟
3- وش رايك في فهد البداح ... سعود العمده ... ابو مخلد شايبنا ؟
4- وجبتك المفضله يوم الجمعه ؟ تحب المعسل ؟ وشنو المعسل الي تحب ؟
<<< يموت ويصدر شيشة النجم

5- لو حصلت الجفول مغرسه في بر وجلست تلح عليك تسلفها سيارتك تروح وترد لك بالفزعه بس تنتظر عند السياره شنو راح تسوي ؟

وراجع لك

شفت الاسئله الخفيفه :)

[فايز بن حمود]

والله ماقصرت ياالهاجري .. إلى يوم الخميس بس ؟ :204:


وحيلكم فيه والله عن نفسي ناوي له على نيه

الله يستر ..

[النجم الهاوي]

فين تشتغل

اول سؤاااااااال على الطااااااااائر

[النجم الهاوي]

النجم ولا فهد اقرب جهاز
:)


اطلع خمسين عليك تغطيه

نياهههههههههههههههههههههههه

[فايز بن حمود]

اوووول سوااااااااااااااال
من صديقك
وين رحت قبل ثلاثة ايام
نبي تعطينا تفاصييل الرحله كااااامله
ومن معك
ومن قابلت
والبااااقي بالطريق
جايك الخير

مرااحب ياابوفيصل

صديقي اللي يوم اضيق يتضايق ** اللي يشاركني همومي وضيقي

أما وين رحت قبل ثلاث أيام .. فالعلوم علوم ياابوفيصل ..

غدربي واحد من الربع .. اتصل علي وقال / خاوني .. معزومين في الثمامة .. هو خابر ان الثمامة مخروعة قلبي ..

ركبت معه وخذتنا السوالف .. مادريت إلا اقرا لوحة مكتوب الدمام 100 كيلو !!!!!!!!!!

طبعا انكسر خاطري عشان مارحنا الثمامة .. بس مدام السفرة للدمام مو مشكلة ..:)

وقابلنا هناك بعض الشخصيات الهامة وتمت مناقشة أزمة الشرق الأوسط وبحث الحلول ..

وشكراا ياسعد بن تويم على هالرحلة ..

..,,,,..

وحياك في أي وقت ياابوفيصل

[النجم الهاوي]

كم سؤااال على الطائر لان ابوهنوود بيسكر للصلااااه ويقووول صديق الحين فيه صلاه

وش معك سيااااااااااره

وين احسن حلاااااااااااااق ووين تحلق فيه وياليت بشرق الرياااض

وش الجرائد اللي تقرااااااااااها

[فايز بن حمود]

بنت الدوحة .. هلا وغلا

بخير الله يسلمك ..

: فايز بن حمود من اي دوله؟؟

السعودية .. الله يحفظه .. تحديدا الرياض

2:كم عمرك؟؟

26 سنة

3:مؤهلك العلمي؟؟

بكالريوس .. وأدرس الآن ماجستير ..

4:اذا كنت جامعي شنو تخصصك؟؟

لغة القرآن .. لغة عربية .. والماجستير في الاقتصاد الإسلامي ..<<<<<<عشان أنشب للهاجري في الأسهم

5:اجمل خاطرة كتبتها متى؟؟ وعن شنو؟؟

الخواطر كثيرة .. بس دائما أجمل الأدب أقسااه .. وأكيد كانت عن الفراق ..


..

ومرحبا في رجعتك في أي وقت ..

[كيانٌ آل عطراً]

مرااااااااااااااااحب مرة ثلاثه


كم وزنك قبل وبعد الاستجواب هذاء؟؟

عاده تسويها كل يوم؟؟

من قدوتك بالحياة؟؟

باقه ورد لمن تهديها؟؟

تجربه تتمنى تعيدها؟؟

اجمل موضوع قريته بالمنتدى؟؟

اي قسم تحب تتصفحه بالمنتدى غير الثقافه؟؟

سيارتك موديل كم وشنو نوعها؟؟

انسان تتمنى تلتقي فيه ؟؟

اجمل موقف حصل لك؟؟

ذكرى اليمه لان ينساها فايز بن حمود؟؟؟

شنو يعني لك الحب؟؟ وهل وقع فايز بن حمود في شباكهه؟؟



ويمكن تكون لي رجعه





حبي وتقديري

[فايز بن حمود]

اول قصيده كتبتها هل مازلت تحفظها
ج / أول قصيدة ماأتذكرها والله .. بس أقدم قصيدة محفوظة عندي وانا في ثاني ثانوي تقريبا

وياليت تعطينا منها كذا بيت
ج / ماني حضاري لاولانيب رجعي *** لي فلسفة ذربة وحيدة بهالكون
سيرة أبوي اعدها أصل طبعي *** أحيا بها واموت والناس يسعون
وحنكة علي أول قوانين شرعي *** وشلون ماامارري على اللي يمارون

هذا اللي أتذكره من هالقصيدة ..

كم قصيده فصحى لديك
ج/ تقريبا خمس او ست قصائد تستحق إنها تسمى قصاائد .. والمحاولات كثيرة ..

ويااليت بيتين فصيحه لك
حاولت اتذكر بيتين ماقدرت .. بس فيه بيت دايم اكرره ..
رأيت الجمال جمال الصدف *** إذا لم يكن موعد قد سلف ..

اليوم باحد الاسواق

رايت رجل معلق شنطه بكتفه

مثل النساء تتوقع مابداخلها


ماقولك بهذا ومن هم على شاكلته

طبعا لابس جنز وقميص

ج / أتوقع روج ومسكرة و............. .. بس السؤال ياابوفيصل .. وينه فيه في أي سوق عشان اروح انصحه انا وابوجويعد ..<<<<<وجه يغمز ..

مارايك بالتبريرات الاسرائيليه

وحربهم على لبنان من اجل تحرير جنديين
ج / اغصبني واتغيصب .. يبونها من الله وجتهم ..
على فكرة حنا نشجب ونستنكر ..

مارايك بالمقوله الامريكيه الشهيره
بعد كل عبث اسرائيلي

(( من حق اسرائيل الدفاع عن نفسها ))
ج / صحيح .. من حق اسرائيل الدفاع عن نفسهاا ..
لايلام الذئب في عدوانه *** إن يك الراعي عدو الغنم ..

طبعا مو حنا الغنم !!!!


ماذا تتوقع لهذه الحرب وكيف تراها
ج / والله ياابوفيصل المسلمين لايتنبؤون بما يفعلون .. وإسرائيل فاضين ماعندهم شغل .. يعني ياليييييييييل مااطولك ..


لبى والله قلبك ياابوفيصل ..

[فايز بن حمود]

وخير ما اخترت


الله يعينه على الاسئلة والجهاد للفكاك منها

الله يسلمك ويرفع مقاامك يامشااعر ..


الا مو الوقت قصير اليوم الاثنين يعنى اقل من ثلاث ايام

ياحبك للشر يامشااعر .. إلا أكثر من ثلاث اياام .. بس الشكوى على الله ..

[فايز بن حمود]

اولا تشكرات يالهاجري
ج / تعفوات بالنياابة ..

ثانيا المده ماتكفي
ج / ياشيني بعد ..




اول سؤال سيم سيم فهد البداح بخصوص وين كنت من 3 ايام
ج / ارجعي اقري ردي على ابوفيصل وتعرفين <<<<<< وش سالفة هالسفرية ؟

شسالفه التوقيع
مره نواره ومره جوال وارقام
عطني السالفه بالتتفصيل الممل
ج / قالت التوقيع هذا وش وراه *** اسم نوارة تكرر مرتين
وشفت لك في نورة ابيات كثار *** عطني الأسباب والعذر السمين
قلت ((((أسماء)))) من طواري فكرتي *** أجذب الألحان والمعنى يزين

وحررررررررررررة .. مافيه غير هالجواب ..

مامعني ... والله من قرب المعشي
ج / إسألي النجم الهاوي .. وهو يعطيك المعنى بالتفصيل ..ههههههههههههههههههه

شلون عرفت المنتدي و عن طريق من
من زود الخربطة والجلسة على النت طحت فيه بالصدفة .. وكنت مسجل باسم مستعاار في البدااية .. وبعدين سجلت باسمي الحقيقي .. بس ماراح اقولك وش كان اسمي ..

من مضاف عندك في الماسنجر من الاعضاء شباب وشابات
أصلا ماعندي ماسنجر .. خير شر ..

شسالفه ايميلك اللي انسرق بالتفصيل الممل
أبد والله .. دخلت من مقهى نت .. وكان كله باتشات .. ولقااه واحد اسمه ولهاان .. وشااله وانا اشوف .. والحمد لله رجعنااه بعد مجهوود <<<<<<<وجه واحد شاايف نفسه ..

شرايك في الصور اللي ينزلونها لكم كل ماصار ت عزيمه او اجتماع
كلها من فهد البدااح والمدير .. الوااحد صاار يخااف من كل شي ..

لو انك بتروح رحله قنص من تاخذ م عك من الاعضاء وشنهي مهمته
ومن تاخذ من البنات وشتهي مهمتها
ج / اولا ماأحب المقاانيص .. بس لو رحت باخذ ناصر بن عبود .. وراعي العشوى .. بس الوظايف باقولها بيني وبينك ..
أما عضوات ماظنيت والله ..


شنهي سيارتك ونوع جوالك
ج / سيارتي فورد جراند ماركيز .. وجوالي N70 و موتورلا بس مااعرف رقمه .. شوفيه يطلع دايم في ام بي سي تو ..

من اللي تقرا له في الشعر الفصيح وفي الادب والروايه
ج / الشعر الفصيح كثير .. بس أحب شعر ابوفرااس وجرير .. ومن الأدب الحديث عمر أبو ريشة وأحياناا نزاار .. وأحفظ الكثير من شعر شوقي .. أما الروااية فما لي خااطر عليهاا .. بس قريت كذا رواية للكاتبة السعودية شهباء الجزيرة أيام الدراسة الجامعية ..

قريت شفره دافنشي ؟ واذا ايه شرايك فيها

ج / ماقريتها ..

تروح السينما وشنو اخر فيلم شفته

أموت في شي اسمه سينما .. وآخر فيلم عمارة يعقوبياان .. مع اني ماأحب الأفلام المصرية .. بس نور الشريف يعجبني دايماا صدقه في أداء الدور ..

..
بترجعين ياالجفول مرة ثاانية ؟

..,,,,..

[فايز بن حمود]

صادوووووووه :)
قلوبنا معك يا فايز :)
جايك بعد النجم الهاوي

لبى والله قلبك ياابوعبدالمحسن

ابوفيصل موقع معه معاهدة .. بس لايفوتك سؤال الحلاق ..

[فايز بن حمود]

مشاااااااااااااعر والجفووووووووووول .. ترى باتفااهم معكم ..

الغلط مو مني من الهااجري ..


كله يتاابع اخبار السوليدير قصدي لبناان في الأخبار ولاقالي ..

لو ماقالي فهد البدااح اليوم على الجواال كان ماخشيت ابد ..

تدرون ليه .. لأني حزين وخااطري مكسوور ..

[فايز بن حمود]

بنت الدوحة .. هلا بك والله

من افرب الاعضاء او المشرفين او بالاداره الي فايز بن حموووود؟؟

واحد من مشرفين الشعر الثلاثة ..

..

[فايز بن حمود]

شنو شعورك واحساسك لما جيت لقيت الاسئله تهدر وانت يامسكين خبر خير وكله من تحت راس الهاجري

والله ياالجفول تأكدت إن الفرااغ مشكلة ..<<<<<<<<<وجه مطلع لساانه ..

[الجفول]

السلام عليكم


ايه برجع مرات ومرات الله لايعوق بشر
عسى ماعندك مانع ؟




شرايك في فيلم عماره يعقوبيان وهل قريت الروايه ؟
تنصحني اشوفه مع ان مشاهد التعذيب هي اللي مانعتني لان عوار قلب


شخبار الافلام الاجنبيه وشنو اخر فيلم شفته


شرايك في مستوي الخواطر في منتدي الادب
ومن اللي تشوفه ان الخواطر اللي يكتبها تدل عن كاتب مميز


انت قاعد في البر في امان الله والقمر شقاق والافكار رايحه جايه
الا وذيك المركبه الفضائيه اللي محوله جنبك
وينزل منها مخلوق فضائي يوجه لك الكلام
طبعا انت مافهمت شي بس شنو بتقول له شعرا لو بيت واحد



انت قاعد في السينما ومندمج في الفيلم الا وتهجم عليك ذيك البنيه الموت الحمر
وتمسكك من رقبتك وتصارخ بقمه راسها
وينك يافايز
10 شهور ماندري عنك
قاطني انا والعيال ولا لنا احد من عقب الله
حرام عليك يامفتري
والسينما كلها تناظر فيك والحرمه دموعها اربع اربع
شتسوي



انت في الجسر وخاتمين جوازك ووقفت عند الجمارك
الا يجيك الضابط
انت فايز؟
ايه نعم
لوسمحت عندنا بلاغ من الجفول انك تهرب اشيا ممنوعه
شتسوي؟



بجد عاد وامانه ولاتقول اي اجوبه دبلوماسيه
لو انك المدير شنو الاشيا اللي تسويها والقرارات اللي تتخذها في المنتدي



انت في التيتانك وقارب النجاه اللي انت فيه مافيه مكان الا لشخص واحد
من تاخذ من البنات اذا خيروك ؟
واذا من الشباب من بتختار



تلعب رياضه ؟ وشنهي ؟


لو فيه مواجهه بينك وبين شخض ما واعطوك حريه اختيار السلاح شنو تختار
ولاتقول لي انا انسان مسالم وما احب العنف


انت مراسل حربي
وين تختار تسوي تغطيه اخباريه
جنوب لبنان ولا الفلوجه وبغداد


راجعين عقب العشا


ايه تذكرت ... شرايك في ناصر بن عبود وسعد بن تويم وفهد البداح؟
هل تشوف انهم يمارسون الدكتاتوريه في منتدي الشعر ولا الديمقراطيه؟


قط رحت القرشع ؟ :)



لاخلا ولاعدم

[S3d alFares]

انت في الجسر وخاتمين جوازك ووقفت عند الجمارك
الا يجيك الضابط
انت فايز؟
ايه نعم
لوسمحت عندنا بلاغ من الجفول انك تهرب اشيا ممنوعه
شتسوي؟
هههههههههههههههههههههههههههههههه
ههههههههههههههههههههههههههههههه
هههههههههههههههههههههههههههههههه
اسف يابو حمود على تطفلي لكن حقيقة هالسؤال اضحكني اخوك s3d alfares
وانتظر اسئلتي قريباً،وكان الله في عونك
والسلام للجميع:037:

[الجفول]

السلام عليكم
ان شاء الله يجيبونك ياسعيدان هنا وذيك الساعه بنشوف الضحك شلون بيصير
الله من اسائله بتجيك
لاخلا ولاعدم

[فهد البداح]

اطلع خمسين عليك تغطيه
نياهههههههههههههههههههههههه
على طاري اطلع خمسين
كان معي جهاز الكنود ومعي ولد اخوي صغير
ويسمعنا نقول اطلع ميه اطلع ميه

اخذ الريشه وحنا نمشي وجلس يصوت بالجهاز
يقول الطعميه الطعميه
نياههههههههههههههه


على طاري الطعميه
فايز قد ذقتها اعتبره سوال
واذا ذقتها وين ومتى

[النجم الهاوي]

انت مراسل حربي
وين تختار تسوي تغطيه اخباريه
جنوب لبنان ولا الفلوجه وبغداد


ماعليش يافااااااااااايز بحكم التخصص

سؤاااااااال الجفوووول غلط ولاترد عليه

مهوب هذا مهمة المراسل الحربي<<< هذا يكون في المهمات العسكريه زي البريد الان

نياهههههههههههههههههههههههههههههه

الصحيح مراسل اعلامي

[الجفول]

السلام عليكم

يوووووووووووووه يانجمو
بدل لاتعدل قط عليه كم سؤال

انا قصدت ان هو يكون عسكري وشغلته التغطيه الاعلاميه والاخباريه
يعني مراسل حربي :)



شرايك في قعده المريديان في مصر المسيان
وتفضل مبني القصر القديم ولا المباني السكنيه الحديثه اللي وراه


شرايك في الحنطور ولفه علي كوبريقصر النيل وانت مار علي هلتون النيل


يانيل هدي ترى حالي (يـادي النيلـة)
لازحـت نجمـة اشـوف الثانيـة تقـبـل
(مش عارف اللي حصل) ياقلة الحيلة
(الفار يلعب في عبي) وانت تستهبـل



شسالفه الابيات اعلاه وهل لها تكمله وماهي وهل لك ابيات اخري علي نفس اللهجه



راجعين



لاخلا ولاعدم

[كيانٌ آل عطراً]

فايز اخبارك اللحين؟؟؟
وين كنت قبل ساعتين؟؟
دامك للحين شاب وصغيرون ما شاء الله عمرك 21 سنه
انت من اي نوع من الشباب؟؟
اشرايك بالاعضاء التالي اسماءهم:-
مشاعر
سعد بن تويم
ناصر بن حضرم
بنت الدوحة:009:
سلمان
سعود السهلي



حبي وتقديري

[الجفول]

السلام عليكم


لنفترض التاليه اسمائهم توهم بيسجلون في المنتدي
اختار لهم اسماء او نكات يسجلون فيها


سعود الغزواني
سلمان
ناصر بن عبود
سعد بن تويم
فهد البداح
الهاجري
ولد منجل
ناصر العنقودي



لو ربحت رحله حول العالم محمول مكفول وكل شي متوفر ومرتب
وبعد لك الحق تاخذين شخصين معك


من تاخذ من خارج المنتدي
من تاخذ من اعضاء المنتدي الشباب
من تاخذ من اعضاء المنتدي البنات


بما انك مدرس لغه عربيه
تخيل انك في مدرسه واختار للوظائف التاليه الاشخاص المناسبين من المنتدي


مدرس تاريخ
مدرس رياضه
مدرس انجليزي
مدرس اقتصاد واداره
مدرس رياضيات
مدري رسم
مدرس اقتصاد منزلي
مدرس كيمياء
مدرس احياء
مدرس دين وشريعه
مدرس اجتماعيات


شنهي اغلا هديه اهديت لك ومن منه وشنو كانت



شرايك في الاسئله ؟


ودك ارجع مرتن ثانيه ؟

من ودك يكون في مكانك الحين



لاخلا ولاعدم

[سلمان]

الهاجري ياكثر ما جاك من الدعاء السيء
ثانيا الله يعينك يافايز يابن حمود
ثالثا سؤالي لو اعطيت ساعة من الزمن منصب وجابولك الجفول وش تسوي فيها ؟ وترى ماعندك الا ساعة والا تضيع الفرصة وحكمك نافذ
ثانيا : هل ترى ان المنهج الدراسي حاليا صالح لهذا الجيل ؟
ثالثا : هل ترى ان المعلم في زماننا الحاضر يحضى بمكانة مرموقة في المجتمع وبين الطلاب؟
رابعا : اين موقع النقد في حياتك اقصد بذلك النقد الادبي والثقافي ؟
خامسا : ايهما في رايك اقرب للوصول لذهن الطالب المنهج الدراسي المعتمد على الدروس النظرية ام الدروس العملية ؟
سادسا :يقول جان بول سارتر متسائلا ( هل بمقدور الانسان ان يكون ملتزما وحرا ؟اجاب رائد الوجودية الاول بان الوجودلا يتحقق الا بالحريات , ثم استدرك واضاف :لابد ان يكون ملتزما )
هل ترى ان الحرية والالتزام يمكن ان يجتمعا في ذهن الكاتب ؟
سابعا :هل يوجد في وقتنا الحاضر من يمكن ان يكون جريئا ليقول الحقيقة كاملة بلا مداهنة ونفاق ؟
ثامنا / ماعدنا نسمع عن ادباء ومثقفين وفنانين مبدعين وكأنما عجلة الزمن توقفت عند جيل الستينات والسبعينات
في رايك ماهي الاسباب وراء ندرة المبدعين ؟
اعودالى الفن /
هل تستمع للغناء؟
ان كان نعم فاي نوع من الغناء تطرب له ؟ومن فنانك او فنانتك المفضله؟
الشعر - الكتابة النصية - النقد -
اقربها الى نفسك ؟
في حفل حضرته فوجئت بمن يقول لك طلبتك نحتاج الى مقدم للحفل ماهي ردة فعلك في هذا الموقف ؟علما بان من طلبك عزيز عليك ولم يتعود منك ان ترد طلبه
هل انت جريء في الحق ؟
شكرا لك اخي على تجاوبك واعانك الله
اخوك ابو مخلد

[النجم الهاوي]

الابل سلعه رجال ولا يشتقي بها الا رجال ... وش قصايدك بها <<< اللون عنابي بسبب توقف المنتدى مؤقتا

[الهاجري]

السلام عليكم

الله يعينك فايز

<<<<< بريئ :sv19:

فهد البداح شنو سيارة فايز اخواني يقولون واحد من اليوم يدور عليك


كلنا معاك يافايز قلب وقالباً
ولا عليك اقحمهم وانا من وراك :047:

ولا تسمع كلام ابو مخلد فيني تراه يحبني
هههههههههه

[سلمان]

من حبي فيك اصبحبك وامسيك
حبك اللي مانيب قايل
حبك بقلبي وحب ابليس =مامثلهم شيء بايساري
ياليت والله تجي وتقيس = وضيفتك سبع من احجاري


من سبك حبك تحمل الله يعينك من غلاك اهذريبك

[فايز بن حمود]

- مؤهلك وكم معدلك وهل صحيح الي يقوله فهد البداح عنك انك اكبر واحد بالمنتدى بعد ابو مخلد ؟
ج / مؤهلي بكالريوس .. ومعدلي جيد جدا .. وعمري 26 سنة يعني أصغر من ابومخلد بسنة وحدة ..

2- اخر الملعومات عنك من النجم الهاوي تقول انك اصلع ومحلف سعود ماينزل صورتك الي صورك عاد مدري شنو السالفه ؟هل الكلام صحيح وشنو سالفة النجم حاقد عليك ؟
ج / النجم مابيني وبينه حقد .. بس المشكلة انه دايم يسرق افكاري خخخخخ .. وبعدين تعال ياالهاجري .. انا أصلع !!!! لايكون شايف حاجة ثاانية تأكد بس ..<<<<<<<وجه يغمز وفيه لعاانة ..

3- وش رايك في فهد البداح ... سعود العمده ... ابو مخلد شايبنا ؟
ج / فهد البدااح .. ملح المنتدى .. والعمدة هو العمدة .. وابومخلد القلب الناابض ..

4- وجبتك المفضله يوم الجمعه ؟ تحب المعسل ؟ وشنو المعسل الي تحب ؟
<<< يموت ويصدر شيشة النجم
إذا في النهاار مافيها كلام كبسة .. ويمدحن المالبورو الأبيض ..

5- لو حصلت الجفول مغرسه في بر وجلست تلح عليك تسلفها سيارتك تروح وترد لك بالفزعه بس تنتظر عند السياره شنو راح تسوي ؟
أصلا من قال اني باوقف لهاا ..


وترااك معذور ان ماارجعت ..

..

[فايز بن حمود]

مرحباابك ياابوفيصل ..

فين تشتغل
ج / في الملز ..

وش معك سيااااااااااره
ج / جاوبنا عليه هالسؤاال ..

وين احسن حلاااااااااااااق ووين تحلق فيه وياليت بشرق الرياااض
ج / هههههههههههههههههههههههه الحلاق اللي احلق فيه هو احسن حلاق بالريااض في حي المصيف .. حول الشقة خبرك عزاابية ماعندنا ألا نحلق والا ندور على طريق الملك عبدالله ..

وش الجرائد اللي تقرااااااااااها
ج / كنت أول أقرا الريااضية والريااض .. بس الحين مشتري رااحتي ..


..

[فايز بن حمود]

كم وزنك قبل وبعد الاستجواب هذاء؟؟
ج / لاانتهيتوا من استجواابي قلت لكم ..

عاده تسويها كل يوم؟؟
ج / أشرب بايسن ..

من قدوتك بالحياة؟؟
ج / علي اخوي الله يطول بعمره ..

باقه ورد لمن تهديها؟؟
ج / لمن امتلكني .. ثم اختفى ..

تجربه تتمنى تعيدها؟؟
ج / درااستي الجامعية .. من جد ابي اعيدهاااااااااااا

اجمل موضوع قريته بالمنتدى؟؟
ج / الموااضيع كثيرة .. بس يمدحون البساااااااط ..

اي قسم تحب تتصفحه بالمنتدى غير الثقافه؟؟
ج / أحب اتصفح السيااسي من غير ماأشاارك <<<<<<بعض النااس حااقد علي عشاان هالموضوع ..

سيارتك موديل كم وشنو نوعها؟؟
ج / وكمان جاوبناا على هالسؤاال <<<<<<<<< وش سالفتهم على سياارتي ؟؟

انسان تتمنى تلتقي فيه ؟؟
ج / طبعا غير الرسول صلى الله عليه وسلم وصحابته الكرام رضي الله عنهم .. أتمنى أقاابل اثنين .. أبوفرااس الحمدااني .. رأفت الهجاان ..

اجمل موقف حصل لك؟؟
ج / موقف في مصر على النيل .. قاابلت وااحد من الشبااب كناا مصرفينه مايروح معناا .. وفجأة لقيته وجه بوجه على النيل ..

ذكرى اليمه لان ينساها فايز بن حمود؟؟؟
وفاة واالدي رحمه الله ..

شنو يعني لك الحب؟؟ وهل وقع فايز بن حمود في شباكهه؟؟
الحب أحس إنه شعوور جميل .. وماأظن إني وقعت مرة مرة ..


ويمكن تكون لي رجعه

ياهلا بك بأي وقت ..

[فايز بن حمود]

ايه برجع مرات ومرات الله لايعوق بشر
عسى ماعندك مانع ؟

لاماانع ولادوااس .. اخلصي بس .. <<<<<<<<<خربت الاخلاق




شرايك في فيلم عماره يعقوبيان وهل قريت الروايه ؟
تنصحني اشوفه مع ان مشاهد التعذيب هي اللي مانعتني لان عوار قلب
ج / فيلم ولاأروع .. ويعجبني النقد البنّاء .. أما الروااية ماقريتهاا ..

شخبار الافلام الاجنبيه وشنو اخر فيلم شفته
ج / ماعليها بخير والله .. وماأتذكر آخر فيلم .. بس الظااهر انه بيج مام الثااني ..

شرايك في مستوي الخواطر في منتدي الادب
ومن اللي تشوفه ان الخواطر اللي يكتبها تدل عن كاتب مميز
مستواهاا حلوو نوعاا ماا .. وكتاابناا فيهم الخير والبركة .. بس فهد البدااح غيييييييييييييير ..<<<<<بتجيبين المشااكل لناا ..

انت قاعد في البر في امان الله والقمر شقاق والافكار رايحه جايه
الا وذيك المركبه الفضائيه اللي محوله جنبك
وينزل منها مخلوق فضائي يوجه لك الكلام
طبعا انت مافهمت شي بس شنو بتقول له شعرا لو بيت واحد
ج / ياشين فارق واترك القلب طرباان *** مانيب نااقص بربرة ياالفضاائي ..


انت قاعد في السينما ومندمج في الفيلم الا وتهجم عليك ذيك البنيه الموت الحمر
وتمسكك من رقبتك وتصارخ بقمه راسها
وينك يافايز
10 شهور ماندري عنك
قاطني انا والعيال ولا لنا احد من عقب الله
حرام عليك يامفتري
والسينما كلها تناظر فيك والحرمه دموعها اربع اربع
شتسوي
ج / وين الباااااااااااااااااااب ..


انت في الجسر وخاتمين جوازك ووقفت عند الجمارك
الا يجيك الضابط
انت فايز؟
ايه نعم
لوسمحت عندنا بلاغ من الجفول انك تهرب اشيا ممنوعه
شتسوي؟
ج / وش باسوي .. نفس اجابة ابوفيصل (فهد البدااح) ..


بجد عاد وامانه ولاتقول اي اجوبه دبلوماسيه
لو انك المدير شنو الاشيا اللي تسويها والقرارات اللي تتخذها في المنتدي
ج / باخلي منتدى حواء خااص بالعضواات .. واي رجاال يدخله باحش رجليه ..


انت في التيتانك وقارب النجاه اللي انت فيه مافيه مكان الا لشخص واحد
من تاخذ من البنات اذا خيروك ؟
واذا من الشباب من بتختار
من الشبااب باخذ سلماان .. أما البناات بيبطن والله ..


تلعب رياضه ؟ وشنهي ؟
ج / إيه .. ألعب بيلوت ..

لو فيه مواجهه بينك وبين شخض ما واعطوك حريه اختيار السلاح شنو تختار
ولاتقول لي انا انسان مسالم وما احب العنف
ج / بازوكة ..

انت مراسل حربي
وين تختار تسوي تغطيه اخباريه
جنوب لبنان ولا الفلوجه وبغداد
ج / جنوب لبناان .. بدون ذكر الأسبااااااااااااب ..

راجعين عقب العشا
ليه .. روحي نامي أحسن لك ..

ايه تذكرت ... شرايك في ناصر بن عبود وسعد بن تويم وفهد البداح؟
هل تشوف انهم يمارسون الدكتاتوريه في منتدي الشعر ولا الديمقراطيه؟
ج / دكتاتوريييييييييييين .. وخااصة ناصر بن عبود ..

قط رحت القرشع ؟
ج / وينه فيه ؟

..

[الهاجري]

شد حيلك ابو حمود

تراني صديقك :D

قلوبنا معاك
<<<< بينذبح

[فايز بن حمود]

اسف يابو حمود على تطفلي لكن حقيقة هالسؤال اضحكني اخوك s3d alfares
وانتظر اسئلتي قريباً،وكان الله في عونك
والسلام للجميع

ياهلا بك ياسعد في أي وقت .. واذا نسيت تجيب الأسئلة معك تراك معذور وانا اخوك

أما الجفول الله يعينا عليهاا

..

[سلمان]

وجه الله ولا هالصداقه حطيته بين هالمحققين ورحت تمشى وتعشى ووووووو

[فايز بن حمود]

على طاري الطعميه
فايز قد ذقتها اعتبره سوال
واذا ذقتها وين ومتى

والله ياابوفيصل ذقناا انواع الطعمية كلهاا .. بس مثل طعمية ((نعمة)) مافيييييييييه ..

[فايز بن حمود]

ماعليش يافااااااااااايز بحكم التخصص

سؤاااااااال الجفوووول غلط ولاترد عليه

مهوب هذا مهمة المراسل الحربي<<< هذا يكون في المهمات العسكريه زي البريد الان

نياهههههههههههههههههههههههههههههه

الصحيح مراسل اعلامي



ايييييييييييييييييييييييه تكفى ياابوفيصل .. عليك بهاا ..

[فايز بن حمود]

شرايك في قعده المريديان في مصر المسيان
وتفضل مبني القصر القديم ولا المباني السكنيه الحديثه اللي وراه
ج / المريدياان ؟!!! ماأعرفه ههههههههههههههههههههه
لا لا تذكرت .. أجلس دايماا في القصر القديم .ز ماأحب الزحمة <<<<<<<<<وجه مستحي ..

شرايك في الحنطور ولفه علي كوبريقصر النيل وانت مار علي هلتون النيل
ج / والله حلوة .. بس لو ينظفون الشاطئ هنااك كان احسن .. وأحلى مافي هاك المكاان يجون المصريين المعرسين عشاان يحتفلون عند المتحف احياناا .. طبعا لابد نشاارك الإخوان العرب في أفرااحهم ..


يانيل هدي ترى حالي (يـادي النيلـة)
لازحـت نجمـة اشـوف الثانيـة تقـبـل
(مش عارف اللي حصل) ياقلة الحيلة
(الفار يلعب في عبي) وانت تستهبـل

شسالفه الابيات اعلاه وهل لها تكمله وماهي وهل لك ابيات اخري علي نفس اللهجه
ج / سالفتها سالفة ياالجفوول .. وماتنقاال والله .. أما التكملة لااااااااااا .. والله ان يطردني سلماان ..
وفيه كم ابياات ثاانية بس ماأتذكرها الحين ..


راجعين
حياااااااااك <<<<<<<<<< البنت هذي ماعندها شغل ..

[فايز بن حمود]

فايز اخبارك اللحين؟؟؟
أبشرك على اتم نعمة ..

وين كنت قبل ساعتين؟؟
كنت في استرااحة على طريق ديرااب ؟؟

دامك للحين شاب وصغيرون ما شاء الله عمرك 21 سنه
انت من اي نوع من الشباب؟؟
عمري 21 !!!!!! ياليييييييييييييت عمري واحد وعشرين .. بس كيف اي نوع من الشبااب ..

اشرايك بالاعضاء التالي اسماءهم:-
مشاعر (((( إذا كان للإبدااع عااصمة .. فمشااعر هي عااصمته .. ))))
سعد بن تويم (((( أبومحمد .. برئ داائماا ))))
ناصر بن حضرم (((( الشعلة ))))
بنت الدوحة (((( أحلى لوك في أحلى منتدى ))))
سلمان (((( هذا عاد ابومخلد .. القلب الناابض<<<<<<<مع انه يخوف احيانا والله لو شفتوا رساالته لي ماتلوموني ))))
سعود السهلي (((( مالهاا إلا رجاالهاا ))))

..,,,,..

[جيت اسأل عليك]

السلام عليكم,,,,,,,,,
الله يعينك يافايز,,
بس اسئلة الجفول تكفيك شهرر,,,
بعدين سوالي لك ؟؟ بس واحد لو تسمح ماابي اكثرها عليك الشباب كفو ووفو,,

شي تتمني تسويه وللحين ماسويته ؟؟

[فايز بن حمود]

لنفترض التاليه اسمائهم توهم بيسجلون في المنتدي
اختار لهم اسماء او نكات يسجلون فيها


سعود الغزواني (( عاقل المجانين ))
سلمان (( سلمان ))
ناصر بن عبود (( الحجّاج ))
سعد بن تويم (( البرئ ))<<<<<<<<<على ذمة بعض النااس ..
فهد البداح (( واحد من الناس )) والصورة الرمزية صورة لغروب الشمس ..
الهاجري (( رحّال ))
ولد منجل (( المملوح ))
ناصر العنقودي (( مخاوي الليل ))<<<<<<<<لاتسالوني ليه ..



لو ربحت رحله حول العالم محمول مكفول وكل شي متوفر ومرتب
وبعد لك الحق تاخذين شخصين معك


من تاخذ من خارج المنتدي
من تاخذ من اعضاء المنتدي الشباب
من تاخذ من اعضاء المنتدي البنات
من خارج المنتدى .. ماراح اخذ الا واحد .. مـ شـ عـ ـل
من شباب المنتدى .. فهد البداح والمدير إذا كان يعتبر من الشباب ..
اما غذا كنت ملزوم بالبناات فأفضل اجلس في حر الريااض ولاأروح ..

بما انك مدرس لغه عربيه
تخيل انك في مدرسه واختار للوظائف التاليه الاشخاص المناسبين من المنتدي


مدرس تاريخ .. ناصر بن عبود ..
مدرس رياضه .. فهد البدّاح بحكم الخبرة ..
مدرس انجليزي .. سلمان ..
مدرس اقتصاد واداره .. أبوعبدالمحسن او الود ..
مدرس رياضيات .. ولد منجل <<<<<<<<<يبي يورطه ..
مدري رسم .. صنهاات ..
مدرس اقتصاد منزلي .. الجفول ..
مدرس كيمياء .. مشااعر <<<<<<<<<من غير ليه ..
مدرس احياء .. ابن حضرم ..
مدرس دين وشريعه .. كااشت بحكم الإشرااف ..
مدرس اجتماعيات .. ليا .. بحكم التخصص ..


شنهي اغلا هديه اهديت لك ومن منه وشنو كانت
أغلى هدية كانت من شخص عزيز .. بس القهر انها للحين ماجت ..


شرايك في الاسئله ؟
رهيبة ياتساالي ..

ودك ارجع مرتن ثانيه ؟
بدون ماتسالين ياالجفول ..

من ودك يكون في مكانك الحين
ناصر بن عبود ..

..

[فايز بن حمود]

لو اعطيت ساعة من الزمن منصب وجابولك الجفول وش تسوي فيها ؟ وترى ماعندك الا ساعة والا تضيع الفرصة وحكمك نافذ
ج / باصلبها على الجسر لمدة لاتقل عن سنتين<<<<<<<<والله اني قنوع ..

ثانيا : هل ترى ان المنهج الدراسي حاليا صالح لهذا الجيل ؟
ج / أبداً .. وخصوصا مواد الدين والتاريخ ..

ثالثا : هل ترى ان المعلم في زماننا الحاضر يحضى بمكانة مرموقة في المجتمع وبين الطلاب؟
ج / بالعكس ياابومخلد .. المعلم فقد جوهره المجتمعي .. ولاأعلم من السبب في هذا الخطأ ..

رابعا : اين موقع النقد في حياتك اقصد بذلك النقد الادبي والثقافي ؟
ج / غذائي الروحي ..

خامسا : ايهما في رايك اقرب للوصول لذهن الطالب المنهج الدراسي المعتمد على الدروس النظرية ام الدروس العملية ؟
كلا النوعين .. فالطلاب أنواع .. لكن من واقع تجربة فالعملية أقرب ..

سادسا :يقول جان بول سارتر متسائلا ( هل بمقدور الانسان ان يكون ملتزما وحرا ؟اجاب رائد الوجودية الاول بان الوجودلا يتحقق الا بالحريات , ثم استدرك واضاف :لابد ان يكون ملتزما )
هل ترى ان الحرية والالتزام يمكن ان يجتمعا في ذهن الكاتب ؟
ج / الحرية والالتزام .. طريق وااسع .. وحديث متشعب .. وليس من المستحيل اجتماعهما .. إقرأ في غزل شوقي وستجدهما مجتمعان .. واقرأ أيضا في أدب امل دنقل .. ستجد العجب العجاب .. فالحرية ليس معناها أن تتحرر من كل شئ .. ولكنه التحرر الفكري المحبّذ في الأدب .. فقد مللنا من تكرار الأسطواانة الادبية التي نطلع عليها في أدبائناا وكتاباتهم ..

سابعا :هل يوجد في وقتنا الحاضر من يمكن ان يكون جريئا ليقول الحقيقة كاملة بلا مداهنة ونفاق ؟
ج/ إذا كنت تقصد الأدباء والشعراء .. فلك في عمر أبوريشة مثاال مشرّف ..

ثامنا / ماعدنا نسمع عن ادباء ومثقفين وفنانين مبدعين وكأنما عجلة الزمن توقفت عند جيل الستينات والسبعينات
في رايك ماهي الاسباب وراء ندرة المبدعين ؟
ج / الإعلاام .. والمصاالح الشخصية .. ومحااربة الكباار لإبدااع الشباب ..

اعودالى الفن /
هل تستمع للغناء؟
ج / إيه نعم .. الله يعفو عنا إن شاء الله

ان كان نعم فاي نوع من الغناء تطرب له ؟ومن فنانك او فنانتك المفضله؟
ج / أسمع ماطاحت عليه يدي بس يبقى الأصل عبادي الجوهر ابو سارة .. بعده تجي فيروز ..

الشعر - الكتابة النصية - النقد -
اقربها الى نفسك ؟
ج / النقد ثم النقد ثم النقد .. فالشعر والكتابة النصية ..

في حفل حضرته فوجئت بمن يقول لك طلبتك نحتاج الى مقدم للحفل ماهي ردة فعلك في هذا الموقف ؟علما بان من طلبك عزيز عليك ولم يتعود منك ان ترد طلبه
ج / بدون تردد أوافق ..

هل انت جريء في الحق ؟
ج / أتمنى أن أكون جريئاً ..

شكرا لك اخي على تجاوبك واعانك الله

الشكر لك ياابومخلد .. وتوااجدك هنا شرف مابعده شرف .. لاهنت وجعلك ذخر ..


..

[فايز بن حمود]

الابل سلعه رجال ولا يشتقي بها الا رجال ... وش قصايدك بها

مرحبا ياابوفيصل .. ليت كل اللي يسألون مثلك .. سؤال وماشي ..

اما الابل فماكتبت فيها شي والله ..

[فايز بن حمود]

السلام عليكم

الله يعينك فايز

<<<<< بريئ

فهد البداح شنو سيارة فايز اخواني يقولون واحد من اليوم يدور عليك


كلنا معاك يافايز قلب وقالباً
ولا عليك اقحمهم وانا من وراك

ولا تسمع كلام ابو مخلد فيني تراه يحبني
هههههههههه

يجيلك يوم ياالهاجري ..

[فايز بن حمود]

حبك بقلبي وحب ابليس =مامثلهم شيء بايساري
ياليت والله تجي وتقيس = وضيفتك سبع من احجاري

صحححححححححح لساانك ياابومخلد

الهاجري .. انا سيم سيم ابومخلد

[بنت الشرقيه]

صباااااااح الخييييييير

هــــــــــلا وغلا فاايز

شخبارك ان شالله طييييييييييب

عندي بعض الاسئله ياليت تجاوب عليهاااا

أبحط للك القاب وانت اختار مين العضو المنااسب لكل لقب

عضوو فكااهي (( ))

عضو جدي ويمثل رجل الهيئه في المنتدى (( ))

عضووو وسييم يعني حلو شكله (( ))


السؤؤال الثااااااااااااني :

تتوقع لو كنت امرأه وش أول شي تفكر فيه ؟؟


السؤؤال الثااااااااالث :

من وجه نظررك هل صحيح البكي للرجل يقلل من هيبته وشخصيته ؟؟


وسووووووري على الاطاااااااااااله

[نوارة القلب]

هلا والله شخبارك؟
وش لوحة سيارتك؟
هل تؤيد تفتيش الاهل لجوالات عيالهم؟
سمعت انك خاطب صحيح؟
وش رايك في فيلم ظرف طارق؟

[الهاجري]

السلام عليكم

هلا بك بيوم الثاني المبجل
:)

مالك بالطويله

1- ناديك المفضل .. لاتقول النصر طالبك ؟:)
2- النجم الهاوي وولد منجل وسعود طبوا عليك وانت نايم في امان الله واشتغلوا لك شريخيات بالغرفه المهم الكل انحاش الا ولد منجل :D
شنو راح تسوي فيه ؟
3- وش رايك بمستوى المنتدى هالاسبوعين بكل صراحه ؟
4- نصيحه من مكانك لبنات اليوم وشباب اليوم :)؟


برجع اسلم عليك :)

[كيانٌ آل عطراً]

مراااااااااحب مليووووون

س: منتدى تحب انه ينضاف لباقي فروع المنتدى ؟؟

س: اشرايك بقناة الجزيرة ؟؟

س:برنامج تلفزيوني تحب تشاهده؟؟

س: بلد تتمنى تزروة ؟؟

س: الفاكهه المفضله لفايز بن حمووود؟؟

س:جواب بكلمة فقط للمفردات التاليه؟؟؟

1- المرأه:

2- الرجل:

3-الزواج:

4-الام:

5-الدنيا:

6-لبنان:

7-العرب:



س: لو كنت سفير للنوايا الحسنه وشي القرارات اللي بتتخذها ؟؟







حبي وتقديري

[الجفول]

السلام عليكم
عساك عالقوه
لو صدت طالب يغش وكان هالطالب فلته زمانه والاول دايمواول مره يسوي هالشي
شلون تتصرف
ولو الطالب اللي صدته كسلان ومومستغرب ان يسوي هالشي
شلون تتصرف
هل صار وانت تشرح الدرس انك وصلت لهم قناهاتك الشخصيه بخصوص امر ما بدون مايدرون وخليتهم يتبنونها
اي مرحله تدرس وشرايك في المستوي اللي تشوفه
انت قلت ان ودك تعيد المرحله الجامعيه
ويدك تعيدها في نفس الجامعه واذا كان فيه فرصه للتغير وين تروح
لما اخذت مقرر الادب العربي عجبني مره الشعر الجاهلي واشوفه فلته الشعر
ياتري انت اي من عصور الشعر اعجبك؟
ليش فراس الحمداني بالذات ؟
اكيد قرات كتاب طه الحسين في الادب الجاهلي
ظنك يستاهل الزوبعه اللي صارت وقتها واتهام طه حسين بالزندقه الفكريه
لو بتسوي لنا محاضره في المنتدي ياتري شنو بيكون عنوانها
قريت قصيده لواحد من الشعراء وشفتها انها بحاجه لمجبر وباسرع وقت
تقول له ولا موضروري
اذا استثنينا مشاعر وفهد البداح وسلمان
من في رايك يكتب خواطر مميزه في منتدي الادب ولاتلف وتدور احسن لك
ليش رفضت الرحله اللي حول العالم واللي فيها بنات
وليش ترفض تنقذ روح بريئه في التايتانك وانت عندك مكان في قارب النجاه
وعلي فكره تري البايسن مضر بالصحه ويسوي ادمان
البعض يقول ان فايز موماخذ راحته في البساط
ياتري هالشي صحيح وليش؟
هل انت من مؤيدين تلفزيون الواقع
اذا ايه وجاتك فرصه للمشاركه
شنو ودك تكون نوعيه البرنامج
تسمع كوكب الشرق والعندليب؟
اذا ايه
اي الاغاني تفضل لهم
ارجع او لا ؟
لاخلا ولاعدم

[فايز بن حمود]

شد حيلك ابو حمود

تراني صديقك

قلوبنا معاك
<<<< بينذبح

هذا هو العشم فيك ياالهاجري

<<<<<<حاقد عليه

[فايز بن حمود]

السلام عليكم,,,,,,,,,
الله يعينك يافايز,,
بس اسئلة الجفول تكفيك شهرر,,,
بعدين سوالي لك ؟؟ بس واحد لو تسمح ماابي اكثرها عليك الشباب كفو ووفو,,
شي تتمني تسويه وللحين ماسويته ؟؟


والا كثري .. خربت أصلا ..

الشي اللي أتمناه ولاسويته .. هي اني اروح القااهرة الاجاازة هذي بس الظروف عيت <<<<<<<<وجه حزين


..,,,,..

[مشاعر]

السلام عليكم








الله يعطيك العافية فايز


الصراحة بودي أسأل سؤال واحد بس انت قلت من غير ليه


تعتقد ليه النجم الهاوي ما اسألك أسأله كثيرة مثل ما يعمل مع الاعضاء؟

اعجبتني الاجوبة
الصراحة فرصة جيدة نكتشف منها جانب من شخصية الاخ فايز كنا ما انعرفه





لاعدمناك والله :)

[فايز بن حمود]

بنت الشرقية ..

هلاوغلا ومرحبتين ..

عضوو فكااهي ((النجم الهااوي بلا منازع ))

عضو جدي ويمثل رجل الهيئه في المنتدى ((سلماان في ليلة الجمعة يقلب فجأة ))

عضووو وسييم يعني حلو شكله ((مافيه احد غيري ))


السؤؤال الثااااااااااااني :

تتوقع لو كنت امرأه وش أول شي تفكر فيه ؟؟
ج / أقول كيف الحاال ..

السؤؤال الثااااااااالث :

من وجه نظررك هل صحيح البكي للرجل يقلل من هيبته وشخصيته ؟؟
ج / من وجهة نظري .. نعم ..


وياهلابك مرة ثاانية ..

[فايز بن حمود]

ياحلوك حلوااااه
مرحبتين والله ..

هلا والله شخبارك؟
انا تمام .. إنتي كيفك ..

وش لوحة سيارتك؟
ج / س ن ق 888 <<<<<<<<<<وجه مبتسم بقوة ماباقي الا يتشقق ..

هل تؤيد تفتيش الاهل لجوالات عيالهم؟
ج / ليه وش الماانع من انهم يفتشونها ..

سمعت انك خاطب صحيح؟
ج / غير صحيح البتّة ..

وش رايك في فيلم ظرف طارق؟
ج / كوميديا أكثر من اللازم ..


لاتقااطعين ..

[فايز بن حمود]

ياهلا والله بالهااجري ..


1- ناديك المفضل .. لاتقول النصر طالبك ؟
ج / مافيه غير الزعيم .. وفي الليلة الظلمااء يفتقد الهلال ..

2- النجم الهاوي وولد منجل وسعود طبوا عليك وانت نايم في امان الله واشتغلوا لك شريخيات بالغرفه المهم الكل انحاش الا ولد منجل
شنو راح تسوي فيه ؟
ج / باذكّر سلماان ان ولد منجل ماسوّى التوقيع له .. وسلمان بيكفيني ..

3- وش رايك بمستوى المنتدى هالاسبوعين بكل صراحه ؟
ج / بصرااحة .. المنتدياات بشكل عاام في الصيف تصااب بخمول .. لكن منتداناا الحمد لله متحرك بقوة ..

4- نصيحه من مكانك لبنات اليوم وشباب اليوم ؟
ج / كلناا يبيلنا من ينصحناا ياالهاجري .. لكن النصيحة اللي دايم اكررهاا .. احفظ الله يحفظك ..


.. ارجع وسلم وتعش وتمش واسأل واللي تبي طال عمرك ..

[فايز بن حمود]

مراااااااااحب مليووووون
مرحبااااااااااااابك اكثر

س: منتدى تحب انه ينضاف لباقي فروع المنتدى ؟؟
ج / لو قلتي منتدى أحب اشيله .. ممكن ..

س: اشرايك بقناة الجزيرة ؟؟
ج / محد يعجبه نعيق الغرااب ..

س:برنامج تلفزيوني تحب تشاهده؟؟
ج / بصرااحة أنا مو متاابع حيل للتلفزيون .. لكن هالأياام طاايح في برناامج آدم حق الام بي سي ..

س: بلد تتمنى تزروة ؟؟
ودي ازور بنجاابي <<<<<<<<<والله العظيم ماأستهبل ..

س: الفاكهه المفضله لفايز بن حمووود؟؟
التوووووووت .. أموت فيه ..

س:جواب بكلمة فقط للمفردات التاليه؟؟؟

1- المرأه: الإحساس ..

2- الرجل: الأساس ..

3-الزواج: نكبة ..

4-الام: الحياة ..

5-الدنيا: طريق ..

6-لبنان: الغلا ..<<<<<<<<<<<بالنسبة لواحد من الشباب

7-العرب: الذل ..



س: لو كنت سفير للنوايا الحسنه وشي القرارات اللي بتتخذها ؟؟
ج / بس وش الصلاحيات المسموح بهاا لسفراء النوايا الحسنة ..



ومرحباااااااااابك .. وسلميلي على الدوووحة


...,,,,...

[فهد البداح]

ابو حمود

لو شكل جيش عربي
لـ الدفاع عن اي دوله عربيه تتعرض لهجوم خارجي

مثل ماحصل في العراق ولبنان

وتم اختيارك قائدا لهذا الجيش

ماهي اول كلمه تقولها
لـ الشعب العربي
واول كلمه تقولها
للجنود

من ستختار نائبا لك

قائد عربي ترى انه لن ييتكرر

تعريفات بسيطه لكل من


عمر بن عبدالعزيز

هارون الرشيد

المعتصم

الحجاج بن يوسف

صلاح الدين الايوبي

وبماذا يذكرك كل منهم


امنيه تتمنى تحقيقها
على المستوى المحلي والعربي
والعالمي

وسلااااااااامتك

[فايز بن حمود]

السلام عليكم
وعليكم السلام

عساك عالقوه
الله يقويك ..

لو صدت طالب يغش وكان هالطالب فلته زمانه والاول دايمواول مره يسوي هالشي
شلون تتصرف
ج / باخذ منه وسيلة الغش .. واخليه يكمل امتحانه .. وباتفااهم معه بعدين ..

ولو الطالب اللي صدته كسلان ومومستغرب ان يسوي هالشي
شلون تتصرف
ج / وين مكتب المدير ..

هل صار وانت تشرح الدرس انك وصلت لهم قناهاتك الشخصيه بخصوص امر ما بدون مايدرون وخليتهم يتبنونها
ج / أصلا مالي حق في هذاا .. ابين لهم رأي غيري ورأيي .. وابلغهم إن هذا رأيي ولهم حق اتبااعه أو رفضه ..

اي مرحله تدرس وشرايك في المستوي اللي تشوفه
ج / ثانوي .. مافيه طلاب مثلنا أول ..

انت قلت ان ودك تعيد المرحله الجامعيه
ويدك تعيدها في نفس الجامعه واذا كان فيه فرصه للتغير وين تروح
ج / نفس الجاامعة ونفس التخصص ونفس الزملاء ونفس الأسااتذة ..

لما اخذت مقرر الادب العربي عجبني مره الشعر الجاهلي واشوفه فلته الشعر
ياتري انت اي من عصور الشعر اعجبك؟
ج / شي طبيعي يعجبك العصر الجااهلي .. لأن شعراءه هم الروااد .. ولكن أنا يعجبني الأموي والعباسي والعباسي أكثر ..

ليش فراس الحمداني بالذات ؟
ج / تسائلني من أنت ؟ وهي عليمة *** وهل بفتى مثلي على حاله نكر ..
لأنه شااعر يكتب عن معاناة حقيقية .. شعره كمرآة لنفسيته .. ويعجبني أكثر رمزيته المبااحة الجميلة .. وهو أول شااعر طرق باب الرمزية .. قد يكون هذا الشئ غير معترف به لدى الأدبااء .. لوكن من بحثي عنه والاطلاع على أبي فرااس عن قرب .. لاحظت هذاا الشئ .. على فكرة هو مظلوم لأنه عااش في نفس فترة المتنبي ..

اكيد قرات كتاب طه الحسين في الادب الجاهلي
ظنك يستاهل الزوبعه اللي صارت وقتها واتهام طه حسين بالزندقه الفكريه
ج / لا لا .. ولكن الزوبعة صاارت من باب إن لم تكن معي فأنت ضدي .. وبالعكس كتاابه جميل جداا .. ومن عرفنا الأدب وحنا نعرف إن ماله دين أو ملة ..

لو بتسوي لنا محاضره في المنتدي ياتري شنو بيكون عنوانها
ج / الفرق بين الصرااحة وقلة الأدب .. شي متعبني في المجتمع ..

قريت قصيده لواحد من الشعراء وشفتها انها بحاجه لمجبر وباسرع وقت
تقول له ولا موضروري
ج / على حسب الشااعر نفسه ومدى علاقتي فيه ..

اذا استثنينا مشاعر وفهد البداح وسلمان
من في رايك يكتب خواطر مميزه في منتدي الادب ولاتلف وتدور احسن لك
ج / ماراح الف وادور .. لكن الأسمااء المميزة كثيرة عندنا الحمد لله ..

ليش رفضت الرحله اللي حول العالم واللي فيها بنات
ج / حرية شخصية .. والا بتماارسون الدكتاتوية ؟

وليش ترفض تنقذ روح بريئه في التايتانك وانت عندك مكان في قارب النجاه
ج / المنقذ هو الله .. بس انا بتبطي هالروح البريئة كانها من البناات ..

وعلي فكره تري البايسن مضر بالصحه ويسوي ادمان
داري وربي .. بس مالي حيلة عليه ..

البعض يقول ان فايز موماخذ راحته في البساط
ياتري هالشي صحيح وليش؟
مو صحيح بتاتا البتة ..

هل انت من مؤيدين تلفزيون الواقع
اذا ايه وجاتك فرصه للمشاركه
شنو ودك تكون نوعيه البرنامج
ج / غير مؤيد .. إلا إذا كانت الغااية نبيلة ..

تسمع كوكب الشرق والعندليب؟
اذا ايه
اي الاغاني تفضل لهم
ج / أكيد اسمع لهم .. وتعجبني ربااعياات الخياام وسيرة الحب .. وقارئة الفنجان وسواح ..

ارجع او لا ؟
المحل محلك .. في أي وقت تبين ..


..,,,,..

[فايز بن حمود]

السلام عليكم

وعليكم السلام

ياهلا والله وسهلا بمشااعر ..








الله يعطيك العافية فايز

الله يعافيك وقويك ..

الصراحة بودي أسأل سؤال واحد بس انت قلت من غير ليه

إنتي مسموح لك بأي سؤال تبين .. وبرضه من غير ليه ..

تعتقد ليه النجم الهاوي ما اسألك أسأله كثيرة مثل ما يعمل مع الاعضاء؟
ج / قايلكم موقع معه انفاقية ..

اعجبتني الاجوبة
الصراحة فرصة جيدة نكتشف منها جانب من شخصية الاخ فايز كنا ما انعرفه


شهاادة اعنز فيهاا كثييييير ..

من شخص نكن له كل الود والتقدير والاحتراام ..


لاهنتي يامشااعر ..

[الجفول]

السلام عليكم
فيه بيت في معلقه امرؤ القيس يوصف فيه فرسه
المهم النقاد يقولون ان هالبيت هذا كان زله للشاعر لان هزئ فرسه في هالوصف
هذا حسب كلام دكتور الادب العربي
شرايك في هالكلام وتتذكر هالبيت لاني مومتذكرته
قفا نبك من ذكري حبيب ومنزل ,,,,,
ظنك لو كنت مكانه شنو بتقول ؟؟
النسيب في الشعر الجاهلي الشعر عموما هل له اهميه كمدخل ولا مجرد ترطيب لجو القصيده خصوصا ان لم يكن لها علاقه بالغزل
لو بتسوي لنا محاضره في المنتدي عن الشعر شنو بيكون موضوعها
ومن بتختار عشان تسمعنا من قصيده
انت قلت ان ودك لو ناصر في مكانك الحين .... ليش؟؟
وظنك ليش هو ماجا اسئلك؟
لايكون عشان لي جا دوره تردها له ولاتساله؟
لو كنت عسكري... ياتري بتختار اي وحده عشان تكون فيها ؟
انت مع او ضد تجنيد المراه في الوحدات القتاليه؟
من الشخص اللي لاكلمته في الجوال تميتوا تحشون في خلق الله وتجيبون كل السوالف والعلوم؟؟
راجعين اخر الليل علي رواق :) واترك البايسن عنك وجرب البربيكيان
لاخلا ولاعدم

[الجفول]

السلام عليكم


وينك يافايز ؟؟

تري كل الاوقات محسوبه



شنو يعني لك (( حر وبلا قيود ))

شنهي ذكرياتك اللي مانسيتها عن تعلم القياده

لو بيخاويك ناصر لسفره خارج المملكه تختار اي ديره وليش؟

قول لنا عن موقف محررج تعرضت له او سببه لك احد من طلبتك

وفيه سؤال بس مدري اقوله ولا (( اشدعوه خليتي شي انتي ))


لاخلا ولاعدم

[سلمان]

اخي فايز بن حمود
السلام عليكم ورحمة الله وبركاته
اعود الى اسئلتي التي تحتاج الى نقاش معك بعد ان تلقيت اجابتك وستجد تعليقي على كل اجابة باللون الازرق
سادسا :يقول جان بول سارتر متسائلا ( هل بمقدور الانسان ان يكون ملتزما وحرا ؟اجاب رائد الوجودية الاول بان الوجودلا يتحقق الا بالحريات , ثم استدرك واضاف :لابد ان يكون ملتزما )
هل ترى ان الحرية والالتزام يمكن ان يجتمعا في ذهن الكاتب ؟
ج / الحرية والالتزام .. طريق وااسع .. وحديث متشعب .. وليس من المستحيل اجتماعهما .. إقرأ في غزل شوقي وستجدهما مجتمعان .. واقرأ أيضا في أدب امل دنقل .. ستجد العجب العجاب .. فالحرية ليس معناها أن تتحرر من كل شئ .. ولكنه التحرر الفكري المحبّذ في الأدب .. فقد مللنا من تكرار الأسطواانة الادبية التي نطلع عليها في أدبائناا وكتاباتهم ..
ان تقول اخي( ليس من المستحيل اجتماعهما )ثم تعود لتقول (فالحرية ليس معناها ان تتحرر من كل شيء ...ولكنه التحرر الفكري المحبذ في الادب )
هنا اود ان اقول انني اختلف معك في هذا الشأن اما لماذا ففي وجهة نظري ان الحرية تعطى بلا قيود ومن اسس الحرية عدم تكميم الافواء او تقييد الايدي او تحطيم الاقلام على رؤوس اصحابها فانا في العصر الحاضر اقول متى ما امنا بضرورة التحرر الادبي او السياسي او الثقافي او اي شأن من شئون حياتنا فالوضع يحتم علينا مع اعطاء الحرية ان نجهز انفسنا للدفاع والايضاح عن مسببات اختلافنا مع الاشخصا او الهيئات او اي كائن كان هنا تكمن الحريه وهي مقارعة الحجة بالحجة لوضع مبررات واقعية لايضاح ردنا على من اعطي الحرية حتى ولو اساء الادب او التصرف
انتهى ياعزيزي عصر التكميم والسجن والقتل بسبب تجاوز الحرية التي نتباها باعطائها بينما الواقع يقول اننا نقمعها من حيث وهبناها
ان تمنحني الحرية دعني امارسها بلا اي قيود ومتى ما رأيت اني اخطأت حسب منظورك فاوضح للرأي العام ولي بوضوح خطأ ممارستي للحرية
في هذا الزمن بالذات يجب الا نتعامل مع الحكومات والمؤسسات والاشخاص بكهنوت لا يحق لنا ان نناقشه
كمثال لهذا القول ما رأيناه من رد المفتي العام الشيخ عبدالعزيز آل الشيخ بالامس عندما قام باصدار بيان يعد من اوضح البيانات الشرعية التي تنفي ان صلاة التراويح صليت جماعه في المسجد الحرام في العهد السعودي حسب ما قالته صحيفة السياسة الكويتيه
كم كان الرد واضحا ومقنعا ومستندا لدلالات من الكتاب والسنة
واوضح للجميع اننا كسعوديين يخطئ من يقول اننا نتبع مذهب وهابي بل من قال ان الوهابية مذهب ضمن مذاهبنا المعترف بها
فلا يوجد في الاسلام الا مذهب مالكي وحنفي وشافعي وحنبلي
اما ماقام به الشيخ محمد بن عبدالوهاب فهو تجديد وليس احداث مذهب جديد
كم كان لهذا الرد في نفسي وفي نفوس المسلمين المعتدلين الوسط مفعولا ايجابيا رد البدعة بالحجة واوضح مالصلاة التراويح من منهجية حيث اداها الرسول الكريم محمد صلى الله عليه وسلم اياما جماعة واياما لم يؤدها الا في العشر الاواخر واياما لم يؤدها اطلاقا ليس لحرمان المسلمين من خير واجر ادائها بل خوفا من ان ينزل الوحي بفرضها
ثم لما اتى عمر بن الخطاب رضي الله عنه وكان قد توقف الوحي بوفاة الرسول الكريم محمد صلى الله عليه وسلم حث على اقامتها جماعه
الا ترى كيف ان الاجابة من سماحة المفتي كان واضحا والجم من يفتي بلا دراسة ولا معرفة
كما واصدر هذا اليوم سماحة المفتي بيانا اخر( يفند اتهامات المفكر الاسلامي يوسف الرفاعي عن الشيخين ابن باز وابن عثيمين رحمهما الله ويؤكد ان المقابلة حوت تهما ملفقه واحكاما مزوره )
هنا اقف احتراما واجلالا لهذا الاسلوب الذي يظهر مقارعة الاتهامات بالحجة الواضحة وهذا اسلوب اراه اجدى من الاسلوب القديم الذي كان يتبع في الرقابة الاعلامية حيث كنا سابقا نتسلم الصحف والمجلات التي تصدر من الدول العربية بعد صدورها بايام قد تصل الى اسبوع لتقوم الرقابة خلال تلك الفترة بالتدقيق فيما ورد في تلك المجلات والصحف ونجد عندما نتسلمها اما قصا لصفحات او تشويه بالحبر الاسود على بعض المواضيع
من هنا ارى انك اخي ان الحرية يجب ان تمارس بلا قيود والا فلا نتبجح بان نقول اننا منحنا الحرية
وفي عصرنا الحاضر لم يعد يجدي القيام باعمال الرقابة فالفضاء مفتوح والاقمار الصناعية تنتشر خاصة على البلاد الاسلامية بحيث اصبح بامكان الفرد ان يتابع ما يشاء دون رقيب
اذا ماهو دورنا الان وما هو مطلوب منا
المطلوب تهيئة الاجيال من الاطفال والشباب لكيفية التعامل مع المرحلة الحالية ووضعهم على الطريق الصحيح للتعامل مع المرحلة المقبلة
هذا رأيي بهذا الخصوص وان اطلت ولكني وجدت ان الوسيلة الاولى ان ادع لقلمي حرية الاستشهاد لكيفية ممارسة الحرية بلا قيود او قيود بلا حرية
سابعا :هل يوجد في وقتنا الحاضر من يمكن ان يكون جريئا ليقول الحقيقة كاملة بلا مداهنة ونفاق ؟
ج/ إذا كنت تقصد الأدباء والشعراء .. فلك في عمر أبوريشة مثاال مشرّف ..
عمر ابو ريشة مر بمرحلة لم تعد تصلح لهذا الزمن كما انه لم يتجاوز الحدود ولم يمارس الحرية كما تظن وان كنت اقول انه لم يمارس الجرأة كما مارسها شعراء وادباء سبقوه في مراحل البلاء الذي تعرض له المسلمون في مختلف العصور الى القريب القريب جدا ولا اريد ان استشهد وانت تعرف ما اقصد ثامنا / ماعدنا نسمع عن ادباء ومثقفين وفنانين مبدعين وكأنما عجلة الزمن توقفت عند جيل الستينات والسبعينات
في رايك ماهي الاسباب وراء ندرة المبدعين ؟
ج / الإعلاام .. والمصاالح الشخصية .. ومحااربة الكباار لإبدااع الشباب ..
هنا ايضا اقول ان من المسببات الوضع السياسي في المنطقه وكبت الحريات والبحث عن الماديات حتى ان احدهم ليكتب عصارة فكره يقضي فيها سنوات وسنوات ثم يواجه بحجر افكاره او عدم وجود من ينشر له كتابا بينما مغني يغني اغنية ساقطة او لاعب كرة قدم امي تراه يتسلم من الاموال شهريا مايكفي لاصدار اكثر من كتاب
ثم ان من الاعرف السياسية سابقا وربما بقي منها بعض طقوس انه بعد مرور 30 عاما من وفاة الحاكم او انتهاء معركة ما او حدث هام تصبح المعلومات ملك الكتاب للكتابة واخراج الوثائق وما ادل على ذلك ما نقرؤه حاليا عن احداث 1967 م وكذلك تاريخ عبدالناصر والسادات بحيث يمكننا ان نلحظ مثلا كتابات محمد حسنين هيكل ابان عهد السادات والفرق بينه وبين مايصدر من هيكل في عهد حسني مبارك بعد وفاة السادات بعقدين تقريبا
وانظر الى تحرير الجزائر بلد المليون شهيد متى خرجت اخبارها
وانظر اننا الى الان لم نصل لاحداث حرب الخليج الاولى ولا دخول العراق الى الكويت ولا حرب امريكا لترسيخ الديموقراطية في العراق والتي بدأت باتهام للعراق بانه يمتلك اسلحة وموات محذوره وانتهت بابعاد التهم تلك لاستعمار الراق من قبل امريكا وصعوبة معرفة المخطط الامريكي المخطط له منذ عقود
الى الان لا يعي الحقيقة الا قلة من المثقفين ولكنا سنفاجأ يا اخي باخبار وتفاصيل مريعه لاحقا عن جميع ما حدث
اذا نحن هنا في تعتيم اعلامي يجب ان ينسى كل جيل ما حدث في بداياته ثم عندما يأتي الجيل الاخر يصحو على اخبار الجيل السابق بعد ان تتغير الظروف
اجد نفسي سارحا وتاركا للقلم ان يتحدث لاريك ان مايحدث سياسي اكثر من اي شيء اخر
وان اردت ان تعرف حقيقة ذلك اخي ارجع الى سياسة المملكة الحالية والتي بنيت على ايضاح مايحدث اولا باول بمؤتمرات صحفية وبيانات وامر ملكي بان يقوم كل مسؤول في الدولة بالاجابة على ملاحظات الاعلم والمواطنين ويتحمل الذي لا ينفذ هذا الامر المسؤولية
من هنا لن يخرج جيل يمارس التطوير للمنافسة على النبوغ مالم تعطى حرية بلا قيود لنيل الابداع وهذا ما نرى توجه الدولة في المملكة نحوه الان شرط عدم مساسه باساس دستور الوطن وهو الاسلام وفق ماورد في القرأن والسنة
اعي انني اطلت ولكن لان لي وجهة نظر ارى لزوم اظهارها
امل ان اكون قدوفقت ولو اني اطلت
دمت اخي

[S3d alFares]

ياهلا بك ياسعد في أي وقت .. واذا نسيت تجيب الأسئلة معك تراك معذور وانا اخوكأما الجفول الله يعينا عليهاا
..


فايز والله انك قطعت قلبي، وشفت عمايل الجفول فيك،

وعشان كذا تكفى تكفى تكفى تكفى ما تزعل مني لاني ما سألتك


والسلام للجميع

[احلى من العقد]

اخوي فايزبن حمود الله يعينك عليهم
واذا تبي فزعه تراحنا حاضرين ياشاعرنا
انت اشر بس,,,علي شرط نبي قصيده من الروائع اللي عندك

[ليا]

مساء الخير



كيف توفق بين الاشراف على المنتدى بشكل شبه يومي وبين حياتك الاجتماعية ؟ وهل المنتدى مضر بصاحبه ؟



شكرا

[الجفول]

السلام عليكم


وين الناس ؟؟


تري لاتقول خلص الوقت لان الاسئله جايتك وهذا هو نظام الملتقي


لاخلا ولاعدم

[ابو هـدب]

فايز بن حمود هنيا :)

احمد ربك اني مشغول

ولا كان بستقعدلك بصفحة اسئلة :)


الله يعينك وبنكتفي بالمشاهدة

ولنا الشرف جميعا اننا نتعرف على شخص الكريم اكثر ..

[الجفول]

السلام عليكم


شكله مطنشنا او صدع من ااسئله النجم :)
ههههههههههههه
ههههههههههه



عاد اليوم المفروض اخر يوم ولازم نستغل الفرصه



كم سؤال عالطاير قبل الغدا ...


شنهي الدول اللي سافرت لها واي منها اللي اعجبتك اكثر

كم مره جيت البحرين

كم عمرك الحقيقي قبل لاتسوي الحركات اياها في بطاقه الاحوال

من يعجبك من شعراء المنتدي و من خارج المنتدي

من يعجبك من شعراء المحاوره (( يكون يعني اعرفهم كلهم :) ))

هل تجيد شعر المحاورة والنقض والفتل وهل لديك محاورة ماتنساها كلش كلش



اختار 4 من الاعضاء تسافر وياهم وانت مغمض ومأمن ومستانس


ماذا تقول لكل من

مديروووووووو وصنهات ويومخلد وبوواثق وبن تويم وناصر بن عبود وفهد البداح والنجم وولد منجل



لنفترض ان صارت بينك وبين واحد من ربعك محاثه ما علي الماسنجر
وقام خويك وارسل المحادثه بحذافيرها لشخص اخر
شنو موقفك ؟ وجه يبتسم بنذاله


نلتقي بعد الفاصل
اقصد عقب الغدا



لاخلا ولاعدم

[مشاعر]

السلام عليكم




طالما محد سأل


ان شاء الله ما تتضايق من أسئلتي وسامحنا فايز:)


هل تحب السفر؟

ما رأيك بالوحدة هل هي حاجة ام فرض تفرض علينا ؟


تعتقد ماهي اكثر المواقف التى تغير بشخصية الانسان ؟وممكن اتغير من مسار حياته؟



ماهو الأجمل فى المرأة باعتقادك ؟


هل تؤمن ان باستطاعة المرأة ان تربي لوحدها شباب قادر وناجح ؟


بكل صراحة ما رأيك بالجيل الحالي ؟




الله يعطيك العافية


لاعدمناك والله:)

[فايز بن حمود]

لو شكل جيش عربي
لـ الدفاع عن اي دوله عربيه تتعرض لهجوم خارجي

مثل ماحصل في العراق ولبنان

وتم اختيارك قائدا لهذا الجيش

ماهي اول كلمه تقولها
لـ الشعب العربي
واول كلمه تقولها
للجنود
ج / هي كلمة مشتركة .. تأبى الرماح إذا اجتمعن تكسرا ..

من ستختار نائبا لك
ج / بدون تفكير ابومخلد <<<<<<<<وانت عاارف السبب ..

قائد عربي ترى انه لن ييتكرر
ج / المعتصم ..

تعريفات بسيطه لكل من


عمر بن عبدالعزيز ((خامس الخلفاء الرااشدين))

هارون الرشيد ((ميزان العقل))

المعتصم ((النسخة الوحيدة))

الحجاج بن يوسف ((يد من حديد))

صلاح الدين الايوبي ((صلاح الدين الأيوبي))

وبماذا يذكرك كل منهم
ج / لي فيك ياليل آهات أرددها *** أواه لو أجدت المحزون أواه

امنيه تتمنى تحقيقها
على المستوى المحلي والعربي
والعالمي
ج / يرجع زمن الأسماء المذكورة أعلاه


وسلااااااااامتك


وانت سااااااااالم

[فايز بن حمود]

فيه بيت في معلقه امرؤ القيس يوصف فيه فرسه
المهم النقاد يقولون ان هالبيت هذا كان زله للشاعر لان هزئ فرسه في هالوصف
هذا حسب كلام دكتور الادب العربي
شرايك في هالكلام وتتذكر هالبيت لاني مومتذكرته
ج / والله مدري ياالجفول .. لأن نسيييييييييييييت <<<<<<<وجه مستحي

قفا نبك من ذكري حبيب ومنزل ,,,,,
ظنك لو كنت مكانه شنو بتقول ؟؟
ج / مالي حق اقول شي بعد هالمطلع .. لأنه من أجمل مطاالع القصاائد .. الرياادة شي صعب ..

النسيب في الشعر الجاهلي الشعر عموما هل له اهميه كمدخل ولا مجرد ترطيب لجو القصيده خصوصا ان لم يكن لها علاقه بالغزل
ج / هو بدايته كعرف تعارف عليه الشعرااء .. مع إني مؤيد لهكذا بدااية .. حتى وإن لم يكن للقصيدة دخل بالغزل ..

لو بتسوي لنا محاضره في المنتدي عن الشعر شنو بيكون موضوعها
ج / مواطن الإبدااع في القصيدة ..

ومن بتختار عشان تسمعنا من قصيده
ج / سعود الغزواني

انت قلت ان ودك لو ناصر في مكانك الحين .... ليش؟؟
ج / نذااااااااااااالة ..

وظنك ليش هو ماجا اسئلك؟
ج / يتحس يدخل قسم الألعاب ويشوفه احد من الربع وينقد عليه والا يتشره عليه ..

لايكون عشان لي جا دوره تردها له ولاتساله؟
ج / ماأعتقد .. السبب قلته فوق ..

لو كنت عسكري... ياتري بتختار اي وحده عشان تكون فيها ؟
ج / الوحدة اللي مافيها شغل <<<<<<<<<كسووول

انت مع او ضد تجنيد المراه في الوحدات القتاليه؟
ج / المرة مالها الا بيتهاا .. عاد اذا وحدة تحب الشقاء الله يعينها ..

من الشخص اللي لاكلمته في الجوال تميتوا تحشون في خلق الله وتجيبون كل السوالف والعلوم؟؟
ج / هههههههههههههههههههههه السؤال هذا لو تبيني احلف انه مو منك حلفت .. بس الشخص هذا هو ناصر بن عبود .. وترى هو اللي يبدا والا انا ماأحب اتكلم في احد ..

راجعين اخر الليل علي رواق واترك البايسن عنك وجرب البربيكيان
لاخلا ولاعدم
البربيكان إذا كانت بالتوت مو مشكلة غيره لاااااااااا

وياهلا بك في أي وقت ..


..,,,,..

[الجفول]

السلام عليكم


هههههههههههههههه
ههههههههههههههه


احلف لامشكله



قول لي ,,, شنهي مواصفات فتاه احلامك
خلنا من الدين والشكل لانها بديهيات
نبغي المواصفات الاخري


كم مره تزوجت ؟؟ فيه مصادر تقول اكثر من مره


وطالما ان ناصر هو اللي يبتدي في الحشش والعقره
تقدر تقول لنا سالفه حشيتوا فيها في خلق الله وشلون ابتدى ناصر بهذي السوالف
ومن اكثر واحد في المنتدي تعرض للحش من جانبكم



راجعين

لاخلا ولاعدم

[النجم الهاوي]

فايز بن حمود هنيا :)
احمد ربك اني مشغول
ولا كان بستقعدلك بصفحة اسئلة :)

..

سيم سيم ابوهدب

احمد ربك اني الدي سيل منتهي اشتراكه ولا بعد جاء خميس وجمعه الناس مقفله والمقهى مامن مزاجه فيه

[زارا]

السلام عليكم ..اولا اهلا بك اخوي الهاجري واخوي فايز بن حمود ..

الاسئلة :

1-ماهو النادي المفضل لديك ؟؟
2-من افضل الاعضاء عندك ؟؟
3-من هو شاعرك المفضل ؟؟

,,وشكرا,,

[فايز بن حمود]

السلام عليكم
وعليكم السلام

وينك يافايز ؟؟
موجود ..





شنو يعني لك (( حر وبلا قيود ))
ج / صدقيني ياالجفول .. العبارة هذي يبي لها صفحاات عشاان ابين لكم وش تعني لي ..


شنهي ذكرياتك اللي مانسيتها عن تعلم القياده
ج / أتذكر جمس الخضرة اللي للحين وهو ملحف بشرااع ..

لو بيخاويك ناصر لسفره خارج المملكه تختار اي ديره وليش؟
ج / مصر .. عشاان نحااول نحرره شوي من القفلة اللي هو فيهاا ..

قول لنا عن موقف محررج تعرضت له او سببه لك احد من طلبتك
ج / مرة جاني طاالب ينصحني بالزوااج .. طبعا من عادتي أنااقش الطلااب في مثل الأمور هذي .. فلماا كلمني عن الزوااج وطول في الكلاام وطاال النقااش بيننا .. قلت باسأله سؤاال عشاان اسكته .. قلت له / المفروض ان الوااحد يتكلم في موضوع هو عاارفه وعن تجربة وقمت اهذر سااعة .. في الأخير قالي يااستاذ بس انا متزوج وعندي ولد .. بعدها دوري وجهي عااد ..

وفيه سؤال بس مدري اقوله ولا (( اشدعوه خليتي شي انتي ))
ج / اسألي عن اللي تبين ..

[فايز بن حمود]

مرحبا بعودتك ياابومخلد ..

بالنسبة لموضوع الحرية والالتزام .. ناقشته معك وجها عن وجه وافتنعت بوجهة نظرك .. ولكن فكرتي هي أن لاماانع من الحرية .. ولكن الحرية التي كنت أقصد هي الحرية الفكرية المحبّذة ..


أما الملاحظتين الأخرتين .. فتبقى وجهاات نظر .. فعمر أبوريشة لامس جروح الأمة وعاارض سياسات بعض الدول علانية .. ولكن الغريب أن يحاارب قاامة كهذاا .. ولايذكر حتى في الإعلام .. أو حين يتحثون عن أدبهم الحديث العظيم .. يكفي أنه هو الشااعر الذي يملك من القصاائد الممنوعة أكثر من قصاائده المتدااولة ..

شااكر لك وقتكالذي منحتني .. وهل بعد توااجدك شرف ..


عسااك في الوجود ..


..,,,,..

[ناصر حضرم العنقودي]

ابوحمود



اخبارك




الله يعينك



وبكون ضيف خفيف ظل



وبقول




الله يعينك

[فايز بن حمود]

فايز والله انك قطعت قلبي، وشفت عمايل الجفول فيك،

وعشان كذا تكفى تكفى تكفى تكفى ما تزعل مني لاني ما سألتك


والسلام للجميع

سعد .. وش دعوة زعل ..


مرورك يكفيني طال عمرك


وانتبه على قلبك .. ترى فيه نااس محتااجينه اكثر مني :)

[فايز بن حمود]

اخوي فايزبن حمود الله يعينك عليهم
واذا تبي فزعه تراحنا حاضرين ياشاعرنا
انت اشر بس,,,علي شرط نبي قصيده من الروائع اللي عندك


أحلى من العقد ..

كفووووووو والله .. بس مااعليك منهم .. انا جالس لهم هناا ..


وابشري بقصاايد مو وحدة ..

[فايز بن حمود]

مساء الخير

مساء النور <<<<<<<<<<شوفوا توقيت المشااركتين

كيف توفق بين الاشراف على المنتدى بشكل شبه يومي وبين حياتك الاجتماعية ؟ وهل المنتدى مضر بصاحبه ؟
ج / أعتقد ان التوفيق بين المنتدى أو النت عموما والحياة الاجتماعية .. ماهو شي صعب .. فأنا دائما ماخذ طريقة الأهم فالمهم ..


ليا .. شاكر لك مرورك ..

[فايز بن حمود]

وين الناس ؟؟


تري لاتقول خلص الوقت لان الاسئله جايتك وهذا هو نظام الملتقي

الجفوووووووووول


يامن شرى له من حلاله علّة ..<<<<<<<<<<<<وجه واحد طفشااااااااااااااااااااااااااااان


بس الشكوى على الله .. الله يعيني عليكم ..

[فايز بن حمود]

السلام عليكم
وعليكم السلام

وينك يافايز ؟؟
موجود ..





شنو يعني لك (( حر وبلا قيود ))
ج / صدقيني ياالجفول .. العبارة هذي يبي لها صفحاات عشاان ابين لكم وش تعني لي ..


شنهي ذكرياتك اللي مانسيتها عن تعلم القياده
ج / أتذكر جمس الخضرة اللي للحين وهو ملحف بشرااع ..

لو بيخاويك ناصر لسفره خارج المملكه تختار اي ديره وليش؟
ج / مصر .. عشاان نحااول نحرره شوي من القفلة اللي هو فيهاا ..

قول لنا عن موقف محررج تعرضت له او سببه لك احد من طلبتك
ج / مرة جاني طاالب ينصحني بالزوااج .. طبعا من عادتي أنااقش الطلااب في مثل الأمور هذي .. فلماا كلمني عن الزوااج وطول في الكلاام وطاال النقااش بيننا .. قلت باسأله سؤاال عشاان اسكته .. قلت له / المفروض ان الوااحد يتكلم في موضوع هو عاارفه وعن تجربة وقمت اهذر سااعة .. في الأخير قالي يااستاذ بس انا متزوج وعندي ولد .. بعدها دوري وجهي عااد ..

وفيه سؤال بس مدري اقوله ولا (( اشدعوه خليتي شي انتي ))
ج / اسألي عن اللي تبين ..

[فايز بن حمود]

السلام عليكم


وين الناس ؟؟


تري لاتقول خلص الوقت لان الاسئله جايتك وهذا هو نظام الملتقي


لاخلا ولاعدم




الجفووووووووووول

يامن شرى له من حلاله علّة ..

بس مدامها خربت الله يعيني عليكم ..

[الجفول]

السلام عليكم

اشوف قمت تفوت بعض الاسئله وتجاوب علي البعض مرتين

ركزززززززززززز احسن



بعدين تري الجمعه والسبت بعد لانك غايب ولاعطيتنا فرصه


ولاعليك امر ارجع للاسئله وجاوب علي اللي طوفته

وهذا كم سؤال ..



من اللي محتاج لقلب سعد الفارس اكثر منك :)

ليش انت اصلا غايب من يوم مابينت

وشنو تقصد بالقفله اللي فيها ناصر بن عبود

من راح معك مصر اخر مره

من اخر شخص اضفته للماسنجر من الاعضاء واخر شخص حذفته (( لاتقول ماعندي تري كل شي مثبت زمدون ))

هههههههههههههههههههه
هههههههههههههه



لاخلا ولاعدم

[S3d alFares]

يوم صار مافيها زعل
استلم
1-من هو اول شخص اطلق عليه اسم فايز ولماذا بكت امه عند تسميته
2-وش هالحب الكبير للمعتصم،عشانه حرك الجيوش لنصرة امرأه
3- متى تكون المعادله 1+1=3 معادله صحيحه
4-كيف تكون تخصص لغه عربيه وانت تقول انا ادرس الاجتماعيات
5- ليش يرمز للسلام حمامه ولم يرمز لها بشيئ اخر مثلا بطه
5- الله يعنك على الجفول واسئلتها،تصدق اني اقرا اسئلتها لك واقول هذا انتقام الله والعالم،طيب وش السالفه بينكم.
ونظراً لإنشغالي اتكفي
والسلام للجميع

[الجفول]

السلام عليكم


فايز ,,, تري سعد يومه يقول اتكفي يقصد تري اكتفي :)


شنو علاقتك بسعد الفارس بالتفصيل الممل وشنو يقرب لك بالتفصيل الاكثر من ممل

اي من المعلقات تعجبك اكثر وشرايك في شعر عنتر العبسي خصوصا الوصف لما قال
ولقد ذكرتك والرماح نواهل مني .....


شنو النك اللي بتختاره لو ماسجلت باسمك


وراجعين عقب شوي


لاخلا ولاعدم

[كيانٌ آل عطراً]

يعطيك ربي العافيه



ومشكور على سعة صدرك






حبي وتقديري

[فايز بن حمود]

فايز بن حمود هنيا

احمد ربك اني مشغول

ولا كان بستقعدلك بصفحة اسئلة


الله يعينك وبنكتفي بالمشاهدة

ولنا الشرف جميعا اننا نتعرف على شخص الكريم اكثر ..



لاياابوهدب من قالك اني هنيا .. إشاعاااااااااات


وانا يشرفني متاابعتك وتوااجدك ..


وياهلابك ..


..,,,,..

[فايز بن حمود]

كم سؤال عالطاير قبل الغدا ...

ههههههههههههههههه صايرة حبوب مو اسئلة قبل الغدااء وبعد الغداء

شنهي الدول اللي سافرت لها واي منها اللي اعجبتك اكثر
ج / دول الخليج كلهاا وكم دولة عربية وكم دولة اجنبية .. بس مثل مصر ماتلاقووووووون ..

كم مره جيت البحرين
ج / والله مدري كثييييييييير .. بحكم الدرااسة هنااك طبعاا ..

كم عمرك الحقيقي قبل لاتسوي الحركات اياها في بطاقه الاحوال
ج / أنا من موااليد .. 6 / 1 / 1401هـ .. مانيب شاايب مثل بعض العرب اللي كان يكد ايام أزمة الخليج <<<<<<زمان ياالبرئ ..

من يعجبك من شعراء المنتدي و من خارج المنتدي
ج / يعجبوني كثير والله .. بس سعود الغزوااني تعجبني ابيااته حيل وجزاالته .. وفهد البدااح تعجبني أفكااره ورقة ابيااته .. وسعد بن تويم يعجبني في قصاائد الملااحم وفي طول نفسه في القصاائد .. ونااصر بن عبود يعجبني داائما في ركوب الصعب .. هذا دااخل المنتدى .. أما خاارجه المنتدى سعد بن علوش .. والبقية تأتي ..

من يعجبك من شعراء المحاوره (( يكون يعني اعرفهم كلهم ))
ج / أنا بعد ماني متاابع جيد للمحاورة .. بس أحب شعر صيااف وحبيّب ..

هل تجيد شعر المحاورة والنقض والفتل وهل لديك محاورة ماتنساها كلش كلش
ج / انا بعدي تلميذ .. وتلميذ كسوووول على غير العادة ..



اختار 4 من الاعضاء تسافر وياهم وانت مغمض ومأمن ومستانس
ج / فهد البدااح .. سعد بن تويم .. سعود الغزواني .. ولد منجل ..


ماذا تقول لكل من

مديروووووووو وصنهات ويومخلد وبوواثق وبن تويم وناصر بن عبود وفهد البداح والنجم وولد منجل
ج / المدير / بيض الله وجهك ولاهنت ..
صنهاات / ليت كل النااس بطيبك ..
ابومخلد / فارس هذا الزمان ..
ابوواثق / في الليلة الظلمااء يفتقد البدر ..
ابن تويم / هد اللعب ياصديقي اللدود ..
ناصر بن عبود / مهما سويت .. يبقى مكانك فوووووق ..
فهد البداح / لبى قلبه .. وكفى ..
النجم / عسااك في الوجود ياكحيلان ..
ولد منجل / لك من الحلوى لبّهاا <<<<<<<<<<<<<<<<اتحدى أي واحد يفهم غيره ..



لنفترض ان صارت بينك وبين واحد من ربعك محاثه ما علي الماسنجر
وقام خويك وارسل المحادثه بحذافيرها لشخص اخر
شنو موقفك ؟ وجه يبتسم بنذاله
ج / والله لو تحطين موااقف اربع ادواار .. مالي أي موقف معهم .. لأنهم ياما سووهاا .. وخصوصاا راعي الجوااز الدبلوماسي ..


برايفت الجفول / رديت على مشااركة مرتين اوكي .. بس الأسئلة اللي طنشت وش هي ؟

..,,,,..

[فايز بن حمود]

السلام عليكم

وعليكم السلااااام ... هلااااااااااوغلاااااااااااا


طالما محد سأل


ان شاء الله ما تتضايق من أسئلتي وسامحنا فايز

اسألي زي ماتحبين .. لايردك الا الكيبورد ..

هل تحب السفر؟
ج / من أجمل الهواياات .. أكيد أحبه ..

ما رأيك بالوحدة هل هي حاجة ام فرض تفرض علينا ؟
ج / قد تكون حااجة وقد تكون فرض .. حسب المسوغاات لهاا .. وياماا احتجناا لهاا كثييير ..


تعتقد ماهي اكثر المواقف التى تغير بشخصية الانسان ؟وممكن اتغير من مسار حياته؟
ج / موااقف الحيااة والموت .. او صدماات الأحباب .. من وجهة نظري <<<<<<<أتمنى إني فهمت السؤال ..



ماهو الأجمل فى المرأة باعتقادك ؟
ج / الروح والفكر ..

هل تؤمن ان باستطاعة المرأة ان تربي لوحدها شباب قادر وناجح ؟
ج / وراء كل رجل عظيم .. امرأة .. وبيت شوقي معرووف ..


بكل صراحة ما رأيك بالجيل الحالي ؟
ج / فيهم الخير .. ولكن سواادهم الأعظم غير مباالي .. ولايمكننا أن ننكر وجود شباب أكفاء يأدون مطاالب حيااتهم بكل جهد ..




الله يعطيك العافية


لاعدمناك والله


الله يعافيك .. مرورك وتوااجدك يهمني ..


..,,,,..

[فايز بن حمود]

السلام عليكم

وعليكم السلام ..

هههههههههههههههه
ههههههههههههههه


احلف لامشكله

هههههههههههههههههههههههههه وش السالفة ؟


قول لي ,,, شنهي مواصفات فتاه احلامك
خلنا من الدين والشكل لانها بديهيات
نبغي المواصفات الاخري
ج / تحااول أهم شي تفهمني .. وتكون روحها حلوة وثقاافتها لابأس بهاا ..

كم مره تزوجت ؟؟ فيه مصادر تقول اكثر من مره
ج / هههههههههههههههههههههههههه لاتعليق ..

وطالما ان ناصر هو اللي يبتدي في الحشش والعقره
تقدر تقول لنا سالفه حشيتوا فيها في خلق الله وشلون ابتدى ناصر بهذي السوالف
ومن اكثر واحد في المنتدي تعرض للحش من جانبكم
ج / يوووووووووووه كثير والله ياالجفوول .. .. وأكثر واحد ماأقدر احدد لك لأنا كل يوم والثااني طايرين بوااحد ..
على فكرة آخر هالسواالف كلمته اليوم وحشيناا في سعد بن تويم .. قلنا كل شي طرى على بالناا .. بعدين دقيت على سعد وقلت له ان نااصر يتكلم فيك ويقول كذا وكذا وكذا .. صار نااصر دااق عليه قبلي ومورطني ..


راجعين

حياااااااااااااااك

[فايز بن حمود]

سيم سيم ابوهدب
احمد ربك اني الدي سيل منتهي اشتراكه ولا بعد جاء خميس وجمعه الناس مقفله والمقهى مامن مزاجه فيه

((هذا من فضل ربي))

[فايز بن حمود]

السلام عليكم ..اولا اهلا بك اخوي الهاجري واخوي فايز بن حمود ..
وعليكم السلاام .. وياهلابك نياابة عن الهااجري واصالة عن نفسي <<<<<<<<<شف الحكي الذرب ياالهاجري
الاسئلة :

1-ماهو النادي المفضل لديك ؟؟
ج / الهلال .. برشلونة ..
2-من افضل الاعضاء عندك ؟؟
ج / الأعضااء المتميزين كثير والله وكلهم فيهم الخير والبركة ..
3-من هو شاعرك المفضل ؟؟
ج / سعد بن علوش ..
,,وشكرا,,
،،عفوا والشكر لك،،

..,,,,..

[الهاجري]

السلالالالالالالالالالالالالالام عليكم

بدا العد التنازلي لأنهاء هذا اللقاء الأجمل من الرائع بكل معاني الجمال والصدق
ايام مرت كمرور الدقائق

شخص فرض احترامه على الجميع بالطيب بالقوره بكيفكم اختاروا مايحلوا لكم
يكفينا التعلم من لباقته وبريق رونقه ودبلوماسيته بالردود وعمق شفافيته :)

اخونا وحبيبنا الاستاذ فايز بن حمود
طالبك ماتقول فيني شي :D
لكن ماراح نخليها لكل من كثر بالاسئله وتعبك عاد انت اشر وبس :)


راح الوقت الان لذلك نقول وعلى بركة الله

تتوقف الاسئله والف شكر لمشرفنا الرائع وولكن لازم تخلص باقي الاسئله طال عمرك :D
اي سؤال بعد ردي يعتبر لاقي وانت ابوها وسمها يعني على كيفك

شاكر لك طولت بالك ورحابت صدرك



الهـــــــــــــاجري

[الجفول]

السلام عليكم
نحط كم سؤال قبل الوداع ولا خلاص ؟؟
لاخلا ولاعدم

[فايز بن حمود]

ابوحمود



اخبارك




الله يعينك



وبكون ضيف خفيف ظل



وبقول




الله يعينك


ياهلا ابوحضرم



الله يعين الجميع ..


مرورك لحااله يكفي ..


..,,,,..

[فايز بن حمود]

من اللي محتاج لقلب سعد الفارس اكثر منك
ج / اسأليه .. أنا ماأحب اعلّم ..

ليش انت اصلا غايب من يوم مابينت
ج / كنت ناايم <<<<<<<<<<اتحداها تكذّبه ..

وشنو تقصد بالقفله اللي فيها ناصر بن عبود
ج / شاااااااااااايب .. وحااقد على الجينز:) ..

من راح معك مصر اخر مره
ج / مـ شـ عـ ـل وأنا .. وواحد مارااح اقول اسمه ..

من اخر شخص اضفته للماسنجر من الاعضاء واخر شخص حذفته (( لاتقول ماعندي تري كل شي مثبت زمدون ))
ج / هو شخص واحد يوم احذفه ويم اضيفه .. ناصر بن عبود .. الا تعالي (زمدون) هذي ديرة ..:)



......

[فايز بن حمود]

يوم صار مافيها زعل
ماصدقت على الله ..
استلم
اسلم ..
1-من هو اول شخص اطلق عليه اسم فايز ولماذا بكت امه عند تسميته
ج / مدري والله ماكنت موجود انا لو اعرف اقوووول على طووووول ..

2-وش هالحب الكبير للمعتصم،عشانه حرك الجيوش لنصرة امرأه
ج / تكفى ياسعد .. المر تستااهل تقوم عشاانها جيووووش .. بس المعتصم هو النخوة والنخوة هي المعتصم ..

3- متى تكون المعادله 1+1=3 معادله صحيحه
ج / في النخل وانا اخوك .. لايهمك كلام الأدباء والحكمااء ماروحنا فيها الا فلسفتهم ..

4-كيف تكون تخصص لغه عربيه وانت تقول انا ادرس الاجتماعيات
ج / هوفيه إيه ؟ منهو اللي راح المطعم وهو مامر الحلااق قبل لايعبي السياارة بنزين ..

5- ليش يرمز للسلام حمامه ولم يرمز لها بشيئ اخر مثلا بطه
ج / لأن الحمامة تذبحها بدون مايطلع لها صوت .. أما البطة فضيحة ..

5- الله يعنك على الجفول واسئلتها،تصدق اني اقرا اسئلتها لك واقول هذا انتقام الله والعالم،طيب وش السالفه بينكم.
ج / خل عنك الجفوول .. انت ليه كررت الخمسة :)

ونظراً لإنشغالي اتكفي
وانا بعد افتكي <<<<<<<<<شغل بدلياات


ياهلا بك والله ياسعد ..


..

[فايز بن حمود]

شنو علاقتك بسعد الفارس بالتفصيل الممل وشنو يقرب لك بالتفصيل الاكثر من ممل
ج / وش ساالفتك على التفصيل الممل .. وسعد وأنا أعضااء في منتديات قبيلة السهول .. يعني اعضاء من ابو وأم وحدة ..

اي من المعلقات تعجبك اكثر وشرايك في شعر عنتر العبسي خصوصا الوصف لما قال
ولقد ذكرتك والرماح نواهل مني .....
ج / معلقة عمرو بن كلثوم .. ألا هبي بصحنك فاصبحيناا ..
وعنترة أبدع في هالوصف .. ولكن كثير من النقااد استهجنوه على هالأبياات .. حين تذكر عبلة وهو في خضم الحرب وأنه ود تقبيل السيوف لأها ذكرته بثغرهاا .. يعني يبون يقولون باختصاار هاايط زيادة عن اللزوم ..


شنو النك اللي بتختاره لو ماسجلت باسمك
ج / سؤاال ذكي ياالجفول .. النك اللي مسجل فيه في منتدى ثااني بـاسم / اللــــــورد .. يالله من قدك ..

وراجعين عقب شوي

ههههههههههههههههههههههههههه راحت عليك

الهاجري بيك يقول خلااص ..


..

[فايز بن حمود]

يعطيك ربي العافيه



ومشكور على سعة صدرك






حبي وتقديري



ينت الدووحة .. الله يعافيك ..

انا شااكر لك مرورك وتوااجدك .. وتفااعلك معي ..


لاهنتي ..

[الجفول]

السلام عليكم

ماقصرت يافايز وشاكرين لك سعه صدرك وصبرك علي الاسئله
واسمح لنا ان كان زودنا الكيله ونلتقي بك في الجزء الثاني عما قريب


لاخلا ولاعدم

[ريم العرب]

فايز بن حمود ...صادووووووووووووووووووووه


السؤال الأول ..من هو اقرب صديق إلى قلبك؟؟؟؟؟؟؟؟


السؤال الثاني ..هل انت بطبعك عصبي؟؟؟

السؤال الثالث ..كم ساعة تتواجد بالمنتدى ..؟؟؟؟

السؤال الرابع ...هل انت متزوج؟؟؟؟ عاد عشان البنات يستأنسن..

السؤال الخامس مديرو من يومين أو ثلاث حط صور فريق المنتدى ( الجنود المجهولين ) هل انت منهم؟ واي واحد بالضبط ؟؟؟؟مانبي انتحال شخصيات حد....نياههههههههههه

السؤال السادس..ماهو المثل اللي وجدته يتطابق مع شخصيتك والظروف اللي مريتها بها؟؟؟؟؟

خلص الامتحان ... انتظر الاجوبة ...مدة الاجابة 30 ثانية

والله رديت لأيام التدريس الله يامحلاها من ايام...

[الجفول]

السلام عليكم

جيتي في الوقت الضايع
الهاجري اعلن ايقاف الاسئله الا اذا فايز بيوافق ويجاوب


لاخلا ولاعدم

[ريم العرب]

وانا كل ماجيت لموضوع سكرتوه ...
مالي عيدوه من اول ويديد...

[مشاعر]

السلام عليكم









تسلم روحك يافايز

وماقصرت الله يعطيك العافيه


شكرا على سعة صدرك

وشكرا على طولت بالك






لاعدمناك والله :)

[فايز بن حمود]

السلالالالالالالالالالالالالالام عليكم
بدا العد التنازلي لأنهاء هذا اللقاء الأجمل من الرائع بكل معاني الجمال والصدق
ايام مرت كمرور الدقائق
شخص فرض احترامه على الجميع بالطيب بالقوره بكيفكم اختاروا مايحلوا لكم
يكفينا التعلم من لباقته وبريق رونقه ودبلوماسيته بالردود وعمق شفافيته :)
اخونا وحبيبنا الاستاذ فايز بن حمود
طالبك ماتقول فيني شي :D
لكن ماراح نخليها لكل من كثر بالاسئله وتعبك عاد انت اشر وبس :)
راح الوقت الان لذلك نقول وعلى بركة الله
تتوقف الاسئله والف شكر لمشرفنا الرائع وولكن لازم تخلص باقي الاسئله طال عمرك :D
اي سؤال بعد ردي يعتبر لاقي وانت ابوها وسمها يعني على كيفك
شاكر لك طولت بالك ورحابت صدرك
الهـــــــــــــاجري


الهااجري ..

شاكر لك الإطرااء .. لاهنت وبيض الله وجهك ..

وبالعكس .. كان لي الشرف في هذا اللقااء ..

وأرجو إني أجبت على الأسئلة بالأجوبة اللائقة .. والتي تشفي من سأل ..

وابشر طاال عمرك .. بارد على الأسئلة ..

وللمرة المليووون بيض الله وجهك ولاهنت ..

والشكر موصول أيضاا لكل من مر من هناا ..


لاهنتوووووووووااا كلكم ..


..

...

[فايز بن حمود]

السلام عليكم
نحط كم سؤال قبل الوداع ولا خلاص ؟؟
لاخلا ولاعدم


راحت عليييييييييك ..

..