محاوره مع سمو الامير

[الشهامي]

السلام عليكم وأتشرف بانضمامي لهذا المنتدى الغالي واسمحوا لي أن أبدأها بهذه المحاوره مع أي من الاخوان :



قبل الكلام نقول ياقوم السلام
سلام صافي مثل همال المطر
وبعده ترى الموضوع موضوع كبير
ومسيلمه كذاب ومحمد نبي


وين القبيل اللي على الطرقه همام
يجر صوته ياعسى دربه خضر
ترى معه موعد مع سمو أمير
ومسيلمه كذاب ومحمد نبي

[هواوي^^]

يامرحبا بك يا الشهامي واستلم طال عمرك :

بس خف علينا ترانا عليميه بالقلطه : ) وهقونا شعار القلطه خلوني بوجه المدفع : )

استلم يا الغالي :


يامرحبا يابن الرياجيل الكرام
من بعد مادقيت ناقوس الخطر
ومن السفاره جاك يا الطرقي سفير

ومسيلمه كذاب ومحمد نبي


ياصاحبي لاشفت في دربك زحام
نصيحتي يا الاجودي لاتستمر
ياكم اميرن طاح من ظهر البعير

ومسيلمه كذاب ومحمد نبي

مع ارق تحيه

[سعود السهلي]

الله الله

ايه يا مال الغنيمة

اثر شعار المحاورة واجد وحنا ندورهم ؟

متابعين لا عدمناكم

[الشهامي]

والبقا ياهواوي

استلم استلم


دام البقا ياللي ترحب بالكلام
ياللي علومك كلبوها تحتضر
ودامك هواوي لاتواصل في المسير
ومسيلمه كذاب ومحمد نبي


حنا أسود الغاب ولا نخشى الظلام
يومن ترى شرواك مايهرول شبر
وليا وقفنا نشهر السيف الشطير
ومسيلمه كذاب ومحمد نبي

[هواوي^^]

هلاااااااااا وغلاااااااااا بالمدير شرفت ونورت

اظاهر المشوار طويل : )

[هواوي^^]

هلاا يابن عبود ويابن تويم شرفتوو يا رفاقه

انتو وينكم الله يهديكم

تدرون يا الربع ان شفتوني توهقت طلو علي من فوق وغششوني هههههههههه

مع ارق تحيه

[ناصر حضرم العنقودي]

صح لسانكم

وينكم من زمان

متابع

[هواوي^^]

استلم يا الشهامي فديتك :

لد النظر تعرف رفيعين المقام
مايذبحك ياكود منهو تحتقر
قدمك ترا ياصاحبي بحرن غزير

ومسيلمه كذاب ومحمد نبي

وشلون صليت العشا بعد القيام؟
ياشينها لو كان هالمسلم كفر
لالاتعجل وانطر الحكم الاخير

ومسيلمه كذاب ومحمد نبي

مع ارق تحيه

[هواوي^^]

يامرحبااا يا العنقودي شرفتو يا الربع

بس اشرايكم فيني وانا صاير شاعر قلطه؟؟ : )

عساني ما اخلا من مروركم يا الربع

[الشهامي]

الاخوان الاعزاء بدون استثناء

أشكركم جدا على التشجيع والمؤازره وأسعدني جدا مروركم العطر.

استلم ياهواوي فداك اللاش:


مجهولتن هويتــّـك يابن الحشام
لها الحين مالك ياهواوي أي خبر
والبحر كله طرش وفي ريحه زفير
ومسيلمه كذاب ومحمد نبي


توّك شوي ويأصلك شهر الصيام
ماللمثل معنى ومن العشره صفر
الله يعينك لونحدد لك مصير
ومسيلمه كذاب ومحمد نبي

[هواوي^^]

ياسلااااااااااااااااااا ياسلاااااااام

استلم لا هنت,,,,,,,,,,,,,,,,,,,,,,, :

معرب الصوبين خوال وعمام....
معروفتن هويتي عند البشر....
حربي وفارس مير ماضر الضرير....

ومسيلمه كذاب ومحمد نبي

ماقد جذبني بالجمال الا السنام
وانته جمل لكن سنامك ماظهر!
في حالتك لازم نشير ونستشر

ومسيلمه كذاب ومحمد نبي


مع ارق تحيه

[هواوي^^]

يا الشهامي وينك ؟؟؟؟؟؟؟؟؟؟؟؟؟؟؟؟؟؟؟؟؟

حلاتها حار بحاااااااااااااااااااار

[هواوي^^]

هلااا وغلا يا رفاقه ابن تويم تقول ماسك صفي ورايح تشرب شاي الله يهداك اظاهر شانت النيه : )

[الشهامي]

يعطيكم العافيه يالصفووووووووووووووووف

ووينك وينك يهواووووووووووووي


وشفيك تكتب اسم في غير النظام
يومك من رجال المعرفه والنظر
باعلــّـم رجال الحروب انك غرير
ومسيلمه كذاب ومحمد نبي

لا من صملنا يالحريبي ماتنام
ودام ذي علومك لا تموت من القهر
أنا الطبيب وضعكم وضعن خطير
ومسيلمه كذاب ومحمد نبي

[هواوي^^]

هههههههههههههه الله يقطع ابليسك يا الشهامي

بس ماعليك ابفك نفسي : )

استلم لاهنت:

مرفوع راسي مايجي مثل النعام...
وانا بربعي باتنومس وافتخر...
وابن سعود احيان يكتب باسم غير..

ومسيلمه كذاب ومحمد نبي

قال المثل والطعن بالميت حرام
لكن عساك ان رحت عني تعتبر
ترى الصغيّر مايقارن بالكبير

ومسيلمه كذاب ومحمد نبي

[هواوي^^]

صــــــــــــــح لسااااااااااااانك يا الشهامي وعزالله انك ابدعت يا غلاي

ووصدقني والعالم الله اني ودي اكمل معك وماودي هالمحاوره تخلص وانت شاعر وعجبني لعبك
لكن مثل منت شايف انت وقتك غير وانا وقتي غير وانا الانترنت ماهو باي وقت دخلته

تقبل تحيتي وتقديري يا شااااااااااااااااااااااااااااااعر

[الشهامي]

هواوي : لاهنت على كل حال وماقصرت على الردود والمجاراه وسعدت بصحبتك يالغالي وأشكرك على نفسك الطويل وشاعريتك المتميزه وأستر ماواجهت وصح لسانك وأشكر الصفوف كذلك

وهذا بيت ختامي :

حصل لنا فرصه وعسانا مانلام
في منتدى قومن ودايم تنذكر
سهول لاعدوا هل الفعل الشهير
ومسيلمه كذاب ومحمد نبي

نبا نختــّمها على مسك الختام
وخانك ترى التعبير وعلينا الصبر
الله هو الكبير يالمعنى الفقير
ومسيلمه كذاب ومحمد نبي