ولد منجل تهور ياالربع :)

[فايز بن حمود]

من خلال خبرتي الاستخباراتية البسيطة ..

طحت لي على محاورة بينه وبين شاعر من شعراء المنتدى <<<<<<يمكن ناصر بن عبود :)

محاورة من النوع الثقيل .. جزالة في الألفاظ والتراكيب

إبداع وعمق في المعاني ..

العاطفة في ابياتهم جياشة وصادقة ..

طبعا ً هي لحظة صفاء ذهني عند ولد منجل وبلا فيها ابوجويعد نصير الشعراء الجدد

فأي واحد يبي يتعلم الشعر أو يجرب نفسه .. يجرب نفسه مع ناصر بن عبود .. راح يفيده كثير


المهم ماراح اطوّل عليكم ..

<<<<<<<بانقلها لكم مثل ماهي مكتوبة .. يعني أي خطأ إملائي أو غيره فهو منهم مهوب مني ..

هذي هي المحاورة وانتم الحكم /

ولد منجل

ياناصر بن عبود لاصرت شاعر=ودي انا ياخوك اصير مثلك
ذبحني النثري وكبت المشاعر=ياضيعتي اذا مشيتي متباريلك

ناصر بن عبود
ترجم أحاسيسك وكل المشاعر=وخلك على النثري وغازل خليلك
ترى طريق الشعر بالحيل واعر=وانته تماشي جيل ماهوب جيلك

ولد منجل
احساس ميت منتحر من نواعر=عطني من دروسك وعبي شليلك
خط مشيته لاتقول واعر=ابادخل الساحة ربي دخيلك

ناصر بن عبود
ماتصلح ألا عازبن في الأباعر=لاواحليلك ثم لاواحليلك
ترى الحضارم فاليمن والصياعر=وان جيتهم بالقات عبّوا شليلك

ولد منجل
ياعزوتي وشلي ويّا المساعر=ناصيك انا ادور سبيلك
لاتعتذر وانت ياخوك شاعر=لاصار بحر الشعر عندك باجيلك


والعذر والسموحة ياالربع



لاهنتوا


..

[نوارة القلب]

يا مجججججججرم يافايز من وين طحت على هالمحاوره



صح الله لسانهم مليااااااااار ولاهنت

أعتقد أن كلمة صح لسانهم التقليدية لا تفي حقهم و لكن دائم قصورنا معهم يقابله جميل كرمهم


تحياااااااااااااااااااااااتي لك يامجرم

[بنت الحرم]

صح لسان شعراء المنتدى .. محاورة مسكته ..

وأحلى شئ هالبيت فيه كلمة "المساعر " .. أحس إنها راكبة ..:)

هههههههههههههههه


ياعزوتي وشلي ويّا المساعر=ناصيك انا ادور سبيلك
لاتعتذر وانت ياخوك شاعر=لاصار بحر الشعر عندك باجيلك

تسلم أخوي فايز على نقلك الإستخباري ..

لا عدمناك

[الجفول]

السلام عليكم

ياسلام ياسلام

الظاهر رمضان سوا شغل وحول النثرررررررررر الي قصيد

ماشاء الله الظاهر بينضم لشعراء المحاوره مواهب جديده


صح الله لسانهم جميع وتسلم علي هالدره يافايز

لاخلا ولاعدم

[السكبـــــه]

والله انك ماتلعب يافايز اثر عندك استخبارات خطييره

بس والله شعر ولد منجل زين وماعليه يهههههبل والله رحمته ههههههههههههههههههههه لكن محااولته حلللوه مررره<<كل كلامي عاااامي مئه بالمئه اتمنى مره اتكلم كلام زين هههههه

مشكووووووووور يافايز ولاتنسى تجيب لنا كل ماسمحت لك الفرصه

تحيتي,,,

[النجم الهاوي]

ابوتس يامحاوره

صح الله لسااااانك يابوناصر عز الله انك فلته ولاعليك من الحتسي

وصح الله لسان شاعرنا الكبير ابوجويعد



تصدق يابوحمود هالمحاوره لقيتها في جوال واحد من العياااااااال منتشره

ووصلت عندنا بالشرقيه

بس ماقلتي من وين ماخذها ،،، لايكون وانت رايح مع نزله القديه

[فهد البداح]

ابك ابك ابك ابك


وش وش وش

وشهالزين

محاورة مره وحده يابو ناصر


عزالله صح لساااااانك

ولسان ابو جويعد



ونبي محاورات جديده


ومواوييل

وازهلوا الصفوف

[سعد الشمالي]

يعطيك العافيه اخوي فايز

وصح الله لسااااانك يابوناصر

وصح الله لسان ابو جويعد

[سيسيليا]

صح لسان ولد منجل وناصر ويااخوي فايز لا توقف اعمالك الاستخباراتيه الظاهر عندك علوم ...
يعطيك العافية

[ريم العرب]

الله يازين المحاورة بين ولد منجل وناصر

بس انت شرير يافايز لايكون تشتغل بالمخابرات ...كيف توصلت للمحاورة

صراحة الجماعة مسكتين وصح الله السنتهم وابدانهم من كل شر

وعاد انا بسوي محاورة خخخخخخخخخخخخخخ بيني وبين الجفول ها وش قلت يالجفول ندخل عرض ونقصد
خخخخخخخخخخخخ اعرف اعرف شطحت ونطحت بس انا اصلا محضرة لكم مفاجاة بعد العيد بيومين انتظروها وماراح اقول اي شيء عنها لين حزتها

[احلام بردقانيه]

صح لسانك ياولد منجل وناصر

ومشكور يالخقاقا على النقل

وننتظر جديدك يالاستخباري
لاهنت ياابو حمود

[تفاحة القلب]

حركـــــــــــــــات ...




اما انت يالمراقب !!

ما غلطوا ...


الشخص المناسب للمكان المناسب ...

[ذربة المعاني]

و أنا أقول فايز بن حمود مش هين عييتوا تسمعوني


ظهر راعي إستخبارات و N.Y.P.D هاه يا حبك للفضايح



إلا أقول الصراحه ولد منجل شي شي في الشعر حتى المساعر يا حلاتها منه :sv19:




بس يباله تمرس و تضبيط للقافيه شوي و بيصير شاعر مخضرم...."خورها على إلي ما يعرف:sv19: :sv19: "




تحياتي يا راعي الإستخبارات

[حمد الشمالي]

يعطيك العافيه اخوي فايز

وصح الله لسااااانك يابوناصر

[محمد بن تركي]

ماقصرت يالغالي