المساعد الشخصي الرقمي

مشاهدة النسخة كاملة : ابيها بنت مختلفة

السلطانه
02-01-2003, 12:42 AM
ابيها بنت مختلفه ابيها غـــير كل النــــــاس
وابي كل البشر خلفه تلاحقها وتناظــــــــرها

ابيها عقد من فضه وابيها عقد من الماس
وابي غالي الذهب يبرق يحلي كل اساورهـــا

ابيها وسم في صدري وابيها رسم عالكراس
وابي تكتب حروف اسمي بصفحه من دفاتـــرها

ابيها وقت فعل الشر تكون لعقلي الوسواس
وابيها وقت فعل الخير هي اللي بس اشاورها

ابيها تضمني بالحيل وعلى صدري تحط الراس
وابيها وسط ذاك الليل نجومي اللي اسامرهــا

ابيها صوت يطربني يذكرني بصدى الاجراس
وابيها كل لحظاتي .. من اولها لاخرهــــــــــــا

ابيها اطهر العالم بعمره ما وطا الادنــــــاس
وابي تقهر جميع الناس ولابه شي يقهرهــــــــا

ابيها دوم مبسوطه ابيها ماتشوف البــــــاس
ابيها تكون لي ورده تعطرني واعطرهــــــــــا

ابي تسكن وسط روحي ابيها اقرب من الانفاس
وابي من غير ماتامر انفذ كل اوامرهـــــــــــــا

ابيها قصر في قلبي ابي ضلوعي تكون الساس
وابي تفرش قصر حبي بلحظه من مشـــاعرها

ابيها تكون خاطرتي ابيها تكون لي احســـــاس
وابي انا الوحيد اللي تحبه في خواطـــــــــــرها

ابيها تموت في نزفي .. تحبه حب بدون قيـــاس
وابي لامن قرت شعري تضيع بحب شاعــرها











وصلنى عبر الايميل
مشاعر
02-01-2003, 01:25 AM
جميلة جميله


الي كاتبها عنده كل احساس

ابيها وقت فعل الشر تكون لعقلي الوسواس
وابيها وقت فعل الخير هي اللي بس اشاورها


خيال واسع بس جميل حتى فى فعل الشر;)


ابيها تموت في نزفي .. تحبه حب بدون قيـــاس
وابي لامن قرت شعري تضيع بحب شاعــرها

رائعه

لاهنتىسلطانه مشكوره والله:)
الجفول
02-01-2003, 12:33 PM
السلام عليكم



هلا خالتي السلطانه


والله شي هالرجال;)

طالب له وحده فل اوبشن:cool:



ابي تسكن وسط روحي ابيها اقرب من الانفاس
وابي من غير ماتامر انفذ كل اوامرهـــــــــــــا


اخ وين نحصل واحد هلون|3|



ابيها وقت فعل الشر تكون لعقلي الوسواس
وابيها وقت فعل الخير هي اللي بس اشاورها


علي فكره هالبيت انقال فيني;)



ابيها تضمني بالحيل وعلى صدري تحط الراس
وابيها وسط ذاك الليل نجومي اللي اسامرهــا



ياسلام ياسلام علي الرومانسيه



ابيها تكون خاطرتي ابيها تكون لي احســـــاس
وابي انا الوحيد اللي تحبه في خواطـــــــــــرها


ايه والله انه عز المطلوب




خالتي شالكلام الخطير:confused:




تسلميييييييييييييييييييييييييييييييين


لا خلا ولاعدم
فهاد السهلي
02-01-2003, 10:31 PM
شكرا يالسلطانة


ابيات رائعة.........


بس ماخلا شي..........


ماتشوفين ان طلباته صعب تحقيقها ....


وانه طماع ويحب نفسه كثير.........


مشكورة الله يطول عمرك على الخير ......
السلطانه
03-01-2003, 01:45 AM
بارك اللة فيكم
واشرك لكم مروركم
الغالى ابن هملان
معك حق طلباتة شوى صعبة
بس هذا الحب ومايسوى
يحبها ويبيها تحبة وتبادلة نفس الشعور
زمعك حق انة انانى فى بعض الامور
ويعافيك يالغالى
طالب
21-01-2003, 12:44 PM
Thanks Al-Sultanah


ابي تسكن وسط روحي ابيها اقرب من الانفاس
وابي من غير ماتامر انفذ كل اوامرهـــــــــــــا

بيروح وطي إن نفذ كا اوامرها.

ولو نفذ بكرة تقول لة ماسويت شئ.
الدانة العجمى
21-01-2003, 01:04 PM
ههههههههههههههه

حلوة سلطانة


ابى واحد نفسة
ينفذ بدون مااتكلم


وان مانفذ ياويلة
هههههههههههه

عشتى يالغالية
نقل حلو
سلمان
22-01-2003, 12:32 AM
اختي السلطانه
السلام عليكم ورحمة الله وبركاته
ياليت نعرف الشاعر اللي هذي مواصفاته لانه في الحقيقه محتاج معجزه وطموحه الجنه مهوب لان البنات عندنا شينات والا مالهن مواصفات الانوثه لكن ياخيتي هالمواصفات تحتاج تجميع من كل مكان قطعه المهم اذا هذي مواصفاته ماظنتي بيعرس الا ان كان من حوريه
ابو مخلد
مجمش
22-01-2003, 02:00 AM
السلطانة


قصيده حلوة من انسان ذوق(راعي القصيده)


ابيها دوم مبسوطه ابيها ماتشوف البــــــاس
ابيها تكون لي ورده تعطرني واعطرهــــــــــا

ابي تسكن وسط روحي ابيها اقرب من الانفاس
وابي من غير ماتامر انفذ كل اوامرهـــــــــــــا



سؤال: هل سينفذ هذا الرجل ماقاله اذا وجد هذه البنت المعجزة؟


جواب: ماظنيته



بارك الله فيك وفي اطروحاتك المميزة


اخوك /

مجمش
سعد الخبيش
23-01-2003, 02:07 AM
اختي العزيزه سلطانه

لالقيتيها جعلك تحيين علميني انا بعد ابي هالمواصفات

والله لو ينقز ويطير للثرياء فوق ماشاف خلقتها هذا متبقط ويتدلل

الله يطول عمرك ياسلطانتنا على مشاركتك الرائعه

وانتي ماتجيبين الا الرائع

لاخلا ولاعدم ياسلطانه