نـــسع الرقــــاب [الأرشيف] - منتديات قبيلة السهول

الجفول

11-05-2003, 10:36 PM

السلام عليكم

قالت ام هاشم السلوليه ( ماذكر الناس مذكور خير من الابل .... ان حملت اثقلت وان مشت ابعدت وان نحرت اشبعت وان حلبت اروت )

والبدو يقولون .. ديدها صميل وظهرها مقيل وبولها مشوط وبعرها وقود وتبعدك عن مبغض وحسود

مسميات لاابل حسب الوانها :

الوضحا وفيها درجات مثل البهقا والشقحا
وهناك ايضا المجاهيم والصفر والملح والزرق والحمر والشعل

مسميات الابل حسب العمر ...

الحوار ثم المخلول ثم المفرود ثم اللقي ثم الجذع ثم الثني ثم الرباع ثم السدس ثم الفطر ثم المخلف ثم العوز ثم التلب
اخر شي الهرش لما يتجاوز ال20 سنه ويبدا في الشيخوخه

فيه بعد الدهايا وهي الحوار الهزيل
الحاشي وهو المفرود الكبير

اما الاستعمال فواضح من بعض المسميات مثل :

الركايب , الذلول , المطيه , الراحله , اليعملات والمعاويد وغيرها

وجماعات الابل يسمونها ذود اذا كانت بين الثلاثه والعشره
وصرمه لغايه الاربعين
وهجمه اذا قاربت ال100
وبين الهجمه والذود هناك الشول
واللي يزيد عن 100يسمونه الجهام

توصف الابل بصفات مدييح وثناء او صفات جسمانيه فتسمي بالاتي :

فرق البراطم , عوج العراقيب , عطايا الله , حلوات اللبن , نسع الرقاب , معجرمات المواخير , طوال الخطي وغيرها

للبدو طريقه في العنايه بالحوار الوليد وتنظيم عمليه الرضاعه بحيث يكون لاصحاب الابل نصيبمن حليبها حتي ولو مات وليدها
هالطريقه تسمي ( البو ) وهي دميه من جلد الحوار الميت ويحشونها قش ويقربونها من الام عشان تظن ان الدميه وليدها:D .... ( خطيرين البدو )

اتمني الموضوع يعجبكم واي خطا في المعلومات اعتذر عنه لاني ما اعرف عن الابل الكثير
سالوا سعد الخبيش وهو يعلمكم بصحه المعلومات او لا:D

لا خلا ولاعدم

فهاد السهلي

11-05-2003, 11:31 PM

الجفول

مساك الله بالخير

مشكوره على الموضوع الرائع عن عطايا الله

معلوماتك جميلة .. وماعليها غبار ..

الله يعطيك العافية

تقبلي خالص الاماني اخوك

سيف النواش

12-05-2003, 12:26 AM

والله حيرتينا يالجفول ؟؟؟؟؟

الشعر . والبداوة . والفروسية . والاسلحه . والادب . والتاريخ . والسياسة . وفلة الحجاج والوناسة . والالغاز ...........

مشاء الله ( لاتقولين عطاني عين )

مبدعه والله ومحبوبة للكل ..

ناصر بن دغيم

12-05-2003, 01:24 AM

السلام عليكم ورحمة الله وبركاته
مساكم الله بالخير
هلاوغلابك عساك بخير
وشلونك يالجفول اللي تحب الابل والسلاح والخيول:D
بشرينا عن الوالد عساه بخير والله يعافيه من كل مكروه

تشكرين على الموضوع الرايع
صراحه مبدعه
معلومات مفيده

واحب اضيف بعض المعلومات
في الالوان

هناك البردقانيه وام لونين اسود والرجلين بيض:D

الجفول

12-05-2003, 04:06 PM

السلام عليكم

هلا بك فهاد

نور الموضوع بوجودك:)

اهم شي ان المعلومات صحيحه ولا عليها غبار
شاكره لك يالغالي

لا خلا ولاعدم

النجم الهاوي

12-05-2003, 09:03 PM

اللــه يعطيك العافيه اختي الجفول على هذه المعلومات

واحب اضيف،،،،

ان افضل الاوقات لرعي الابل عند البدو هي وقت الصبح الباكر

ويسمى عندهم مضحى ،،

اما اهم العشب اللتى ترعاها عطايا اللـــه الرمث والنفل والعرفج

والغضى والشلوه ،،

اتمنى ان وفقت في تقديم بعض هذه المعلومات

والله لايهينك يالجفول

)(الخالدي)(

12-05-2003, 10:14 PM

مشكوره اختي الجفول

على هذا الموضوع المميز

والله يعطيكي العافيه

الجفول

12-05-2003, 10:51 PM

السلام عليكم

ههلا بك يا سيف النواش

الا الالغاز يا خوي.... مالي فيها ابد

مابقول انك بتنضلني ( خمسه وخميسه ):D
شاكره لك تواصلك وماقصرت

لا خلا ولاعدم

سعد الخبيش

13-05-2003, 02:49 AM

يامرحبا والله ياراعية البكار المجاهيم
مرحبا والله بريح البدواه والاصاله وراعيتها ياجعلك تسلمين يالجفول والله
انتي ابدعتي ابداع ابداع يازينه من ابداع
يقول الشاعر

البل يازينة الكـــــــــرى
كمٍ عليل توديّـــــــــــــه

يازين عشبه اليا اخضرى
والبل ترعى بمفالـــــيه

اليوم ياظبينا مغيّر المسير على الذود وانواعه عز الله انك ماقصرتي
وبيض الله وجهك وراح اوجه لك خطاب شكر لكن باقي بعد موضوع ان جبتيه
نشرنا لك البيضاء عندنا يالنشميّه الا وهو الطيور الحرار وانواعها
تكلمتي عن الخيل وهالحين الابل باقي الطيور تمي جميلك يالكحيله ;)

الجفول

13-05-2003, 10:49 AM

السلام عليكم

هلا سنان الموت
شلونك وعساك بخير

الوالد تعبان واجد وحالته خطيره

ادعي له يا خوي

وشلونك يالجفول اللي تحب الابل والسلاح والخيول

حلوه واجد وعجبتني:p

شاكره لك تواصلك وماقصرت

الا بقول لك... صحيح اللي لته عن الالوان؟؟
اول مره اسمع عن هالش
لاتكون تقص علي بس:eek:

لا خلا ولاعدم

السلطانه

13-05-2003, 01:46 PM

السلام عليكم

شلونك ياغاليه

خالتوووووووووو

يعافيك عالموضوع الحلو

وابي دايم مايسمي الابل الا عطايا الله

وعلى قولك البو اللي يسونه دميه

انا طالعتهم مره شلون يسون هالشي

يضيرون الناقه

مره عند خوالي ماتت ناقه وقعد حوارها

ومات حوار وحده من النوق

عاد يبونها تحن عليه وترضعه

قامو سوا لها تضير :rolleyes:

وسبحان الله والفت هالرضيع:D

وصار كنه ولدها

بس شنو فيه شغلات مااعجبتني ماتصوين شكثر عذوبوا الناقه لين والفت الرضيع

سوو لها عمليه ولاده وهميه :p

ههههههههههههههههههه

مشكوره ياخالتو عالمعلومات الرائعه

الجفول

13-05-2003, 10:38 PM

السلام عليكم

هلا بك النجم الهاوي

تسلم علي الاضافه اللي اثرت الموضوع

شاكره لك تواصلك يا خوي

لا خلا ولاعدم

الجفول

13-05-2003, 10:55 PM

السلام عليكم

شاكره لك يا الخالدي تواصلك

الله يعافيك يا خوي

لا خلا ولاعدم

الجفول

14-05-2003, 12:25 PM

السلام عليكم

هلا والله بسعد

شاكره لك تواصلك وتشجيعك

وابشر من عيوني
الموضوع القادم عن الطيور الحرار وانواعها

انا عندي شويه معلومات عنها وبنزيد عليها من سوالف ربعنا;)

تامر امر يا سعد

تسلم يا خوي

لا خلا ولاعدم

زيزوم

29-03-2005, 05:24 PM

الاخت الجفووووووووول

شكرا للموضوع الجميل

الجفول

29-03-2005, 11:00 PM

السلام عليكم

شكرا يازيزوم لاحيائك مواضيعي القديمه

ماقصرت

لاخلا لواعدم

ابو هـدب

30-03-2005, 01:30 AM

الله حييها راعية الابل

انشهد انها عطايا الله

وامنيتي الوحيده في هالحياة

ان يكون عندي ذود من اصايل الابل

تسد مذر الشمس

والله لاعطيها حقها وزود

لاكن يكرهني الابل شي واحد بس

الا وهو بنو صليب اللي صافين بخلفاتهم على

الخطوط السريعه ويبيعون حليبها

جعل من خذا ريال واحد قيمة رشفة حليب من ناقه

تحرقه

شاكرلك الجفول على هالمعلومات الطيبه

مشاعر

30-03-2005, 04:18 PM

السلام عليكم ورحمة الله وبركاته

الله.........زيزوم والله انك ذكرتنا

ربي يرجع الغايبين امين
اعتقد الجفول هم عندج موضوع ثانى عن الابل بس هذاك مختص بس بوصفهم
والله اعلم اذا ماخانتني الذاكره

تسلمين والله

مشكور زويزوم وماقصرت

لاعدمناكم:)

الجفول

30-03-2005, 04:32 PM

السلام عليكم

هلا بوهدب

الله يعافيك ويبقيك

وان شاء الله ربي يعطيك ماتتمني قريييييييييييب

لاخلا لواعدم

الجفول

30-03-2005, 10:23 PM

السلام عليكم

شفتي يامشاعر

زيزوم بيذكرنا ان احنا صار لنا زمااااااااااااااااان في المنتدي

هههههههههههه

والله مومتذكره الموضوع اللي قلتيه

وااااااااااجد مواضيع من وين بجيب ذاكره

شاكره لك وماقصرتي

لاخلا لواعدم

ناصر حضرم العنقودي

31-03-2005, 01:28 AM

شكراً لك اختي الكريمة على هذا المشاركة

اختي العزيزة

الجفوووووووووووووووول

لاهنتي على هذا الموضوع

المتميز

ابو هـدب

31-03-2005, 11:47 AM

انا استغربت الموضوع من جد

وا انتبهت للتواريخ

سنان الموت صار ناصر بن دغيم

والسلطانه قاطعه المنتدى من مده طويييييييييله

الجفول تعرفين عنها شي

عسى ماتكون تعبانه ولا صارلها شي طمنينا

الجفول

31-03-2005, 02:24 PM

السلاام عليكم

هلا ناصر

شاكره لك وماقصرت

لاخلا لواعدم

الجفول

31-03-2005, 02:33 PM

السلام عليكم

شفت يابوهدب ان مافي شي يتم علي حاله

اما بخصوص السلطانه فاحب اقول للك انها تزوجت عقبالك

لاخلا لواعدم