حنا ذبحنا الروم في عصر الأهوال / فهاد بن صهدة

[سعود السهلي]

قصيدة للشاعر : فهاد بن محمد بن صهده السهلي




القاف مهره وبادع القاف خَيال=وأهجوسه الكرباج أليا امتطاها
ومغزاه فيها ما طرى له على البال=اما خذوه القوم والا خذاها
واليوم مسرجها وأبرقابها عال=وفي عالي القمه لزوم اتباها
ما دامها تمجيد لأفعال الأبطال=حلفت لاأتعبها وأبين خفاها
حنا هل الطالات وافين الافعال=في صفحة التاريخ كلن قراها
أهل المحاجي والمبادي لنا فال=كعام المعادي عز منهو نخاها
حنا ذبحنا الروم في عصر الاهوال=جنود الفرنجي طَحنو في رحاها
حنا السهول اللي لنا ترجح اثقال=حنا السهول امكرمة من نصاها
منا مناحي(1) للكرم بيَد المال=صروح الكرم والطيب شيد بناها
وقافه مخلد تحفظه كل الاجيال=وعزي لمن شابت كذيا لحاها
ومنا مهنا (2) يذكر اسمه بالامثال=بعيد المغازي والصعايب هواها
وماجد ابن معدل(3) بالاقفا والاقبال=طويق للطوقي فعوله حكاها
وعرهان(4) راع الخيل خيله كالاجوال=راع الاصايل يقتلع لا بغاها
وذعذاع( 5) يذكر بالمغازي ليا صال=فوقه تحوم طيور ترقب عشاها
وخزيم(6) اللي لا ذكر شرب فنجال=يشرب فناجيل الشيوخ ابحماها
وحمود ابن جلعود(7) للمجد يختال=جزل الفعول النادرات اصطفاها
وناصر(8) صليب الراي بقوله ليا قال=مثل النجوم اللي يقدي سناها
وداهم(9) عذاب القوم وأفعاله أجزال=كسب بها العفار سمعه وجاها
وضويحي(10) اللي يعدل السرب لا مال=يوم السبيه فاز منهو سباها
والكرك(11) محسن في نحر كل من عال=يشفي كبودٍ صعب تلقى دواها
وهذي ترا نبذه بسيطه ولا زال=ذكر الزحول اللي يذري ذراها
والعذر هذا ما طرالي على البال=واللي بقى له شان وفيه انتباها




القصيدة شاركنا بها العضو dndoon على هذا الرابط (http://alsuhol.com/vb/showthread.php?t=53147)