سعود السهلي
08-06-2008, 10:40 PM
لك الله يا عينٍ طواها سهر وسهاد = وكبدٍ لها حول أربع سنين مكلومه
تَعاقب صوادر ليل حزني مع الورّاد = تلاوح مهاديفي مع الليل وقدومه
ليالي عساها ماتكرر ولا تنعاد = جلا سودها اللي زيّن الكون بنجومه
فرجها الاله بحكمته يوم أحَب وراد = على يد كريمٍ قام ياطيبها قومه
سلايل معزي مورث العز والامجاد = نصير الضعيف اللي بجهله دنا يومه
تقدم لها سلمان وانفكّت الاصفاد = بعد ما يأست وقلت الاقدار محتومه
وجاهة طويل العمر تمشي بكل بلاد = ياكم نفسٍ أعتقها وكم خلّص خصومه
تشوف الدريك لساحة العدل مرّ يقاد = يقينه نهاية رحلة العمر محسومه
ولكن متِن سلمان شايل هموم عباد = يحرّر وثاق القيد ويفرّج همومه
ويعلن خلاصه بعد ما قرّب الميعاد = وبدّل كفن قبره وغطّاه بهدومه
هذا سيدي سلمان حلال كل اعقاد = ذرى نجد وحزامه وحصنه وزيزومه
وانا اقرا ملامح وجهه الاصبح المعتاد = تذكرت يوم اقرا من المجد منظومه
جذب سيدي سلمان جدٍ من الاجداد = راعي الاجرب اللي يرفع الراس بعلومه
ولا أنساك يا سلطان يا رايد الروّاد = يا شبلٍ خذا من طيب سلمان وعزومه
سعيت بلزوم اللي صرخ يطلب استنجاد = وطمّنت قلب اللي من الهم مضيومه
وبعد كان سيف الشرع والموت بالمرصاد = وصل شايبٍ سيماه بالخير مرسومه
لك البيض يافيصل تركّز على الاشهاد = عسى عظام من جابك عن النار معصومه
على فعلك جزال المدايح فخر تنقاد = تقول انها في فعلك الفذ مغرومه
حباك الله بقوّة عزيمه وصدق فواد = ونفسٍ تهوز المجد والشامخ ترومه
وموقفك يافيصل وصيّة نبي وجهاد = يبي رجلٍ اوصافه هالايام معدومه
تقدمت يالحر القطامي وفعلك زاد = وجالك ورى حومات روس العرب حومه
ولاهي غريبه وانتوا اللابه الاسياد = من آلاد سامي والتواريخ معلومه
ظهور السواني لا نشد عنهم النشّاد = هل الجود والمعروف والطيب وسلومه
تَعاقب صوادر ليل حزني مع الورّاد = تلاوح مهاديفي مع الليل وقدومه
ليالي عساها ماتكرر ولا تنعاد = جلا سودها اللي زيّن الكون بنجومه
فرجها الاله بحكمته يوم أحَب وراد = على يد كريمٍ قام ياطيبها قومه
سلايل معزي مورث العز والامجاد = نصير الضعيف اللي بجهله دنا يومه
تقدم لها سلمان وانفكّت الاصفاد = بعد ما يأست وقلت الاقدار محتومه
وجاهة طويل العمر تمشي بكل بلاد = ياكم نفسٍ أعتقها وكم خلّص خصومه
تشوف الدريك لساحة العدل مرّ يقاد = يقينه نهاية رحلة العمر محسومه
ولكن متِن سلمان شايل هموم عباد = يحرّر وثاق القيد ويفرّج همومه
ويعلن خلاصه بعد ما قرّب الميعاد = وبدّل كفن قبره وغطّاه بهدومه
هذا سيدي سلمان حلال كل اعقاد = ذرى نجد وحزامه وحصنه وزيزومه
وانا اقرا ملامح وجهه الاصبح المعتاد = تذكرت يوم اقرا من المجد منظومه
جذب سيدي سلمان جدٍ من الاجداد = راعي الاجرب اللي يرفع الراس بعلومه
ولا أنساك يا سلطان يا رايد الروّاد = يا شبلٍ خذا من طيب سلمان وعزومه
سعيت بلزوم اللي صرخ يطلب استنجاد = وطمّنت قلب اللي من الهم مضيومه
وبعد كان سيف الشرع والموت بالمرصاد = وصل شايبٍ سيماه بالخير مرسومه
لك البيض يافيصل تركّز على الاشهاد = عسى عظام من جابك عن النار معصومه
على فعلك جزال المدايح فخر تنقاد = تقول انها في فعلك الفذ مغرومه
حباك الله بقوّة عزيمه وصدق فواد = ونفسٍ تهوز المجد والشامخ ترومه
وموقفك يافيصل وصيّة نبي وجهاد = يبي رجلٍ اوصافه هالايام معدومه
تقدمت يالحر القطامي وفعلك زاد = وجالك ورى حومات روس العرب حومه
ولاهي غريبه وانتوا اللابه الاسياد = من آلاد سامي والتواريخ معلومه
ظهور السواني لا نشد عنهم النشّاد = هل الجود والمعروف والطيب وسلومه