سعود السهلي
20-06-2008, 09:02 PM
نهار الثلوث بشهْر خمسه فرح وسرور=تباهج صدور أصحابنا والفرح فيها
تجلّى ظلام الليل والنور بعده نور=وطابت نفوس ٍ همّها كان طاويها
لك الشكر يارب البشر جابر المكسور=خلقت البشر ياربّنا ماتخلّيها
وأنا مانسيت اللي لهم في المواقف دور=بقوم ٍ لهم وقفات ماأحد ٍ بناسيها
لكم تنشر البيضاء بياضاً على المنشور=بياض الوجيه اللي للأجيال نوصيها
منعتوا سيوف ٍ دمّها بالحكم منشور=شريعه يطبّقها الحكم عند قاضيها
عساها تضاف إلكم حساني وجنّة حور=ومن يعتق الأرقاب يلقى حسانيها
هداكم ولي الكون عقب اختلاف الشور=وفرحوا ضعوف ٍ قيدها في يمانيها
ألاياهل الطولات يامحتمين الكور=ألا يالرجال اللي تبعّد هقاويها
ألا يالبقوم سلالة الشايب المنعور=هل الطيب والناموس تعرف عزاويها
كسبتوا نعم والعود شبره بعشر شبور=عوايدك يافيصل عطاياك تعطيها
ياكبر العطيّه كلمة الدم ذا مهدور=عطيّة وفاء ماهيب تجلب لشاريها
ولدنا ولدكم ياعسى بيتكم معمور=بيوت السمي اللي تذرّي مبانيها
بيوت ٍ تزبّن من زبنها ماجاه قصور=يوفّر له المطلوب والرب حاميها
أقوله وأعرف إن الرجل منهي ومامور=تدابير من يفرض صلاة ٍ نصلّيها
وتم الكلام اللي نقوله على المشهور=تبثّه قنوات الفضاء في تلقّيها
صح لسان الشاعر
تجلّى ظلام الليل والنور بعده نور=وطابت نفوس ٍ همّها كان طاويها
لك الشكر يارب البشر جابر المكسور=خلقت البشر ياربّنا ماتخلّيها
وأنا مانسيت اللي لهم في المواقف دور=بقوم ٍ لهم وقفات ماأحد ٍ بناسيها
لكم تنشر البيضاء بياضاً على المنشور=بياض الوجيه اللي للأجيال نوصيها
منعتوا سيوف ٍ دمّها بالحكم منشور=شريعه يطبّقها الحكم عند قاضيها
عساها تضاف إلكم حساني وجنّة حور=ومن يعتق الأرقاب يلقى حسانيها
هداكم ولي الكون عقب اختلاف الشور=وفرحوا ضعوف ٍ قيدها في يمانيها
ألاياهل الطولات يامحتمين الكور=ألا يالرجال اللي تبعّد هقاويها
ألا يالبقوم سلالة الشايب المنعور=هل الطيب والناموس تعرف عزاويها
كسبتوا نعم والعود شبره بعشر شبور=عوايدك يافيصل عطاياك تعطيها
ياكبر العطيّه كلمة الدم ذا مهدور=عطيّة وفاء ماهيب تجلب لشاريها
ولدنا ولدكم ياعسى بيتكم معمور=بيوت السمي اللي تذرّي مبانيها
بيوت ٍ تزبّن من زبنها ماجاه قصور=يوفّر له المطلوب والرب حاميها
أقوله وأعرف إن الرجل منهي ومامور=تدابير من يفرض صلاة ٍ نصلّيها
وتم الكلام اللي نقوله على المشهور=تبثّه قنوات الفضاء في تلقّيها
صح لسان الشاعر