استجواااب روح الحب [الأرشيف] - منتديات قبيلة السهول

النجم الهاوي

27-06-2008, 08:47 PM

السلااااام عليكم ورحمة الله وبركاته

بعد توقف وقت الاختبارااات قلنا مانبي نلهي طلابنا وطالباتنا عن الاختبارات قلنا نمسك بررريك

ونجح من نجح واللي جاب طماطه وسكت وقال في الاهداءات انا نجحت:D

المهم :

معنا اليوم روح الحب او كما يسميها البعض روح المنتدى

واللي نبي منها اي سؤال تبي تزحلقه عادي تعطيه مطب

ونبي منكم عادي كثرو الاسئله بس ياليت ورجاء منكم ياليت يكون الرد الواحد مايتعدى خمسة اسئله

علشان الواحد مايتحطم ويزحلق الاسئله

وكان قد وعدنا اصلا مع احد العضوات بس ماشفناها خشت الا اليوم وقد وعدنا روح الحب

وهالعضوه فيها فيها الاستجواب وجايها الدووووووور

حطو الاسئله من الحين

شيخة الزين

27-06-2008, 08:53 PM

:

:

يسعدلي صباحكم /مساكم

ياسلاااام عليكم

روح المنتدى بالاستجواب ياهلا ياهلا

راجعين ان شاءالله مع كميه من الاسئله الخفيفه

وخففوا على روح :(

نجيم

عساك ع القوه

تحيتي

:

:

شموخ رسامه

27-06-2008, 09:02 PM

السلام عليكم

رووووح الحب منوره الاستجواب :D

عندي كم سؤال على الطاير

1_عرفينا ببطاقتك الشخصيه؟

2_ انتي بنت متميزه في المنتدى هل هذا يعكس انك متميزه في حياتك العاديه

3_ وين ناوين تصيفون هذي السنه ؟

هذي اللي في بالي الحين لاتفرحين برجع بعد العشاء:23-:

نجمنا مشكووور على الاخيار الرائع

عازفة أوتار الأمل

27-06-2008, 09:41 PM

مرحباااا

ياهلا وغلا والله برووح الحب منورة كرسي الأعتراف:)

الله يعينك ...:)

ولي عود يالغلا ..:)

كل الود..:)

روح الحب

27-06-2008, 09:55 PM

هلااابالنجم الهاوي ,,,

وكان قد وعدنا اصلا مع احد العضوات بس ماشفناها خشت الا اليوم وقد وعدنا روح الحب

وهالعضوه فيها فيها الاستجواب وجايها الدووووووور

تصدق أحس إني أعرفها >> حتى إحتجت في مره من المرارير صح ولالأ؟:D

نبي منكم عادي كثرو الاسئله بس ياليت ورجاء منكم ياليت يكون الرد الواحد مايتعدى خمسة اسئله

علشان الواحد مايتحطم ويزحلق الاسئله

سمعتو ؟؟

يعني Oففوا من الأسئله وترى اللقافه الزايده مهي زينه وتشوه صورة الشخص الحضاريه << تبي تحطمهم :D

روح الحب

27-06-2008, 09:59 PM

يسعدلي صباحكم /مساكم

ياسلاااام عليكم

روح المنتدى بالاستجواب ياهلا ياهلا

راجعين ان شاءالله مع كميه من الاسئله الخفيفه

يسعد لي ايامك كلها ياقلبوووو

:)

وخففوا على روح

يابعدهم والله

سمعتو وش قالت شيوووخه ؟؟

خففوا علي :D

الجفول

27-06-2008, 10:05 PM

السلام عليكم

اقوووووووووووووول
ترى انا اللي سميتها روح المنتدى من ايام مسابقه رمضان الاوله

<<<<< شتبين الحين يعني

خوووووووووووووووش اختيار يانجموووووووووووو وعساك عالقوه
بس ابس اعرف من جاب طماطه وقال ان نجح

استلمي ياروح المنتدى

انتي طباخه بريمو ولا نص نص ؟
اذا تدرسين شنو تدرسين
واذا تشتغلين شنو وظيفتك ؟

تسوقين ؟
اذا ايه شنو سيارتك

لاخلا ولاعدم

روح الحب

27-06-2008, 10:09 PM

السلام عليكم

وعليكم السلام

هلاااشموووخه :)

رووووح الحب منوره الاستجواب

هذا نووورك والله :)

عندي كم سؤال على الطاير

الله يستر

1_عرفينا ببطاقتك الشخصيه؟

إسمي روح <<إحلفي :D

عمري 21

أحب التسوق وقراءة الشعر والروايات والقصص والحش :D

2_ انتي بنت متميزه في المنتدى هل هذا يعكس انك متميزه في حياتك العاديه

والله من ذوقك يالغلااا

بصراحه مدري إسإلي اللي حولي << باللهي :D

3_ وين ناوين تصيفون هذي السنه ؟

كنا ناوين على تركيا بس شكل إجازة أخوي بتمنعنا هالسنه :(

بس ممكن تكون في طلعه منا والامنا .. إنتظرونا <<إعلان مو سفره :)

هذي اللي في بالي الحين لاتفرحين برجع بعد العشاء

في إنتظارك<< جازت لها أسئلتها :D

نجمنا مشكووور على الاخيار الرائع

إنتي اروووع يالغلاااا

:)

روح الحب

27-06-2008, 10:16 PM

مرحباااا

ياهلا وغلا والله برووح الحب منورة كرسي الأعتراف

الله يعينك ...

ولي عود يالغلا ..

كل الود..

هلاااعزووووفه

النووورنووورك يالغلاااا

والله يسمع منك ,,,

في إنتظار عودتك :)

روح الحب

27-06-2008, 10:22 PM

السلام عليكم

وعليكم السلام والرحمه

هلاااجفوووله :)

اقوووووووووووووول
ترى انا اللي سميتها روح المنتدى من ايام مسابقه رمضان الاوله

<<<<< شتبين الحين يعني

ياحياااتي ..إيه والله أذكر ,,
:)

خوووووووووووووووش اختيار يانجموووووووووووو وعساك عالقوه
بس ابس اعرف من جاب طماطه وقال ان نجح

ترى انانجحت بدون طماط :D

استلمي ياروح المنتدى

هاتي ياجووجووو:D

انتي طباخه بريمو ولا نص نص ؟

بريمو ونص وثلاث أرباع <<< ياحبي لي واثقه في قدراتي :D

اذا تدرسين شنو تدرسين

كلية الأداب ..قسم تاريخ ..

تسوقين ؟
اذا ايه شنو سيارتك

الله يخلف من وين :(

بس قد سقت سيارة أخوي :D

لاخلا ولاعدم

يعطيك العافيه

:)

الجفول

27-06-2008, 10:35 PM

السلام عليكم

مممممممممممممم
كليه الاداب وقسم تاريح
طحتي ولا احد سمى عليك
ابي منك موضوع مرتب وباسلوبك (( يعني موكوبي بيست من قوقل )) تحطينه في السياسي
بس بفكر عن وشو بالضبط

انتي من اي ديره ؟
شلون تعلمتي الطبخ ؟
شنو احلا طبخه تطلع من تحت يدك ؟
تعرفيت تصلخين الذبيحه ؟ وتقصصينها ؟

من شاعر المفضل

قلتي تحبين الروايات
اي نوع منها ولاي كاتب وش هي احلا روايه

تسمعين لمن وعربي ولا اجنبي

اي قنوات تتابعين

لاخلا ولاعدم

قمر-20

27-06-2008, 10:53 PM

والله وطحتي بادينا يارووح الحب :049: :049:

عندي اسئله واااجد بس والله كاسره خاطري

المهم
س1: لماذا اخترتي كلية الأداب ..قسم تاريخ .. ؟؟؟ <=== متاثره بالاسئله مالت الامتحاان:)

س2:افضل شاعر لديك؟؟

س3:شنو الي عاجبج بالمنتدى يعني اكثر قسم تحبين تدشينه؟؟

س4:لو خيروج تختارين شنو تكون جنسيتج بين الجنسيات التاليه ههههههههه ابخليج تكرهيني :)
الهنديه ام الكويتيه <== نفزه افهميها هههههه ام الغربيه هههههه ماودي اكتب اكثر

س5: شنو اهم شي بحيااتج؟؟

س6: من هم اصدقائج المخلصين حلوه المخلصين صح هههههههه ؟؟

س7: اصدقاائج يقربوون لج ام لا يعني بنات عم او بنات خال ؟؟

خلصت الاسئله بس لا تستااانسين واااجد الى الان ماخلصت هههههههههههههههههه

روح الحب

27-06-2008, 11:24 PM

السلام عليكم

وعليكم السلام

مممممممممممممم
كليه الاداب وقسم تاريح
طحتي ولا احد سمى عليك
ابي منك موضوع مرتب وباسلوبك (( يعني موكوبي بيست من قوقل )) تحطينه في السياسي
بس بفكر عن وشو بالضبط

يعني أخلص من الكليه تجين إنتي :(<<شكلي بأزحلق على سؤالك الجاي

نيااااههههههه

انتي من اي ديره ؟

من السعوديه :D

شلون تعلمتي الطبخ ؟

بصراحه أمي ماعلمتني لأنها كانت رافضه دخولي للمطبخ

بس كنت أحب أتفنن من يومي صغيره

وكنت أخبص لحالي كل مانامت لحد ماتعلمت

والله يعافي كتب الطبخ :)

شنو احلا طبخه تطلع من تحت يدك ؟

ممممممممممممم

والله كثير

كل شخص يحب مني شي

بس المكرونه بانواعها أعرف أظبطها :)
تعرفيت تصلخين الذبيحه ؟ وتقصصينها ؟

لااااإن شاءالله

مو لهالدرجه عاد :(

من شاعر المفضل

والله كثير

بس ابرزهم طلال الرشيد الله يرحمه وحامدزيد وعبدالرحمن بن مساعد ...

قلتي تحبين الروايات
اي نوع منها ولاي كاتب وش هي احلا روايه

بصراحه الرومانسيه أكثر شي ..

وأحب أقرا لقماشه العليان ..وبيار روفايل أكثر شي

وأحلى روايه السجينه وعيون على السماء ..

تسمعين لمن وعربي ولا اجنبي

أسمع خالدعبدالرحمن وماجد المهندس وعبد المجيد والجسمي وراشد الفارس والماجد<< ماخلّت أحد :D

والأجنبي أحب أغاني معينه بس مافي أحد معين

اي قنوات تتابعين

MBC2 ~~~ MBC4

لاخلا ولاعدم

يعافيك ربي ..

الظهيري

27-06-2008, 11:58 PM

السلام عليكم

بسم الله نبدأ

1 / يلاحظ عليك نشاط ملحوظ في المنتدى ومن ثم خمول ايضا ملحوط في المنتدى وش السبب ؟

2 / ابعطيك اسماء اعضاء توقعي كم اعمارهم

النجم الهاوي

المدير سعود

فايز بن حمود

فهد البداح

ابن دمخه

متعب فواز

حمد الشمالي

الظهيري

الجفول

شيخة الزين

شموخ رسامه

مشاعر

احساس

3 / نفس الاعضاء السابقين اعط لكل واحد منهم وظيفه

4/ والباقي بعدين

روح الحب

28-06-2008, 12:59 AM

السلام عليكم

وعليكم السلام

هلااالظهيري

1 / يلاحظ عليك نشاط ملحوظ في المنتدى ومن ثم خمول ايضا ملحوط في المنتدى وش السبب ؟

نشاط لأني أنابالعاده نشيطه بسم الله علي <<مادح نفسه ..:D

وخمول ممكن في الفتره اللي غبت فيها عن المنتدى وكان بسبب حادث وكنت في المستشفى وماقدرت أدخل نت طبعا ,,

وبعدها جت الإختبارات وبعدها رجعت ,,:)

2 / ابعطيك اسماء اعضاء توقعي كم اعمارهم

نبدا على بركة الله :)

النجم الهاوي

37

المدير سعود

ممكن 40

فايز بن حمود

37 ,,

فهد البداح

39

ابن دمخه

32

متعب فواز

25

حمد الشمالي

23

الظهيري

28

الجفول

25

شيخة الزين

22<< قريتها من قبل :D

شموخ رسامه

24

مشاعر

38

احساس

21

3 / نفس الاعضاء السابقين اعط لكل واحد منهم وظيفه

هل أعطيهم وظيفه باللي احس انها تناسبهم والا أتوقع وظايفهم من عندي .!!

4/ والباقي بعدين

طيب:)

قمر-20

28-06-2008, 01:21 AM

:( ليش كاسره فيني ؟؟

روح الحب

28-06-2008, 04:07 AM

ليش كاسره فيني ؟؟

يؤيؤيؤ

وربي وربي إني مجاوبه على أسئلتك..

بس يمكن المنتدى بلع ردي لأنه قبل شوي ماكان صاحي :(

ولاااايهمك بأعيدهم الحين ,,,

وماعاش من يكسر فيك ياقموووره

روح الحب

28-06-2008, 04:14 AM

والله وطحتي بادينا يارووح الحب

عندي اسئله واااجد بس والله كاسره خاطري

هلاااقموووره

زين خليني كاسره خاطرك أكثر ,,

س1: لماذا اخترتي كلية الأداب ..قسم تاريخ .. ؟؟؟ <=== متاثره بالاسئله مالت الامتحاان

دخلت كلية الآداب لأن فيها قسم التاريخ :D

وكليتنا مافيها قسم إنجليزي عام او قسم علم نفس وإجتماع <<< كان ودها فيهم :(

بالإضافه إلى أن صديقاتي كلهم دخلو قسم التاريخ فدخلت معهم ..يعني مو حبا فيه ..

س2:افضل شاعر لديك؟؟

جاوبت عليه في اسئلة جوجو ,,

س3:شنو الي عاجبج بالمنتدى يعني اكثر قسم تحبين تدشينه؟؟

الصور والتصاميم والشعر النبطي ,, :)

س4:لو خيروج تختارين شنو تكون جنسيتج بين الجنسيات التاليه ههههههههه ابخليج تكرهيني
الهنديه ام الكويتيه <== نفزه افهميها هههههه ام الغربيه هههههه ماودي اكتب اكثر

مافهمت والله !!
س5: شنو اهم شي بحيااتج؟؟

مافهمت .. أهم شي أشخاص يعني والا اشياء ماديه ؟

س6: من هم اصدقائج المخلصين حلوه المخلصين صح هههههههه ؟؟

شلتي اللي معي في الكليه :)

س7: اصدقاائج يقربوون لج ام لا يعني بنات عم او بنات خال ؟؟

من هووون وهوووون :D

خلصت الاسئله بس لا تستااانسين واااجد الى الان ماخلصت هههههههههههههههههه

حياك بأي وقت ,,
:)

عازفة أوتار الأمل

28-06-2008, 04:15 AM

باك..:)

حكمتك في الحياه ؟

هواياتك ؟؟

حينما تغضبين .. ماهي ردة الفعل التي تقومين بها ؟؟

ماافضل الاوقات بالنسبه لك يعني تحبين الصبح الضحى الليل؟؟

اذكري موقف غير شي من شخصيتك او اثـــر فيكــ ؟

ووبس ماأبي أطول عليكي ..:)

عساكي عالقوة.:)

شموخ رسامه

28-06-2008, 04:27 AM

صباح الخير ياعسل

روح وقفت عن جمله لك

بصراحه أمي ماعلمتني لأنها كانت رافضه دخولي للمطبخ

اول مره اشوف ام ترفض ان بنتها تتعلم الطبخ
لكن اكيد عند امك سبب لرفض ممكن نعرف هذا السبب؟

_وش اطرف موقف مر عليك؟

_كيف تعرفتي على منتدى السهول؟

_لـيـه الـغـدر أصـبح رفـيـق

واللـيـالي عـلى الـمـشـتـاق

دآيـــم تـضـيـق ..

وإن قلت أنافي حـبـك غريق

قـام يـتـغـلى ويـمنـع حـنـآنـه !!

هذا جزء من خاطره انتي كتبتيها" عجبني كلامك فيها":012:

لكن يقولون ان الشعار والكتاب لهم ملهم

هل يوجد لديك ملهم :)

برجع اذا الله اراد

روح الحب

28-06-2008, 04:29 AM

باك..

هلااعزوووفه

أحلى بآك

:)

حكمتك في الحياه ؟

لاتنهى عن شئ وتأتي مثله عار عليك إن فعلت عظيم ,,

ولكل مجتهد نصيب ,,

:)

هواياتك ؟؟

ذكرتهم في البطاقه الشخصيه ,,

حينما تغضبين .. ماهي ردة الفعل التي تقومين بها ؟؟

أصيح على طول :(

ماافضل الاوقات بالنسبه لك يعني تحبين الصبح الضحى الليل؟؟

اللييييييييييل :)

اذكري موقف غير شي من شخصيتك او اثـــر فيكــ ؟

موقف شخصي.. لكنه خلاني أعرف إني المفروض ماأبدّي رضا الناس على مصلحتي ..

ووبس ماأبي أطول عليكي ..

أبدماطولتي يالغلااا ,,

عساكي عالقوة.

الله يقويك ويعافيك ,,

:)

روح الحب

28-06-2008, 04:43 AM

صباح الخير ياعسل

صباحك سكر ياقشطه

هلااابشموووخه :)

روح وقفت عن جمله لك

اقتباس:
بصراحه أمي ماعلمتني لأنها كانت رافضه دخولي للمطبخ

اول مره اشوف ام ترفض ان بنتها تتعلم الطبخ
لكن اكيد عند امك سبب لرفض ممكن نعرف هذا السبب؟

السبب إني كنت صغيره في العمر وبدري علي دخول المطبخ

فكانت تمنعني من خوفها علي ,,:)

_وش اطرف موقف مر عليك؟

مره كنت جالسه في الكليه مع البنات وأقول لهم سالفة بنت صوماليه كانت معنا في الثانوي و كان داخلها جني وجتها حالتها و طلع

علينا في حصة القرآن.. وانامن الخوف في ذاك الوقت قمت أصيح وعجزت أكمل قراية .. وصديقاتي اللي كانو معي يضحكون على

شكلي ذاك اليوم وطريقة تصرفي ..

فقالو لي قولي للبنات عن سالفتك مع ذيك البنت .. عاد أناماقصرت قمت أشرح لهم اللي صار ,,

وطبعا المعروف عندنا إن الكليه مافيها بنات غير سعوديات .. وانافي نهاية السالفه وفاطسه من الضحك شفت البنت نفسها واقفه قدامي

وتخزني عاد دوريني ذيك الساعه إرتعت روعه مابعدها روعه وتبنّجت في مكاني والبنت متعجبه من ردة فعلي لشوفتها (( كانت متوقعه

أرحب فيها والا افرح بشوفتها بس نظراتي لها كانت كلها خوف وإستغراب )) وصديقاتي يشوفوننا وميتين من الضحك على شكلي ,,

عاد صرت كل ماأذكر الموقف أفطس من الضحك ,,

_كيف تعرفتي على منتدى السهول؟

عن طريق قناة زواج لما ذكر الدكتورفارس المنتدى ,,

_لـيـه الـغـدر أصـبح رفـيـق

واللـيـالي عـلى الـمـشـتـاق

دآيـــم تـضـيـق ..

وإن قلت أنافي حـبـك غريق

قـام يـتـغـلى ويـمنـع حـنـآنـه !!

هذا جزء من خاطره انتي كتبتيها" عجبني كلامك فيها"

لكن يقولون ان الشعار والكتاب لهم ملهم

هل يوجد لديك ملهم

أكييييييييد :)

برجع اذا الله اراد

حياك في اي وقت ,,
:)

الظهيري

28-06-2008, 05:02 AM

اعط الوظيفه اللي تشوفين انها تناسبهم

روح الحب

28-06-2008, 05:15 AM

اعط الوظيفه اللي تشوفين انها تناسبهم

إن شاءالله

إنت تامر ,,

بس إن جاني تهزئ تراني في وجهك ..:024:

النجم الهاوي

في المباحث :D

المدير سعود

مدير بنك

فايز بن حمود

صاحب مطعم أو معلم شاورما :D<< بتتسطر

فهد البداح

مدير مدرسه

ابن دمخه

طباخ :D<< متأثره بطبخته اللي سواها :)

متعب فواز

أحس إنه طالب وماله وظيفه لحد الحين

حمد الشمالي

جامعي وماتوظف

الظهيري

عسكري

الجفول

محاميه

شيخة الزين

موظفه في مكتب

شموخ رسامه

كوافيره

مشاعر

موجهه)

احساس

مصوره أومهندسه ديكور ..

شموخ رسامه

28-06-2008, 07:20 AM

كوافيره

ههههههههههههههههههههههههه

تعرفين المثل اللي يقول باب النجار مخلوع:5-:

أجمل قصيدة

28-06-2008, 02:47 PM

حيا الله روح الحب

استلمي والسؤال المتكرر زحلقي عليه :

ترتيبك في العائله ؟
داخله القسم في الكليه عن اقتناع ولا الزمن حدك >>يعني النسبه ماجت على الكيف
وعلى طاري النسبه كم نسبتك في ثالث ثانوي ؟
في ثالث داخله مدرسه اهليه ولا حكوميه ؟
متى بدت علاقتك في النت ؟
لو تقدم لخطبتك شاب فيه كل المميزات اللي تطلبينها بس شرطه الوحيد تتركين الدراسه ايهم تختارين >>:024:
هل انتي مسرفه ولا لا يعني مكافأت الكليه تبقى معك لأخر الشهر ولامايمديها تقعد في البوك واكثر شي تصرفين عليه ؟

السموحه على الاطاله :012:

روح الحب

28-06-2008, 09:49 PM

ههههههههههههههههههههههههه

تعرفين المثل اللي يقول باب النجار مخلوع

إيه أعرفه ..

بس وش سالفته ؟:D

روح الحب

28-06-2008, 10:00 PM

حيا الله روح الحب

الله يحييك جموووله :)

استلمي والسؤال المتكرر زحلقي عليه :

لاتوصين حريص :D

ترتيبك في العائله ؟

آخر العنقود :)

داخله القسم في الكليه عن اقتناع ولا الزمن حدك >>يعني النسبه ماجت على الكيف

القسم دخلته لأسباب ذكرتها في رد لي من قبل ..

أماالنسبه كانت حلوووه وتأهلني لدخول أي قسم أبيه :)

وعلى طاري النسبه كم نسبتك في ثالث ثانوي ؟

93%:)

في ثالث داخله مدرسه اهليه ولا حكوميه ؟

حكوميه ,,,
متى بدت علاقتك في النت ؟

من سنتين تقريبا ..

لو تقدم لخطبتك شاب فيه كل المميزات اللي تطلبينها بس شرطه الوحيد تتركين الدراسه ايهم تختارين >>

أكييييييد الدراسه ..واذا يبيني يصبر هع :D

هل انتي مسرفه ولا لا يعني مكافأت الكليه تبقى معك لأخر الشهر ولامايمديها تقعد في البوك واكثر شي تصرفين عليه ؟

لاوالله ماتقعد ,,

لأني أمشي وأصرف ولاأحسب كم بقى عندي ,,

وأكثر شي على اللبس والمباشره على اللي معي في الطلعات <<< كريمه الأخت :)

السموحه على الاطاله

أبد ماطولتي ,,

وحياك في أي وقت ,,

:)

ولد الحفنه

28-06-2008, 10:06 PM

سلاموووووه

ومسااااااائوووه

اقوووول ابوو فيصل ((ش)) الرطب طاح عندكم والالا

المهم اما روووح المنتدى انتي في قسم التاريخ يااااااااااااااااااااسلام

س/اي مستوووووى

س/عرفي لي اردشير الثاني<<< يعلمكم انه قسم تاريخ خخخخخخ

اذا امكن

س/كم سياااره عندكم

س/ هلا تحبين برامج المسابقات

س/ كم اخ لك

س/ كم دله عندكم في المطبخ

س/ هل تحبين الحبحب<< الجح

وبسسسسسسسسسس

ولي رجعه من تااااااااااااااااااااااااااااني

تحيتي ,,,

روح الحب

28-06-2008, 11:04 PM

سلاموووووه

ومسااااااائوووه

وعليكم السلامووه

هلاولد الحفنه ,,

:)

اقوووول ابوو فيصل ((ش)) الرطب طاح عندكم والالا

إيه أبشرك طاح وكلناه بعد :D

المهم اما روووح المنتدى انتي في قسم التاريخ يااااااااااااااااااااسلام

إيه :D << فرحانه بعد :)

س/اي مستوووووى

خلصت من سنه ثانيه ورايحه سنه ثالثه :)

س/عرفي لي اردشير الثاني<<< يعلمكم انه قسم تاريخ خخخخخخ

ماتشرفت فيه لحد الحين :D

س/كم سياااره عندكم

مدري تبيني أحسب سيارات إخواني والا بس سيارات أبوي ؟

س/ هل تحبين برامج المسابقات

حسب نوعيتها ,,

س/ كم اخ لك

خمس إخوان :)
س/ كم دله عندكم في المطبخ

والله كثييير,,

س/ هل تحبين الحبحب<< الجح

ليه بتجيب لي جحه ؟:D

نياااهههههههه

وبسسسسسسسسسس

ولي رجعه من تااااااااااااااااااااااااااااني

تحيتي ,,,

حياك الله في أي وقت ,,

:)

النجم الهاوي

30-06-2008, 12:59 AM

صباح الخير

كم سؤال يتبطحون عندك تفضلي ......

شنهو جدولتس اليومي يعني من تصحين الى ان تنامين وكم مره تحشين باليوم في الجفوول:D ؟

تعرفين تلعبين بلي ستيشين ؟ يعني راح تفوزين على فااايز؟ (( الفلته حقنا بالبلي ستيشين )) ؟

وش رايتس بجيلتس من بنات اليوم بصراحه ماراح احد يقولتس شي تكفين حشي فيهم ؟

تعرفين تسوين مكرونا باشميل ؟

اي القنوات تتابعين في التلفزيون ؟

راجع لتس طلعت لي شغله الحين

روح الحب

30-06-2008, 01:29 AM

صباح الخير

صباح النور

هلاابالنجم ,,

:)

كم سؤال يتبطحون عندك تفضلي ......

إبطحهم قدامي أشوف :D

شنهو جدولتس اليومي يعني من تصحين الى ان تنامين وكم مره تحشين باليوم في الجفوول ؟

لما أقوم أفطر << إحلفي :D

إذا فيه دوام رحت داومت وفي الدوام أجتمع مع الشله ونحش في الدكاتره والأساتذه ..

وإذا مالقينا فيهم شي حشينا في اللي يمرون قدامنا << مايخلون احد :D

ولما أرجع البيت أدور فيه أشوف وش الجديد عندهم

وبعدها أتغدى وأنام وإذا الله كتب لنا طلعه طلعت

ووقت الفراغ اقضيه ع النت أو إذا فيه فيلم في التلفزيون تابعته بس أكثر وقتي نت لحد مايجيني نوم ذيك الساعه أحط راسي وانام :)
ومن ناحية الحش في الجفول ماش ماعندي احد يعرفها في البيت والا كان حشيت فيها معه << بتتسطر :D

تعرفين تلعبين بلي ستيشين ؟ يعني راح تفوزين على فااايز؟ (( الفلته حقنا بالبلي ستيشين )) ؟

لاوالله ماأعرف لأني مع السرعه اخبص الدنيا ,,

لكن ماينفع جيم بوي !!:D

وش رايتس بجيلتس من بنات اليوم بصراحه ماراح احد يقولتس شي تكفين حشي فيهم ؟

جيلي يهبلون ويوسعون الصدر ومافي احلى منهم ,,

بس الجيل الي بعد جيلي هذولي اللي يبيلهم قص رقبه يعني تحسهم مالهم والي واهلهم مايدرون عنهم ..

او إنهم يدرون لكنهم مستصغرينهم ومعطينهم وجه وهم بسم الله علي مابقى شي ماعرفوه ولادخلو فيه << ماكنها شايله عليهم وبقووه ؟:(

8
8
وش رايك بالحش السنع ؟:D

تعرفين تسوين مكرونا باشميل ؟

اكييييييييد :)

اي القنوات تتابعين في التلفزيون

أحب MBC2وMBC4وقناة وناسه بعد :D

راجع لتس طلعت لي شغله الحين

طيب :D

ملكـــة الهدوء

30-06-2008, 01:29 AM

السلام عليكم..وش هالحظ الأقشر ياروح

الله يعينك على مابلاااااااااااااك

ياكثررررررررررررررر الأسئله

أسئلتهم واااااااااااااجدااااااااااااااات مره زحمه

انا برحمك

وماني بسألتك..

وماقول غيرأعوذ بالله من الأستجواب..

روح الحب

30-06-2008, 01:37 AM

السلام عليكم.

وعليكم السلام ياملووكه

:)

.وش هالحظ الأقشر ياروح

شفتي عاد :D

الله يعينك على مابلاااااااااااااك

آميييين

ياكثررررررررررررررر الأسئله

أسئلتهم واااااااااااااجدااااااااااااااات مره زحمه

لالاتخافين علي اخلصهم أول بأول :D

انا برحمك

وماني بسألتك..

ماقصرتي :)

وماقول غيرأعوذ بالله من الأستجواب..

أعوذبالله اعوذبالله :D

ابن دمخه

30-06-2008, 02:08 AM

هلا بروح

استلمي ولا تتعدين ولا سؤال:

ابي اسماء 3 كتب ادبيه عجبتك وتقتنيها؟

عالم اغريقي الف رواية الجمهوريه ؟

مدينه زرتيها وبقيت عاقلة بذهنك ؟

مقال عالج مشكله كنتي تعانين منها او من حولك ؟ ولمن ؟ واين ؟

دولة تحبين ان تسافرين لها ؟

قضية سياسية تحرك وجدانك كال ماوردت ؟

حاكم عربي سابق تمنيتي انه موجود في وقتنا الحالي ؟ ولماذا؟

بيت شعر يقهرس كل ماورد ؟

من من للشعار تقرئين ؟ واي القصائد تحبين؟

وخلااااااااااااااااااااااااااااااااااااااااااااااا اااااص

لي عودة

..

ابن دمخه

30-06-2008, 02:18 AM

فايز

صاحب مطعم أو معلم شاورما

ابن دمخه

طباخ << متأثره بطبخته اللي سواها

اخووووووووووووووو العيال مالقيتي الا هالوظايف لنا دوررررري غيرها

اجل ماعا بني طابخ لكم حتى ابو حمود زعلان

..

احلام بردقانيه

30-06-2008, 02:36 AM

صبحكـ الله بالخير يارووح

استلمي ياتسبيدتي :)

- اول ماتفتحين جهازك وش اول شي تسوينه ؟؟

- أول عضو عرفتيه بالمنتدى وعضوه ؟؟

- وش اكثر شي ندمتي عليه بحياتك \\ واصعب قرار اتخذتيه ؟؟

- برنامج تحرصين على متابعته بالتلفزيون؟؟

- شخصيه اثرت فيييك ..؟؟

وان شالله ماثقلت عليتس

شبيهة القمر

30-06-2008, 02:40 AM

:10-:يسعدلي صبااحكم//مساكم

يااامرحباا ياامرحبااا,,رووح عالكرسي,,,

ابي اسولف بس اخش بالاسئله احسسلي,,,

1-- متى يقتلكي الفضول ؟
2- - كيف وصلت إلى منتدى السهول؟
2 - لو قال لكي المصباح السحري اختاري امنيتين في الدنيا واحققها لك . . ماذا تتمني ؟
3 - بصراااااااحة .. كم ريال في بووكك الآن ؟
4 - عندما تكوني طفشانه ، ولوحدك جالسه في البيت ، ماذا تعملين ؟
5- كم ساعه تجلسين على النت ؟
6-ما أصعب موقف مر عليكي؟
7- ما رأيكي في الشعر ؟ وهل تكتبيه الشعر ؟ ومن هو افضل شاعر لديك ؟
8-ما افضل اسم نال اعجابك في المنتدى ؟
9- كم مره سافرتي ؟ وما هي آخر سفره سافرتها ؟
10- ما هي امنيتكي في الحياه ؟

ولي رجعه:23-:

أجمل قصيدة

30-06-2008, 03:05 AM

كم سؤال على الطاير

هل تشاركين في منتديات غير السهول ؟؟

بما انك تقولين انك اصغر وحده هل عندكم مقوله (( يحق لأخر العنقود مالا يحق لغيره )) ؟؟ :23-:

روح الحب

01-07-2008, 01:14 AM

هلا بروح

هلافيك يابن دمخه :)

استلمي ولا تتعدين ولا سؤال:

بأحاول قد مااقدر .. بس ماأوعدك :D

ابي اسماء 3 كتب ادبيه عجبتك وتقتنيها؟

والله شوف ... الكتب الأدبيه اللي عندي قصص وروايات ..

تبي أقول لك كم روايه يعني؟:D

عالم اغريقي الف رواية الجمهوريه ؟

أنافي العطله ماأتعب مخي وأفكر >>تعال إذا بدت الدراسه وذيك الساعه (( يمكن )) أجاوب على سؤالك هذا :D

مدينه زرتيها وبقيت عاقلة بذهنك ؟

جزيرة لانكاوي وكاميرون هاي لاند وكوالالامبور في ماليزيا

وكسب في سوريا

مقال عالج مشكله كنتي تعانين منها او من حولك ؟ ولمن ؟ واين ؟

والله الذاكره مو ذاك الزود عشان أذكر هذا كله :D

دولة تحبين ان تسافرين لها ؟

مافهمت .. هل تقصد زرتها وودي ازورها مره ثانيه ؟ إذا هذا قصدك الإجابه ماليزيا ,,<<ماأشبع منها :)

وإذا قصدك دوله مازرتها و ودي اسافر لها النمسا وإسبانيا وإيطاليا :)

قضية سياسية تحرك وجدانك كال ماوردت ؟

فلسطين والعراق ,,

حاكم عربي سابق تمنيتي انه موجود في وقتنا الحالي ؟ ولماذا؟

الملك فيصل بن عبد العزيز الله يرحمه ..

والسبب إن الكل يمدح فيه ..

بيت شعر يقهرس كل ماورد ؟

مايحضرني حاليا ً ..

من من للشعار تقرئين ؟ واي القصائد تحبين؟

الشعراء جاوبت عليهم

ومن أحب القصائد عندي (( جتني ))للشاعر المرحوم طلال الرشيد و((أشجع رجل ))لابن فطيس وإستكثرك لخالد الفيصل ومعظم قصائد حامد زيد وفيه كثير والله بس هذا اللي يحضرني :)..

وخلااااااااااااااااااااااااااااااااااااااااااااااا اااااص

الحمدلله :D

لي عودة

حياك بأي وقت :)

روح الحب

01-07-2008, 01:21 AM

فايز

صاحب مطعم أو معلم شاورما

اقتباس:
ابن دمخه

طباخ << متأثره بطبخته اللي سواها

اخووووووووووووووو العيال مالقيتي الا هالوظايف لنا دوررررري غيرها

طيب ..

فايز :

وزير الماليه

إنت :

الملك :D

اجل ماعا بني طابخ لكم حتى ابو حمود زعلان

غريبه !!

يوم دق علي بيجر اليوم ماقال لي :D

روح الحب

01-07-2008, 01:42 AM

صبحكـ الله بالخير يارووح

هلااااوغلاابحلوومه ,,

صباحك ورررد يالغلاا

:)

استلمي ياتسبيدتي -

هاتي ياقلبي ::D
اول ماتفتحين جهازك وش اول شي تسوينه ؟؟

أفتح النت :D

- أول عضو عرفتيه بالمنتدى وعضوه ؟؟

إنتي ونوووض من البنات والسهلي @من الشباب

- وش اكثر شي ندمتي عليه بحياتك \\ واصعب قرار اتخذتيه ؟؟

أكثر شي ندمت عليه إني مادخلت معهد التمريض :(

وأصعب قرار الحمدلله لحد الحين مافي ..

- برنامج تحرصين على متابعته بالتلفزيون؟؟

برامج MBC 4 عموما

- شخصيه اثرت فيييك ..؟؟

ابوي الله يخليه ..

وان شالله ماثقلت عليتس

أبد ماثقلتي ولاشي

زي العسل على قلبي :)

$غلاي شرقي$

01-07-2008, 01:42 AM

وكان قد وعدنا اصلا مع احد العضوات بس ماشفناها خشت الا اليوم وقد وعدنا روح الحب

وهالعضوه فيها فيها الاستجواب وجايها الدووووووور

ههههههههههههههههه

لاتقوله وقَسم اخش

طًيب طيب بتجهز وبنتظر ..

..

روح الحب

سؤالي

لو كآن في باالك شهادها تبين تحقيقينا وتضيفينها مع البكالوريس اللي عندك او اللي راح تحقيقينه بالمستقبل

اي شهااده بتسعين لهاا ؟

..

السؤاال الثآني

جيلي وجيلك اغلبيتهم ادرسوا روضه :) <__ وش هالسؤال

صحبااتك بالرووضه مو اصحاابك تذكرينهم وتعرفينهم والا تغيروا بفعل التغيرات المنااخيه والفسيولجيه للانساان :)

طَيب السؤال الثآآلث ..

اي البرامج اللي تتابعينها على التلفزيون ؟

روح الحب

01-07-2008, 01:54 AM

يسعدلي صبااحكم//مساكم

يسعد لي أيامك

هلااقمووره :)

يااامرحباا ياامرحبااا,,رووح عالكرسي,,,

ابي اسولف بس اخش بالاسئله احسسلي,,,

خشي ياعيوني خشي :D

1-- متى يقتلكي الفضول ؟

لمااحد يقول لي طرف سالفه ويخلي الباقي أصير أموووت واعرف باقيها :(

2- - كيف وصلت إلى منتدى السهول؟

جاوبت عليه من قبل ,,

2 - لو قال لكي المصباح السحري اختاري امنيتين في الدنيا واحققها لك . . ماذا تتمني ؟

ينمحون الإسرائيليين من الوجود ,,

تصير السعوديه أقوى دوله في العالم ومكانتها زي مكانة أمريكا حاليا ,,

3 - بصراااااااحة .. كم ريال في بووكك الآن ؟

50 وكم ريال:D

4 - عندما تكوني طفشانه ، ولوحدك جالسه في البيت ، ماذا تعملين ؟

ع النت على طوووول ,,

5- كم ساعه تجلسين على النت ؟

كثير والله ..

6-ما أصعب موقف مر عليكي؟

مره إنقلبت سيارة أخوي قدامنا وإحناماسكين خط كان موقف صعب مررره ..

7- ما رأيكي في الشعر ؟ وهل تكتبيه الشعر ؟ ومن هو افضل شاعر لديك ؟

رأيي في الشعر : احبه :)

وأكتب.. بس على قدي :D

والشعراء جاوبت عليهم من قبل ..

8-ما افضل اسم نال اعجابك في المنتدى ؟

عطرالرحيل ,,

9- كم مره سافرتي ؟ وما هي آخر سفره سافرتها ؟

حول ست مرات ,, وآخر سفره ماليزيا

10- ما هي امنيتكي في الحياه ؟

رضا الله والوالدين وحسن الخاتمه ..

وإن الله ينولني اللي في بالي :)

ولي رجعه

حياك بأي وقت ,,
:)

روح الحب

01-07-2008, 02:02 AM

كم سؤال على الطاير

هلاابك جمموله

إسألي ياعيوني ,,:)

هل تشاركين في منتديات غير السهول ؟؟

إيه .. :)

بما انك تقولين انك اصغر وحده هل عندكم مقوله (( يحق لأخر العنقود مالا يحق لغيره )) ؟؟

والله شوفي .. بصراحه أهلي سمحو لي بأشياء ماسمحو فيها للي قبلي ..لكن مو على أساس إني آخر العنقود لا ..

أعتقد لأن الزمن والتطور والتفكير تغيروا وصار في إنفتاح في العقليه أكبر من قبل عشان كذا في اشياء حاصلة لي وكانت مستحيله للي قبلي :D

روح الحب

01-07-2008, 02:08 AM

روح الحب

هلاااااغلاااوي :)

سؤالي

لو كآن في باالك شهادها تبين تحقيقينا وتضيفينها مع البكالوريس اللي عندك او اللي راح تحقيقينه بالمستقبل

اي شهااده بتسعين لهاا ؟

الدكتوراه بس خل آخذ البكالوريوس أول :D

..

السؤاال الثآني

جيلي وجيلك اغلبيتهم ادرسوا روضه <__ وش هالسؤال

صحبااتك بالرووضه مو اصحاابك تذكرينهم وتعرفينهم والا تغيروا بفعل التغيرات المنااخيه والفسيولجيه للانساان

أذكر ثنتين منهم ..لكن حاليا ماأظن باعرفهم لو شفتهم :(

طَيب السؤال الثآآلث ..

اي البرامج اللي تتابعينها على التلفزيون ؟

جاوبت عليه من قبل :)

وحياك يالغلااا

:)

شموخ رسامه

01-07-2008, 08:35 AM

صباح الخير ياروووح

استلمي مجموعه من الاسئله:23-:

1_ ماهي اول خاطره او قصيده كتبتيها؟

2_وش الاشياء اللي تحبينها بحياتك والاشياء اللي تكرهينها >>>>>>> متأثره بموضوع المسابقه :D

3_بما اني مواصله احب اسألك شلونك مع النوم يعني انتي خيشة نوم والا لا؟ وابي اعرف وش تفكرين فيه قبل ماتنامين

فيه سؤال مدري وين شايفته اذا كانوا سألوه لك زحلقيه

السؤال يقول يا طويلة العمر وش هي الايقونات الي ترفع ضغطك في المنتدى وتقهرك لما تشوفينها ؟
وبس هذا اللي عندي الحين

فهد البداح

01-07-2008, 09:32 AM

اهلين بروح الحب

استلمي طال عمرك

تقولين تكتبين الشعر على قدك . مطلوب 3 ابيات من كتاباتك

بيت شعر ترددينه دايما

قصيده تحفظينها عن ظهر قلب

اجمل بيت شعر من وجهة نظرك لحامد زيد - خالد الفيصل - عبدالرحمن بن مساعد

قصاصه قديمه مازلتي محتفظة بها واذا امكن تذكرين شي مماكتب بها

منظر مازال عالقا في ذهنك حتى الان

هل انتي راعية رحلات بريه اذا نعم نبي صوره لاي رحله قمتي بها

ماكل مايتمنى المرء يدركه تجري الرياح بمالا تشتهي السفن

بمااذ تذكرك المقولة اعلااه وماهو الحدث التي تنطبق عليه

مقوله اعجبتك ومن كاتبها

لو قدر لك وقابلتي كل من

عمر بن عبدالعزيز

عبدالملك بن مروان

هارون الرشيد

الملك فيصل

ماذا ستقولين لهم كلاً على حده

اسفين على الاطاله واحتمال يكون لنا عوده

النجم الهاوي

01-07-2008, 11:40 AM

انتي راعية دوجه بالسوووووووووق

وش احسن سوق بشوشو

تصدقين وانا رايح بالدوام فكرت بكم سؤال بس احين نسيت

ان ذكرت رجعت

روح الحب

01-07-2008, 12:15 PM

صباح الخير ياروووح

هلاااشمووخه

صباح النور ياقلبوو :)

استلمي مجموعه من الاسئله

هاتي :D

1_ ماهي اول خاطره او قصيده كتبتيها؟

كانت قصيده أقرب للقصه عن بنت تحكي قصتها مع زوجة ابوها اللي معذبتها << الله لايوريك التفلسف والحوسه اللي فيها :D

2_وش الاشياء اللي تحبينها بحياتك والاشياء اللي تكرهينها >>>>>>> متأثره بموضوع المسابقه

أحب الوناسه ووساعة الصدر واكره إني ازعّل أحد او أحد يزعل علي ..

3_بما اني مواصله احب اسألك شلونك مع النوم يعني انتي خيشة نوم والا لا؟ وابي اعرف وش تفكرين فيه قبل ماتنامين

مو خيشه وحده .. إلا قولي خياش :D

ومن ناحية التفكير حسب أحداث اليوم ..

فيه سؤال مدري وين شايفته اذا كانوا سألوه لك زحلقيه

السؤال يقول يا طويلة العمر وش هي الايقونات الي ترفع ضغطك في المنتدى وتقهرك لما تشوفينها ؟

لاأبشرك سؤالك جديد :D

والأيقونات هي ..

:047:<<< وجهه مو حلووو ..

:116::109::110: :082:<< أحس مالهم داعي..

:18-:<< أحس إنه لئيم ..:(

وبس هذا اللي عندي الحين

ماقصرتي ,,

وحياك بأي وقت

:)

روح الحب

01-07-2008, 12:59 PM

اهلين بروح الحب

هلااابشاعرنا ,,

:)

استلمي طال عمرك

هات طال عمرك ..

تقولين تكتبين الشعر على قدك . مطلوب 3 ابيات من كتاباتك

بصراحه أول ماشفت هالسؤال فكرت أزحلقه ..:(

بعدين قلت الإستجواب إستجوابي يعني لي الحق أبربس فيه على راحتي عشان كذا باسدح لك هالأبيات ,,,

رحل ومابقى فيني غير الجمود .. والحزن والهم فيني اتبعه ,,

والدمع في عيني بليا حدود ... مـن بـعد بُعده مـنهو يمنعه ,,

سيد احبابي ومن غيره يسود ..والحبيب إن غاب ترى عذره معه ,,

وإستر على ماواجهت مقدما :D

بيت شعر ترددينه دايما

هم بيتين للمرحوم طلال الرشيد ,,

أقبل وتقفي وأعتذر عن خطاياك.. واقول ماعييت عيّا زمانك,,

وإن خانتك دنياك او خنت دنياك .. إرجع وتلقى بي مكانك ..مكانك ..

قصيده تحفظينها عن ظهر قلب

كثير بس ابرزهم جتني وعلمتني لطلال الرشيد ,, وإستكثرك وفدوة عيونك وماهوصحيح لخالد الفيصل .. وقالت لي ورحل وأستاهلك لعبدالرحمن بن مساعد وفي غيرهم بس هذا اللي يحضرني حاليا ,,
اجمل بيت شعر من وجهة نظرك لحامد زيد - خالد الفيصل - عبدالرحمن بن مساعد

حامد زيد :

اذا قصدك تهين اسمي عشان تشمّت العذال ... ترى لا انته ولا غيرك .. ولا عشرة من اشكالك ..

خالد الفيصل :

عد وإغلط بصراحه كثير ومنهم ,,

يا ضايق الصدر بالله وسع الخاطر ..دنياك يازين ما تستاهل الضيقه << هذا بعد دايماأردده :)

فـدوة عيونك لو غدت روح مغليك .. وش عاد لو راحت لعينك عشاير,,

:

ماضاع عمري معك لو ضاع .. ماضيه والا مقابيله ,,

سلمت لك خافق جزاع .. عساك يازين تاوي له ,,

:

من يقول الزين ما يكمل حلاه .. كل شي في حبيبي اكتمل ,,

:

إستكثرك وقتي علي وغدابك ..عادة زماني كل ماطاب .. هوّن ,,

<< ترى كنت حاطه أكثر بس حاولت أختصر :D

منظر مازال عالقا في ذهنك حتى الان

منظر الشلال في لانكاوي في ماليزيا (( كان خيآآآلي لأبعد حد ))

هل انتي راعية رحلات بريه اذا نعم نبي صوره لاي رحله قمتي بها

للأسف ماأحب البر ,,

ماكل مايتمنى المرء يدركه تجري الرياح بمالا تشتهي السفن

بمااذ تذكرك المقولة اعلااه وماهو الحدث التي تنطبق عليه

تذكرني باللي باعو اشياء غاليه عندهم ودخلو الأسهم وطمحو وفي النهايه خسروا ,, وتنطبق عليهم :(

مقوله اعجبتك ومن كاتبها

(( كان بإمكاني أن أبيد جميع يهود العالم ولكن تركت بعضاً منهم لتعلموا لماذا كنت أبيدهم )) هتلر ..

لو قدر لك وقابلتي كل من .. ماذا ستقولين لهم كلاً على حده

عمر بن عبدالعزيز

ياليت كل الحكام مثلك ..

عبدالملك بن مروان

ليه ماحاسبت الحجاج على افعاله ؟؟

هارون الرشيد

ماشاءالله عليك ,,

الملك فيصل

حبيت شخصيتك من محبة أمي لك ,,

اسفين على الاطاله واحتمال يكون لنا عوده

ولوووو

إنت تنور في أي وقت ,,

وحياك الله ,,

:)

روح الحب

01-07-2008, 01:04 PM

مكرر..

:o

روح الحب

01-07-2008, 01:22 PM

هلااابالنجم ..

:)

انتي راعية دوجه بالسوووووووووق

الله الله :D

وش احسن سوق بشوشو

أكييييييد الظهران وبلامنازع :11-:

تصدقين وانا رايح بالدوام فكرت بكم سؤال بس احين نسيت

إيه أصدق :D

ان ذكرت رجعت

إن شاءالله ,,:)

روح الحب

01-07-2008, 01:36 PM

ياناس ماخلصت فترة الإستجواب << تبي تتمشى في المنتدى بلاقيود :(

محمد عبدالله

01-07-2008, 01:40 PM

حيـــاااك روح

ما اقــول الـى اللــه يعينــك

1- عضو تحبين تردين على مواضيعه ؟

2-هـل انتــي من النوع المواجهه أو المجامــل ؟

3-هل انتي من النوع المشارك أو المستمع ؟

لــك الشكـــر

النجم الهاوي

01-07-2008, 02:47 PM

ياناس ماخلصت فترة الإستجواب << تبي تتمشى في المنتدى بلاقيود :(

الليله ان شاء الله على السااااااااااااااعه 12 بنقضي من الاستجواب

*&*الوسميه*&*

01-07-2008, 04:42 PM

{ مدخل }
{ أرحبي ياروح الحب ... http://derby-sa.com/host/uploads/102175a5e5.gif (http://derby-sa.com/host/) :)

هههههههههههههههههه
والله وطحتي ياروح الحب .. :)

انا من قبل الاختبارت اقول ابيه هو اللي يستجوب وحطها فيك هههههههه :D

1/ وش احب وجبه عندك ؟؟ واي مطعم تحبينه وتطلبين منه دايما ..

2/ تتابيعين سنوات الضياع ونور واذا ايه وش رايك فيهم ؟؟ <---- ترى يقهروني اللي يقلون يهبل ولاينامون علشانهم :D

3/ وش ردت فعلك لو طنت في راس الكليه وقالو لك عليك أختبار بعد اسبوعين 6مواد تدخلين والى لا ؟؟ <---- دخلت اليوم اختبار 6مواد وبدعت :(:(

4/ من أقرب عضوه لك بالمنتدى واللي ترتاحين لها ولردودها وجودها بالمنتدى ؟

5/ هالصيفيه جت وجت معها السفرات وش البلد اللي ودك تشوفينها ؟؟

6/ تحبين تقرين قصص اللي بالهجه العاميه ؟؟

وبس كافي عليك كذا الله يستر لايجيني الدور والله من أسأله بسحب عليها :D

اقول اذا عندكم نيه تستجوبوني يالله الحين قبل اسافر .. :1-:

{ مخرج }
هلابك ياروح الحب .. http://derby-sa.com/host/uploads/102175a5e5.gif (http://derby-sa.com/host/) :) }

$غلاي شرقي$

01-07-2008, 04:43 PM

أكييييييد الظهران وبلامنازع

يالبيييييييييييييييييييييييييه بس :11-:

سيم سيم روح احووبه مره :14-:

الظهيري

01-07-2008, 05:40 PM

يدي تحكني بس مدري وش اسأل

النجم الهاوي

02-07-2008, 12:16 AM

بهالوقت انتهى الاستجواااب مع روح الحب

وونتظر منها ترشيح عضو ليكون الضيف في الاستجواب المقبل

والاجابه على باااقي الاسئله

ملكـــة الهدوء

02-07-2008, 12:24 AM

كولولولولولولولييييييييييييييييييييييش

مبروك ياروح افتكيتي..

روح الحب

02-07-2008, 06:18 PM

حيـــاااك روح

هلاامحمد عبد الله

الله يحييك :)

ما اقــول الـى اللــه يعينــك

خلااااص هانت :D

1- عضو تحبين تردين على مواضيعه ؟

بصراحه مافي عضو معين اناأشوف الموضوع اللي يشدني وأرد عليه بغض النظرعن العضو اللي كاتبه ,,

2-هـل انتــي من النوع المواجهه أو المجامــل ؟

مع اللي يهموني وأمون عليهم اواجه ..لكن اللي ماأعرفهم وماأمون عليهم ممكن أجاملهم شوي,,:)

3-هل انتي من النوع المشارك أو المستمع ؟

حسب النقاش اللي قدامي بس عموما أحب أشارك << ماتمسك عمرها :D

لــك الشكـــر

عفوا ,,

ويعطيك العافيه على المروور :)

روح الحب

02-07-2008, 06:27 PM

مدخل }
{ أرحبي ياروح الحب ...

هلااابك يالوسميه :)

هههههههههههههههههه
والله وطحتي ياروح الحب ..

انا من قبل الاختبارت اقول ابيه هو اللي يستجوب وحطها فيك هههههههه

لاتخلينه يحطك في راسه همن يجيب قرارك :D

1/ وش احب وجبه عندك ؟؟ واي مطعم تحبينه وتطلبين منه دايما ..

أحب البيتزا والمسقعه واللازانيا ..

والمطاعم والله كثيره بس عموما أنااحب من كل مطعم شي ..

2/ تتابيعين سنوات الضياع ونور واذا ايه وش رايك فيهم ؟؟ <---- ترى يقهروني اللي يقلون يهبل ولاينامون علشانهم

بصراحه ماأتابعهم بس إن حصل وشفته قدامي معروض جلست اشوفه ماأقول لا ..بس إني منهبله عليهم .. لاااااااااع...حتى إني مثلك أستغرب اللي ينهبلون عليه :D

3/ وش ردت فعلك لو طنت في راس الكليه وقالو لك عليك أختبار بعد اسبوعين 6مواد تدخلين والى لا ؟؟ <---- دخلت اليوم اختبار 6مواد وبدعت

أعتقد إني بأرضى بالأمر الواقع وبذاكر غصب عني :(

4/ من أقرب عضوه لك بالمنتدى واللي ترتاحين لها ولردودها وجودها بالمنتدى ؟

كل العضوات أحسهم قريبين حتى الجدد منهم وكل وحده لها ميزه عن الثانيه.. فديييييتهم كوووولهم :)

5/ هالصيفيه جت وجت معها السفرات وش البلد اللي ودك تشوفينها ؟؟

جاوبت عليه من قبل ,,

6/ تحبين تقرين قصص اللي بالهجه العاميه ؟؟

إيه :D

وبس كافي عليك كذا الله يستر لايجيني الدور والله من أسأله بسحب عليها

اقول اذا عندكم نيه تستجوبوني يالله الحين قبل اسافر ..

حياك يالوسميه واعتقد الدور جايك جايك :D

{ مخرج }
هلابك ياروح الحب .. }

نووورتي إستجوابي يالغلاااا:)