قصيدة للشاعر سداح السبيعي مهداة للسهول

[سعود السهلي]

السلام عليكم ورحمة الله وبركاته

هذه القصيده للشاعر / سداح بن راشد السبيعي

ويهديها الى قبيلة السهول



يلي تكلمني من ربوع جيزان = تنشد عن الاحوال تسرك الحال
دارت بك أزمانك ودارت بي أزمان = ولا بد ماأشوفك لو أن الدهر طال
بعطيك موجز عن حياتي ياذيبان = بعدك وأنا في حل دايم وترحال
نزلت في ديرة طلقين الأيمان = ناس لهم في قمة المجد منزال
سهول في يوم المثارة شجعان = رجالهم يسوى ثمانين رجال
لاثار عج الخيل قافيه دخان =خيالهم يطرح ثمانين خيال
مبطي يوم إن الناس تؤخذ بالأكوان = اللي سلم من ضربهم صابه أهبال
فريسهم فالمعركه شانهم شان =اللي يواجهم قصر عمر ماطال
كم رأس شيخ طار من فوق الأمتان = بحد الصقيل يطيره ضرب الأبطال
حازوا فقارة نجد بالسيف شامان =تاريخهم تفخر به أجيال وأجيال
سهول أقول سهول وأبليس زعلان = كل سهلي فالطيب مضرب للأمثال
ياطيبهم في يوم زوغات الأذهان = يزلزلون الأرض بالخيل زلزال
أهل ثلاث غاليات بالأثمان = العود الأزرق والشحم وأيضاَ دلال
تلقى مجالسهم كذا دون بيبان = مفتوحة للضيف في كل الأحوال
هم للكرم والطيب والمجد عنوان = في طيبهم مانقبل هروج وجدال
قصيرهم يبقى معزز ولايهان = يعيش معهم داله سالي البال
ولي الشرف لاعشت من بينهم كان = الله عطاني عمر ياطيب الفال
حنا وهم أصحاب وأحباب وأخوان = واللي يجمعنا بهم زين الأفعال
قلته وأنا من منبع الطيب سبعان = من لابة لاجا اللقاء تدحم الجال]



هنا الرابط الاصلي للموضوع (http://alsuhol.com/vb/showthread.php?t=53839)